Ṭawngṭaina Hmanga Jehova Ṭanpuina Dawngin

Jehova chu mite thinlunga thutak chî zung kaihtîrtu leh ṭhan chhohtîrtu a ni a. (1 Kor. 3:6-9) Chuvângin, rawngbâwlnaa hlawhtling tûr chuan keimahni leh kan Bible zirpuite ṭanpui tûrin Jehova kan rinchhan tûr a ni.

I Bible zirpuite’n nêksâwrnate tuar chhuak a, dodâlnate an hmachhawn theih nân Jehova hnênah ṭanpuina dîlsak rawh. (Phil. 1:9-11) Dîl bîk nei la. I ngaihtuahnate leh i thiltihte kaihruai tûrin thlarau thianghlim dîlin ṭawngṭai rawh. (Lk. 11:13) I Bible zirpuite chu ṭawngṭai dân zirtîr la, ṭawngṭai tûrin fuih ang che. I Bible zirpuite chu ṭawngṭaipui la, an hming lamin ṭawngṭaisak ang che.

ZIRTIR SIAMNAAH JEHOVA ṬANPUINA DAWNGIN HLIMNA HMU RAWH—ṬAWNGṬAINA TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• Neeta-i chuan Jade-i Bible a zirpuinaah eng harsatna nge a tawh?

• Engtin nge 1 Korinth 3:6 chuan Neeta-i a ṭanpui?

• Neeta-i harsatna tawh chu eng anga chinfel nge a nih?