Mitthite Tan Beisei Tur Eng Nge Awm?

Thihna chuan min nghawng ṭheuh va. Mahse, thihna chu tâwp hlenna a ni em? Mitthite chu chatuana theihnghilh an ni em? Mitthite tân beisei tûr engemaw tal a awm em?

BIBLE SAWITE CHU NGAIHTUAH RAWH:

MITTHITE CHU THEIHNGHILH AN NI LO

“Hriatrengna thlâna awm zawng zawng chu . . . an lo chhuak ang.”—Johana 5:28, 29 NW.

Pathian chuan mitthite chu a hre reng a; a hriattrengnaa awmte chu nunna changin an tho leh ang.

LEIAH HIAN THAWHLEHNA A AWM ANG

“Mi felte leh fel lote thawhlehna a awm ang.”—Tirhkohte 24:15.

Mi maktaduai tam takte chu remna chêna chatuana nun beiseina neiin an tho leh ang.

THAWHLEH BEISEINA CHU A RIN TLAK

“Arsi tam chin [Pathianin] a chhiar a; An hming a vuah ṭheuh hlawm ṭhîn a.”—Sâm 147:4.

Arsi zawng zawng an hminga ko theitu Pathian chuan a kaihthawh tûrte chu awlsam takin a hre thei a ni.