Jɔjis
5 Da de de Dɛbora+ ɛn Berak+ we na Abinoam in bɔypikin siŋ dis siŋ:+
3 Una dɛn kiŋ dɛn, una lisin! Una dɛn rula dɛn, una lisin!
A go siŋ to Jiova.
A go siŋ fɔ prez* Jiova,+ we na Izrɛl in Gɔd.+
4 Jiova, di tɛm we yu kɔmɔt na Sia,+
We yu mach kɔmɔt na Idɔm,
Di wɔl shek, ɛvi ren fɔdɔm frɔm di skay,
Ɛn ɛvi ren fɔdɔm frɔm di klawd.
6 Insay di tɛm we Shamga+ we na Enat in bɔypikin bin de,
Insay di tɛm we Jeɛl+ bin de, pipul dɛn nɔ bin de pas na di rod dɛn;
Di wan dɛn we bin de travul nɔ bin de pas na di men rod dɛn.
7 Di vileja dɛn na Izrɛl nɔ bin de igen;*
Dɛn nɔ bin de igen pas te mi, Dɛbora,+ tinap,
Pas te we a tinap as mama na Izrɛl.+
Yu nɔ de ebul fɔ si shild ɔ lɔng spia,
Pan 40,000 Izrɛlayt dɛn.
Prez Jiova!
10 Una we de rayd dɛn layt brawn dɔnki dɛn,
Una we de sidɔm pan fayn kapɛt dɛn,
Ɛn una we de waka na di rod,
Una tink!
11 Dɛn yɛri di wan dɛn we de gi wata dɛn vɔys na di ples dɛn usay wata de;
Na de dɛn bin de tɔk bɔt di tin dɛn we Jiova dɔn du di rayt we,
Di tin dɛn we in vileja dɛn na Izrɛl dɔn du di rayt we,
Dɔn Jiova in pipul dɛn go dɔŋ na di get dɛn.
12 Wek, wek, Dɛbora!+
Wek, wek, siŋ wan siŋ!+
Berak, tinap!+ Yu we na Abinoam in bɔypikin, kɛr di wan dɛn we yu dɔn kapchɔ!
13 Dɔn di wan dɛn we lɛf kam dɔŋ to di wan dɛn we impɔtant;
Jiova in pipul dɛn kam dɔŋ to mi agens di pawaful wan dɛn.
14 Di wan dɛn we de na di vali* kɔmɔt na Ifrem;
E Bɛnjamin, dɛn de biɛn yu wit yu pipul dɛn.
Di kɔmanda dɛn kɔmɔt na Mekia+ ɛn go dɔŋ,
Di wan dɛn we ol staf* fɔ jɔyn pipul dɛn na di ami kɔmɔt frɔm Zɛbyulɔn.
15 Di prins dɛn na Isaka in trayb bin de wit Dɛbora,
Ɛn jɔs lɛk aw Isaka bin de wit Dɛbora, na so bak Berak+ bin de wit am.
Di Rubɛnayt dɛn bin rili chɛk dɛn at.
16 Wetin mek yu sidɔm lɛk animal ɔnda in tu lod dɛn,
De lisin we dɛn de ple dɛn payp dɛn fɔ di ship+ dɛn?
As fɔ di Rubɛnayt dɛn, dɛn bin rili chɛk dɛn at.
Asha sidɔm in aydul wan na di bich,
I lɛf nain ples dɛn, usay ship dɛn kin slam.+
18 Di pipul dɛn frɔm Zɛbyulɔn risk dɛn layf te i lɛf smɔl mek dɛn day;
Di pipul dɛn frɔm Naftalay, dɛnsɛf risk dɛn layf+ na di mawntin.+
Dɛn nɔ tek ɛni silva.+
20 Di sta dɛn fɛt frɔm ɛvin;
Dɛn fɛt Sisera frɔm usay dɛn de.
A mas mas di wan dɛn we pawaful.
22 In pawaful ɔs dɛn fut dɛn bin de mek lawd sawnd na grɔn
As dɛn de rɔn wit spid.+
23 Jiova in enjɛl se, ‘Lɛ bad tin apin to Mirɔz,
Lɛ bad tin apin to di pipul dɛn we de de,
Bikɔs dɛn nɔ kam fɔ ɛp Jiova,
Dɛn nɔ kam fɔ ɛp Jiova wit di pawaful wan dɛn.’
24 Di uman we gɛt blɛsin pas ɔl na Jeɛl+
We na Iba+ di Kɛnayt in wɛf;
I gɛt blɛsin pas ɔl di uman dɛn we de liv na tɛnt.
25 Sisera aks fɔ wata, Jeɛl gi am milk.
I gi am tik milk+ na big bol.
26 I tek di tɛnt pin,
I tek di ama wit in raytan.
I ama Sisera ɛn nyamanyama in ed.
I bɔs di sayd pat nain ed+ ɛn smash am.
27 Sisera kolaps bitwin in fut dɛn; i fɔdɔm ɛn ledɔm de kwayɛt wan;
I kolaps bitwin in fut dɛn ɛn fɔdɔm;
Usay i kolaps, na de dɛn win am.
28 Wan uman de luk na winda,
Sisera in mama kɔntinyu fɔ luk na di opin say dɛn na di winda,
‘Wetin mek in chariɔt de westɛm fɔ kam?
Wetin mek te naw+ a nɔ yɛri di sawnd we in ɔs dɛn nain chariɔt de mek na grɔn?’
29 In biguman dɛn we gɛt sɛns pas ɔl di ɔda biguman dɛn go ansa am;
Insɛf go tɛl insɛf se,
30 ‘Dɛn go de sheb di tin dɛn we dɛn fɛn,
Wan titi, tu titi, to ɛniwan pan di fɛtman dɛn,
Klos we dɛn day fɔ Sisera, klos we dɛn day,
Klos we dɛn plant, klos we dɛn day, tu klos dɛn we dɛn plant
Fɔ ɛng na di wan dɛn we tek di prɔpati dɛn nɛk.’
31 E Jiova, lɛ ɔl yu ɛnimi dɛn day,+
Bɔt mek di wan dɛn we lɛk yu tan lɛk di san we de kɔmɔt ɛn shayn brayt wan.”