EKIGAMBO KYA KATONDA KYA BUGAGGA | OKUVA 35-36

Yakuwa Yabasobozesa Okukola Omulimu Gwe

Omwoyo gwa Yakuwa gwasobozesa Bezaleeri ne Okoliyaabu okukola ebintu byonna ebyalina okuteekebwa mu weema entukuvu. (Laba ekifaananyi ekiri kungulu.) Ne leero, Yakuwa awa abaweereza be omwoyo omutukuvu. Biki bye tusaanidde okukola okusobola okuganyulwa mu buyambi bw’omwoyo omutukuvu?

Tusaanidde okusaba Yakuwa atuwe omwoyo gwe omutukuvu gutusobozese okutuukiriza obulungi obuvunaanyizibwa bw’aba atuwadde
Tulina okufuba okusoma Ekigambo kya Katonda ekyaluŋŋamizibwa
Omulimu gwonna oguba gutuweereddwa tusaanidde okugukola n’omutima gwaffe gwonna

Ebifaananyi: Abajulirwa ba Yakuwa nga bakola emirimu egy’enjawulo egy’Obwakabaka. 1. Bannyinnaffe bayambako ku mirimu egy’okuzimba. 2. Ow’oluganda ateekateeka ekitundu ky’Omunaala gw’Omukuumi ky’anaakubiriza. 3. Ow’oluganda abuulira omusajja atunda ebintu, ng’ate munne gw’abuulira naye alabiriza abo abatuziyiza. 4. Ow’oluganda ne mukyala bali mu Ssomero ly’Ababuulizi b’Enjiri y’Obwakabaka.

Buvunaanyizibwa ki Yakuwa bw’asobola okukuyamba okutuukiriza?