Fɔs Lɛta to di Tɛsalonians

4 So wi brɔda dɛn, jɔs lɛk aw wi bin dɔn tɛl una fɔ waka di we we go mek Gɔd gladi,+ na so una de waka. Naw wi de beg una insay Masta Jizɔs in nem fɔ du am mɔ ɛn mɔ. 2 Una no di tin dɛn we wi bin dɔn tɛl una fɔ du, ɛn na Masta Jizɔs tɛl wi fɔ tɛl una.

3 Gɔd want mek una oli+ ɛn avɔyd mami ɛn dadi biznɛs di we aw i nɔ want.*+ 4 Una ɔl fɔ no aw fɔ kɔntrol una bɔdi*+ so dat i go oli+ ɛn gɛt ɔnɔ, 5 ɛn una nɔ fɔ tan lɛk ɔda neshɔn dɛn we nɔ no Gɔd,+ we nɔ de satisfay ɔ ebul kɔntrol dɛnsɛf we i kam pan mami ɛn dadi biznɛs.+ 6 Nɔbɔdi nɔ fɔ pas di bawndri ɛn siz advantej pan in brɔda we i kam pan dis, bikɔs Jiova* go pɔnish di wan dɛn we de du ɔl dɛn tin dɛn ya, jɔs lɛk aw wi bin dɔn tɛl una trade ɛn wɔn una siriɔs wan. 7 Gɔd nɔ kɔl wi fɔ lɛ wi du dɔti tin dɛn, bɔt i kɔl wi fɔ lɛ wi oli.+ 8 So di pɔsin we tɔn in bak pan dis, nɔto mɔtalman i tɔn in bak pan, bɔt na pan Gɔd+ we de gi una in oli spirit.+

9 Bɔt wi nɔ nid fɔ rayt to una fɔ tɛl una se una fɔ lɛk unasɛf lɛk aw brɔda dɛn kin lɛk dɛnsɛf,+ bikɔs Gɔd bin dɔn tich una fɔ lɛk una kɔmpin+ dɛn. 10 Infakt, na so una de du to ɔl di brɔda dɛn we de ɔlsay na Masidonia. Bɔt wi brɔda dɛn, wi de beg una fɔ kɔntinyu fɔ du am mɔ ɛn mɔ. 11 Una tray tranga wan fɔ liv kwayɛt layf,+ fɔ maynd una biznɛs,+ ɛn fɔ wok wit una an,+ lɛk aw wi bin dɔn tɛl una, 12 so dat pipul dɛn we de na do go si se una de biev fayn+ ɛn una nɔ nid natin.

13 Pantap dat, wi brɔda dɛn, wi want lɛ una no bɔt di wan dɛn we dɔn day,+ so dat una at nɔ go pwɛl lɛk di wan dɛn we nɔ gɛt no op.+ 14 If wi gɛt fet se Jizɔs bin day ɛn gɛt layf bak,+ na so bak wi gɛt fet se Gɔd go yuz Jizɔs fɔ gi layf to di wan dɛn we bin dɔn day so dat dɛn go de wit am.*+ 15 Na dis wi de tɛl una akɔdin to Jiova* in wɔd, fɔ se wi we nɔ day ɛn we stil de alayv insay di tɛm we di Masta go de wit wi nɔ go go bifo di wan dɛn we bin dɔn day; 16 bikɔs di Masta insɛf go kɔmɔt na ɛvin ɛn kam wit big vɔys, wit enjɛl dɛn edman+ vɔys ɛn wit Gɔd in trɔmpɛt, ɛn di wan dɛn we bin dɔn day we gɛt wanwɔd wit Krays na dɛn fɔs go gɛt layf bak.+ 17 Afta dat, wi we nɔ day ɛn we stil de alayv, go go ɔp na di klawd+ fɔ go de wit dɛn ɛn fɔ go mit di Masta+ na di skay; ɛn wi go de wit di Masta ɔltɛm.+ 18 So una go de kɔrej una kɔmpin dɛn wit dɛn wɔd dɛn ya.