Inbiak Ṭanna Tûr Hmêlhmang Thar

Kum 2016 March thla aṭangin, “Bible-in Eng Nge A Sawi?” tih chu Mizo ṭawng Vênnainsâng kâwm hnung lamah ṭan a ni a. He hmêlhmang thar hi Bible thute hmanga inbiak ṭanna tûra siam a ni. Kan tract-te kal hmang anga siam a ni a. Ngaih dân sawi chhuahtîr thei zawhna a awm a, Bible-in a chhân dân, leh sawiho theih tûr thu dangtein a zui a ni.

Bible chungchânga inbiakna nuam tak chuan Bible zirna a thlen ṭhîn. He hmêlhmang thar hi thlarau lama rilṭâmte mamawh phuhhrûk nân hmang ang che.—Mt. 5:6.

A HMAN DAN TUR:

1. In neitu chu zawhna pakhat chungchânga a ngaih dân zâwt rawh

2. A chhânna chu ngaihthlâksakin, lâwmthu hrilh rawh

3. “Bible Sawi Dân Chuan,” tih thupuitê hnuaia Bible châng chu chhiarin, a ngaih dân zâwt ang che. Hun a neih chuan “Bible Aṭangin Eng Nge Kan Zir Belh Theih?” tih thupuitê hnuaia thute hmangin inbiakna chu chhunzawm ang che.

4. Magazine pe chhuak rawh

5. Zawhna pahnihna sawipui tûra tlawhkîr tûrin ruahmanna siam ang che