Enteekateeka y’Enkuŋŋaana z’Obuweereza

Wiiki Etandika Jjulaayi 14

Oluyimba 51

Ddak. 10: Ebirango by’ekibiina. Ng’okozesa ebirowoozo ebiri ku lupapula 4 oba ebirala ebituukana n’ekitundu kyammwe, laga engeri y’okugabamu Watchtower eya Jjuuni 1 ne Awake! eya Jjuuni.

Ddak. 15: ‘Oyogera n’Obuvumu’? Kwogera okwesigamiziddwa ku Watchtower eya Maayi 15, 2006, olupapula 13-16. Kiggumize nti kikulu nnyo okubuulira n’obuvumu.

Ddak. 20: “Ganyulwa mu Kusoma Akatabo Funa Enkolagana Ennungi ne Yakuwa.”a Nokolayo ebimu ku birungi ebiri mu katabo kano. Yogera ku nteekateeka ey’okusoma akatabo kano awamu n’obulagirizi obuli ku lupapula 3 mu Obuweereza Bwaffe obw’Obwakabaka. Kubiriza bonna okubeerangawo mu nkuŋŋaana obutayosa era n’okuzeenyigiramu mu bujjuvu nga babaako bye baddamu. Mu bufunze, buuza ebibuuzo omubuulizi omu oba babiri abafuba okutegeka obulungi buli lukuŋŋaana, era obasabe bawe ensonga lwaki kino bakikola.

Oluyimba 97

Wiiki Etandika Jjulaayi 21

Oluyimba 43

Ddak. 10: Ebirango by’ekibiina. Ebirango ebimu okuva mu Obuweereza Bwaffe obw’Obwakabaka. Jjukiza abawuliriza okujja ne Watchtower eya Jjulaayi 1 ne Awake! eya Jjulaayi mu Lukuŋŋaana lw’Obuweereza olunaabaawo wiiki ejja era n’okweteekateeka okukubaganya ebirowoozo ku nnyanjula ezituukana n’ekitundu kyammwe.

Ddak. 15: Ebyetaago by’ekibiina.

Ddak. 20: “Okweteekateeka​—Kutusobozesa Okuddiŋŋana Obulungi Abantu.”b Tegekawo okwewuunaganya kwa ddakiika nnya ng’omubuulizi yeeteekateeka okuddayo eri abo abaalaga okusiima. Yejjukanya ebyo bye yawandiika era n’asalawo okuddira abantu babiri ku wiikendi eno. Oluvannyuma, alowooza ku ebyo bye yakubaganyaako ebirowoozo na buli omu ku bantu abo, asalawo ekiruubirirwa ky’asaanidde okuba nakyo ng’azzeeyo okukyalira buli omu ku bo, era ategeka engeri gy’agenda okutuuka ku kiruubirirwa ekyo. Ateekateeka okutandika okuyigiriza omu ku bo Baibuli era n’okuyamba omulala okweyongera okusiima amazima ga Baibuli ng’akozesa ebirowoozo ebiri mu katundu 5.

Oluyimba 86

Wiiki Etandika Jjulaayi 28

Oluyimba 3

Ddak. 10: Ebirango by’ekibiina. Jjukiza ababuulizi bonna okuwaayo lipoota zaabwe ez’obuweereza eza Jjulaayi. Soma lipoota y’eby’embalirira n’ebbaluwa eraga nti ssente ezaaweebwayo ku sosayate zaatuuka. Bategeeze ebitabo eby’okugaba mu Agusito, era olageyo n’ekyokulabirako kimu.

Ddak. 15: Obuteerabira Bukulu bw’Ebiseera bye Tulimu. Kwogera okw’ebbugumu nga kwesigamiziddwa ku Omunaala gw’Omukuumi aka Jjanwali 1, 2007, olupapula 11-12, akatundu 17-21.

Ddak. 20: Weeteeketeeke Okugaba Magazini Ezaakafuluma. Kukubaganya birowoozo n’abawuliriza. Ng’omaze okwogera mu bufunze ku ebyo ebiri mu Awake! eya Jjulaayi ne Watchtower eya Jjulaayi 1, saba abawuliriza banokoleyo ebimu ku bitundu ebizirimu ebiyinza okusikiriza abantu b’omu kitundu kyammwe, era bawe n’ensonga lwaki bagamba bwe batyo. Saba abawuliriza boogere ku nsonga zennyini eziri mu bitundu ebyo bye bateekateeka okukozesa nga bagaba magazini zino. Kibuuzo ki ekiyinza okubuuzibwa okusobola okutandika okunyumya n’omuntu? Kyawandiikibwa ki ekiyinza okusomebwa okuva mu kitundu ekyo? Ng’okozesa emu ku nnyanjula eziri mu Obuweereza Bwaffe obw’Obwakabaka oba ezo abawuliriza ze bawadde, laga engeri y’okugabamu buli emu ku magazini ezo.

Oluyimba 45

Wiiki Etandika Agusito 4

Oluyimba 100

Ddak. 10: Ebirango by’ekibiina n’Amawulire ga Teyokulase.

Ddak. 15: Abaana Bo Beeteeseteese Okwaŋŋanga Ebizibu bye Basanga ku Ssomero? Kwogera n’okukubaganya ebirowoozo n’abawuliriza. Nokolayo ebimu ku bizibu abavubuka Abakristaayo bye boolekagana nabyo ku ssomero. Nnyonnyola engeri abazadde n’abaana baabwe gye bayinza okukozesaamu Watch Tower Publications Index okufuna ebyo ebisobola okubayamba. Waayo ebimu ku byokulabirako. (Laba omutwe omutono “ebyokulabirako” oguli wansi w’omutwe omukulu “Amasomero.”) Saba abawuliriza abaakulira mu maka Amakristaayo boogere ku ngeri bazadde baabwe gye baabayambamu okwaŋŋanga ebizibu ebibaawo ku ssomero era n’okugoberera emisingi gya Baibuli nga bali ku ssomero. Era basobola n’okwogera ku alipoota gye baawandiika ku ssomero nga bakozesa ebyo ebiri mu Awake! Basabe bannyonnyole engeri okubuulira ku ssomero gye kyali eky’obukuumi gye bali.

Ddak. 20: “Tusiguukulula Ebintu Ebyasimba Amakanda.”c Saba abawuliriza boogere ku ngeri oyo eyabayigiriza Baibuli gye yabayambamu okulekayo enjigiriza enkyamu ezaali zaasimba edda amakanda mu mitima gyabwe.

Oluyimba 62

[Obugambo obuli wansi]