ZIRLAI 19

Thinlung Thlentîr Tumna

Thufingte 3:1

KHAIKHAWMNA: Ngaithlatute chu an thu hriat hlutna hre thiam tûr leh chu mi mila thil ti turin ṭanpui rawh.

Ngaithlatute chu mahni inendikna nei tûrin ṭanpui rawh. Ngaithlatute chu an rilru put hmang inendik tûra ṭanpui nân chhân ngai lo zawhnate zâwt ang che.
Chêttîrtu ṭha nei tûrin fuih rawh. Ngaithlatute chu thil ṭha an tih chhan ngun taka ngaihtuah tûrin fuih rawh. Chêttîrtu ṭha ber—Jehova leh mihringte hmangaihna bâkah, Bible zirtîrna an ngainatna avânga thil ti tûrin ṭanpui rawh. Ngaithlatute chu chhûtpui la; kamkhat mai suh. I thusawi tâwpnaah chuan anmahni tizak lovin, tichak zâwk la, theih tâwp chhuah tûrin fuih rawh.
Jehova lam ngaihventîr rawh. Bible zirtîrna te, thu bul te, leh thupêkte’n Pathian miziate leh a mi hmangaihziate a târ lan dân sawifiah rawh. Ngaithlatute chu Jehova ngaih dân ngaih pawimawhna leh amah tihlâwm duhna neihtîr ang che.

Mite hîptu chu Jehova a ni tih hre reng la, ngaithlatute chêttîr nân a Thu hmang ang che.