ZIRLAI 20

A Tlipna Hlawhtling Tak

Thuhriltu 12:13, 14

KHAIKHAWMNA: I thusawi tlipnaah chuan, ngaithlatute chu an thu hriatte pawm tûr leh nunpui tûrin ngên rawh.

Tlipna chu i thu khaikhawmtu nên thlunzawm rawh. I thusawia a pawimawh laite leh a thupui chu sawi nawn ang che.
Ngaithlatute chu chêttîr rawh. Ngaithlatute chu an tih tûr leh an tih chhan tûr ṭha tak hrilh ang che. Phûr tak leh inringtâwk takin sawi rawh.
I thu tlipna chu hriat awlsam tak leh tawi fel tak nihtîr rawh. Thu pawimawh dang hmêlhriattîr suh. Thil ti tûra ngen nân ṭawngkam tlêm tê hmangin titâwp rawh.

A tlipna i sawi hunah hmanhmawh suh la, i aw zuihraltîr suh. I thusawia sentence hnuhnûng ber ṭhenkhat chu thu tlipnain a phu ang ngeiin sawi ang che.