Fɔs Lɛta to di Tɛsalonians
5 Wi brɔda dɛn, naw una nɔ nid ɛnibɔdi fɔ rayt natin to una bɔt di tɛm ɛn sizin dɛn. 2 Unasɛf no gud gud wan se Jiova* in de+ de kam jɔs lɛk aw tifman kin kam na nɛt.+ 3 Ɛnitɛm we dɛn se, “Wi dɔn gɛt pis ɛn natin nɔ de fɔ fred!” na da tɛm de dɛn ɛnd go kam kwik kwik wan,+ jɔs lɛk di pen we bɛlɛ-uman kin fil we i want fɔ bɔn, ɛn dɛn nɔ go ebul fɔ ɛskep atɔl. 4 Bɔt wi brɔda dɛn, una nɔ de na dak, we fɔ mek da de de kam jɔs lɛk dat we una nɔ no, lɛk aw do kin jɔs klin pan tifman dɛn, 5 bikɔs una ɔl na layt in pikin dɛn ɛn una de waka dyurin di de.+ Wi nɔto nɛt in pikin dɛn, wi nɔto daknɛs in pikin+ dɛn.
6 So naw, lɛ wi nɔ go de slip lɛk aw di ɔda wan dɛn de du,+ bɔt lɛ wi go de wach+ ɛn kɔntinyu fɔ tink di rayt we.+ 7 Di wan dɛn we kin slip, kin slip na nɛt, ɛn di wan dɛn we kin chak, kin chak na nɛt.+ 8 Bɔt fɔ wi we de waka dyurin di de, lɛ wi kɔntinyu fɔ tink di rayt we, ɛn lɛ wi wɛr di tin we de protɛkt pɔsin in chɛst we na fet ɛn lɔv, ɛn lɛ wi wɛr di ɛlmɛt we na di op we go mek wi sev+ 9 bikɔs Gɔd nɔ pik wi fɔ mek i vɛks pan wi, bɔt na fɔ mek wi sev+ tru wi Masta Jizɔs Krays. 10 I day fɔ wi,+ so dat ilɛk wi de wach ɔ wi de slip,* wi fɔ liv wit am.+ 11 So una kɔntinyu fɔ ɛnkɔrej una kɔmpin dɛn ɛn ɛp dɛn fɔ tinap tranga wan,+ jɔs lɛk aw una de du.
12 Naw, wi brɔda dɛn, wi de beg una fɔ sho rɛspɛkt to di wan dɛn we de wok tranga wan fɔ una ɛn we de oba una pan di Masta in wok ɛn we de advays una; 13 una sho dɛn se una rili rɛspɛkt dɛn ɛn lɛk dɛn bikɔs ɔf di wok we dɛn de du.+ Una fɔ gɛt pis wit una kɔmpin+ dɛn. 14 Bɔt wi brɔda dɛn, wi de beg una, una wɔn* di wan dɛn we nɔ de obe,+ una tɔk fayn to di wan dɛn we dɛn at pwɛl,* una sɔpɔt di wan dɛn we wik, una peshɛnt wit ɔlman.+ 15 Una mek shɔ se nɔbɔdi nɔ tɔn-am-gi we pɔsin du am bad,+ bɔt una tray tranga wan ɔltɛm fɔ du gud to una kɔmpin dɛn ɛn to ɔlman.+
16 Una go de gladi ɔltɛm.+ 17 Una go de pre ɔltɛm.+ 18 Una go de tɛl tɛnki fɔ ɔltin.+ Na dis Gɔd want fɔ una we gɛt wanwɔd wit Krays Jizɔs. 19 Una nɔ stɔp Gɔd in spirit we i de wok insay una.*+ 20 Una nɔ tek prɔfɛsi dɛn lɛk se na natin.+ 21 Una mek shɔ ɔf ɔltin;+ una kɔntinyu fɔ du wetin fayn. 22 Una avɔyd ɔltin we wikɛd.+
23 Mek di Gɔd we de gi pis put una wansay fɔ du in wok. Mi brɔda dɛn, mek una spirit, una layf,* ɛn una bɔdi kɔntinyu fɔ de kɔmplit wan ɛn nɔ gɛt wan blem di tɛm we wi Masta Jizɔs Krays go de wit wi.+ 24 Di pɔsin we de kɔl una na fetful pɔsin, ɛn i go rili du dat.
25 Wi brɔda dɛn, una kɔntinyu fɔ pre fɔ wi.+
26 Una grit ɔl di brɔda dɛn wit oli kis.
27 A de rili beg una insay di Masta in nem fɔ mek una rid dis lɛta to ɔl di brɔda+ dɛn.