ຊີວິດຄລິດສະຕຽນ
ເຈົ້າຮຽນຫຍັງໄດ້ຈາກພີ່ນ້ອງທີ່ຮັບໃຊ້ມາດົນ?
ມີພີ່ນ້ອງຫຼາຍຄົນທີ່ຮັບໃຊ້ພະເຢໂຫວາມາດົນແລ້ວໃນຫຼາຍປະຊາຄົມ. ເຮົາຮຽນຈາກຕົວຢ່າງຂອງພວກເຂົາໄດ້ໃນເລື່ອງການໄວ້ວາງໃຈພະເຢໂຫວາສະເໝີ. ເຮົາຍັງຖາມພວກເຂົາໄດ້ອີກກ່ຽວກັບປະຫວັດຂອງອົງການແລະວິທີທີ່ພະເຢໂຫວາຊ່ວຍພວກເຂົາໃຫ້ເອົາຊະນະບັນຫາຕ່າງໆ. ໃນການນະມັດສະການປະຈຳຄອບຄົວ ເຮົາອາດເຊີນພວກເຂົາມາເລົ່າປະສົບການໃຫ້ຟັງ.
ຖ້າເຈົ້າຮັບໃຊ້ພະເຢໂຫວາມາດົນແລ້ວ ຂໍໃຫ້ເຈົ້າເລົ່າປະສົບການຂອງເຈົ້າໃຫ້ພີ່ນ້ອງໃໝ່ໆຟັງ. ຢາໂຄບກັບໂຢເຊັບເລົ່າປະສົບການຂອງພວກເຂົາໃຫ້ລູກຫຼານຟັງ. (ຕົ້ນ 48:21, 22; 50:24, 25) ຕໍ່ມາພະເຢໂຫວາໃຫ້ຫົວໜ້າຄອບຄົວສອນລູກກ່ຽວກັບການອັດສະຈັນທີ່ພະອົງເຮັດ. (ບັນຍັດ 4:9, 10; ເພງ 78:4-7) ໃນທຸກມື້ນີ້ ພໍ່ແມ່ແລະພີ່ນ້ອງໃນປະຊາຄົມສາມາດເລົ່າໃຫ້ຄົນລຸ້ນຫຼັງຟັງກ່ຽວກັບສິ່ງທີ່ອັດສະຈັນຕ່າງໆທີ່ພະເຢໂຫວາເຮັດຜ່ານທາງອົງການຂອງພະອົງ.
ເບິ່ງວິດີໂອຮັກສາຄວາມເປັນໜຶ່ງດຽວກັນເມື່ອວຽກຖືກສັ່ງຫ້າມ ແລ້ວຕອບຄຳຖາມຕໍ່ໄປນີ້:
ສາຂາໂອຕຣິດຊ່ວຍພີ່ນ້ອງໃນບາງປະເທດທີ່ວຽກຂອງເຮົາຖືກສັ່ງຫ້າມແນວໃດ?
ພີ່ນ້ອງໃນປະເທດທີ່ວຽກຂອງເຮົາຖືກສັ່ງຫ້າມຮັກສາຄວາມເຊື່ອໃຫ້ເຂັ້ມແຂງໄດ້ແນວໃດ?
ເປັນຫຍັງຜູ້ປະກາດຫຼາຍຄົນໃນຣູມານີຈຶ່ງແຍກຕົວອອກຈາກອົງການຂອງພະເຢໂຫວາ ແລະພວກເຂົາເຮັດແນວໃດຈຶ່ງໄດ້ກັບເຂົ້າມາໃນອົງການອີກ?
ປະສົບການເຫຼົ່ານີ້ເຮັດໃຫ້ຄວາມເຊື່ອຂອງເຈົ້າເຂັ້ມແຂງຂຶ້ນແນວໃດ?
ໃຫ້ເຮົາຮຽນຈາກປະສົບການທີ່ດີຂອງພີ່ນ້ອງທີ່ຮັບໃຊ້ມາດົນ!