Bible Zirpuite Chu Thil Chîn Ṭha Lote Bânsan Tûra Ṭanpuiin

Nungchang lama thianghlimte chauhvin Jehova nêna inlaichînna ṭha an nei thei a. (1 Pet. 1:14-16) Bible zirpuite’n thil chîn ṭha lote an bânsan hian Pathian nêna inlaichînna ṭha an neih bâkah, chhûngkua, hrisêlna, leh sum leh pai lamah pawh an hlâwkpui bawk a ni.

Nungchang lama Jehova tehna te, a pêk chhan te, leh chumi zawm a hlâwknate chu hre thiam tûrin hrilhfiah ang che. I zirpuite ngaihtuah dân thlâk tûra ṭanpui chu tum ber la, chutiang chuan Jehova duh zâwngte an rawn ti thei ang. (Eph. 4:22-24) Jehova ṭanpuinain an thil chîn ṭha lote an bânsan thei tih hrilh la. (Phil. 4:13) Thil sual tih châkna an neih hunah Jehova ṭanpuina dîla ṭawngṭai tûrin zirtîr ang che. An pumpelh ngai thlêmna tawh theihna dinhmunte hre tûrin ṭanpui bawk la. Thil chîn ṭha lote chu thiltih ṭhatea thlâk tûrin fuih rawh. Bible zirpuite’n Jehova ṭanpuinaa hlawhtling taka an inthlâk danglam i hmuh chuan i lâwm ngei ang.

I BIBLE ZIRPUI CHU THIL CHIN ṬHA LOTE BANSAN TURIN ṬANPUI RAWH TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Engtin nge upate leh Neeta-i’n Jade-i an rinzia an lantîr?

• 

  Engtin nge Neeta-i’n Jade-i ṭanpuina dang a pêk?

• 

  Engtin nge Jade-i’n Pathian Jehova ṭanpuina a zawn?