“Mwakatiya Majita”

John Simpson, wunazatili kuBBC hadi yaaka yayivulu, wahosheli nindi: “Nashimuni nsañu yamajita kubadika ha 40 kunyeñumuka kaayi kejima Kufuma tuhu hinatachikili kuzata mudimu wami muma 1960. Namweni chaswejeleña njita yadiña hakachi kaUnited States naSoviet Union, ilaña mukuhita kwampinji yimana. Ilaña munu mu 2025 nadakamena chikupu kubadika yaaka yejimiyi. Chuma chatachi chidi chakwila nawu majita anasweji kuvula. Nawa chikwawu chidi chakwila nawu njita yimu hanawa majita yinateli kuluwañesha yuma mukaayi munjila muyabulahu dehi kumwekana.”

Antu anakwakama nankashi hamuloña wamajita anakumwekana mukaayi. Amavulu ajinokaña neyi chakwila yuma yakawahahu mukaayi. Hanu Yesu watañishili nindidi?

Chuma chatañishiliyi Yesu

Yesu washimwineñahu dehi yuma yinakumwekana makonu. Wayisoñamishili akakumulondela nindi: “Mwakatiya majita ninsañu yamajita.”—Matewu 24:6.

Hela chakwila majita nimadombu anakumwekana makonu anakutiyisha woma, twakamaña nankashi wanyi. Muloñadi? Muloña Yesu watañishili nindi majita amaneni kushilahu tuhu niyuma yikwawu yakamwekanaña, yakekala “chinjikijilu” chinakumwekesha nawutudi “kukukuma kwanshakaminu yamakonu.” (Matewu 24:3; Luka 21:7) Chumichi chinatalishi mukwila nawu ifuku dakenza dakafumishahu Yesu majita. Wakela ñahi mwenimu?

Chuma chakelayi Yesu

Katataka ichi kumbidi, Yesu, Mwanta waWanta waNzambi , ‘wakamanisha majita heseki dejima.’—Isamu 46:9.

Hakwila mwilukilihu yuma yayivulu kutalisha hachitwakekala nakuwunda mukaayi nichakekala yuma hanoyu mpinji, tañenu chibaaba chinakuhosha nawu “Chakamana Majita Ejima.”