Bible Zirpuite Chu Jehova Nêna Mi Mal Inlaichînna Nei Tûra Ṭanpuiin

Jehova chuan amah kan hmangaih avânga a rawng bâwl tûrin min duh a. (Mt. 22:37, 38) Bible zirlaite chu Pathian an hmangaihnain a ṭûl anga inthlâk danglam tûr leh fiahna hnuaia ding nghet tûrin chakna a pe ang a. (1 Joh. 5:3) Pathian an hmangaihnain baptisma chang tûrin a chêttîr bawk ang.

I Bible zirpuite chu Pathianin anmahni a hmangaihna hmu thiam tûrin ṭanpui rawh. Anni chu heti hian i zâwt thei ang: “Hei hian Jehova chungchâng eng nge a zirtîr che?” a nih loh leh “Engtin nge hei hian Pathianin a hmangaihna che a târ lan?” tiin. Chu bâkah, mi mal taka Jehova’n a ṭanpui dân hmu thiam tûrin ṭanpui rawh. (2 Chro. 16:9) Dîl bîk neia i ṭawngṭaina Jehova’n a chhân dân che hrilh la, Jehova’n an ṭawngṭaina a chhân dân hmu thiam tûrin fuih ang che. Bible zirlaite’n Jehova hmangaihna an chhân lêt dân leh amah an hmangaihna an lantîr kan hmuh hian hlimna nasa tak kan nei a ni.

I BIBLE ZIRPUI CHU JEHOVA NENA MI MAL INLAICHINNA NEI TURIN ṬANPUI RAWH TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Jade-i’n eng harsatna nge a tawh?

• 

  Engtin nge Neeta-i’n Jade-i a ṭanpui?

• 

  Engtin nge Jade-i’n a harsatna a hmachhawn theih?