“Bokoyoka lokito ya bitumba”

“Nasali bambula soki 60 na mosala na ngai ya mopanzi-nsango, mpe nalobelá bitumba koleka 40 oyo esalemá na mokili. Namoná mpe matata kati na États-Unis ná Union soviétique, mpe ndenge yango esilaki kaka na mbala moko. Kasi mbula ya nsɔmɔ lokola 2025, natikalá komona te! Ezali kaka te mpo bamboka mingi ezali na matata, kasi mpe ezali komonana polele ete moko ya matata yango ekoki kobongola makambo ya mokili na ndenge oyo etikalá kosalema te.”—John Simpson, mokomi na BBC.

Bato bazali kobanga ndenge bitumba ekómi mingi na mokili. Mingi bazali komituna soki makambo ekobonga lisusu. Yesu ateyaki nini?

Oyo Yesu ateyaki

Yesu asakolaki makambo oyo tozali komona lelo na mokili. Ayebisaki bayekoli na ye: “Bokoyoka lokito ya bitumba mpe bansango ya bitumba.”—Matai 24:6.

Atako bitumba mpe mobulu oyo tozali komona na mokili epesaka biso mpasi, kasi eloko moko ezali kopesa biso elikya. Eloko nini? Yesu ateyaki ete bitumba na mokili, kobeba ya bizaleli ya bato, mpe makambo mosusu ya ndenge wana, ekozala “elembo” oyo ekomonisa ete tokómi na “eleko ya nsuka ya mokili.” (Matai 24:3; Luka 21:7) Yango elakisi ete ezali na mokolo oyo Yesu akosala ete masolo ya bitumba ekóma masolo ya kala. Ndenge nini akosala yango?

Oyo Yesu akosala

Mosika te, Yesu, Mokonzi ya Bokonzi ya Nzambe, ‘akosilisa bitumba na mabele mobimba.’—Nzembo 46:9.

Mpo na koyeba makambo mosusu oyo etali kimya na mikolo ezali koya, ndenge yango ekoya, mpe ndenge oyo bomoi ekozala na ntango wana, tángá lisolo “Ndenge bitumba mpe mobulu ekosila.”