Biki Bye Nnyinza Okusaba?

Bayibuli ky’egamba

Osobola okusaba ekintu kyonna kasita kiba nga kituukagana n’ebyo Katonda by’ayagala. Bayibuli egamba nti: “Bwe tusaba ekintu kyonna ekituukagana n’ebyo [Katonda] by’ayagala, atuwulira.” (1 Yokaana 5:14) Osobola okubuulira Katonda ebyo ebikweraliikiriza? Yee. Bayibuli egamba nti: “[Katonda] mumubuulire ebibali ku mitima.”—Zabbuli 62:8.

Ebimu ku bintu by’osobola okusaba

• Okuba n’okukkiriza okunywevu.—Lukka 17:5.

• Omwoyo omutukuvu gukuyambe okukola ekituufu.—Lukka 11:13.

• Amaanyi okusobola okugumira ebizibu oba okulwanyisa ebikemo.—Abafiripi 4:13.

• Okufuna emirembe mu mutima.—Abafiripi 4:6, 7.

• Amagezi okusobola okusalawo obulungi.—Yakobo 1:5.

• Katonda akuyambe okufuna ebyetaago by’obulamu.—Matayo 6:11.

• Okusonyiyibwa ebibi.—Matayo 6:12.