Nɔmbaz

9 Jiova tɔk to Mozis na di wildanɛs* na Saynay insay di fɔs mɔnt,+ insay di sɛkɔn ia we dɛn kɔmɔt na Ijipt, i se: 2 “Di Izrɛlayt dɛn fɔ sɛlibret di Pasova sakrifays+ we di tɛm rich.+ 3 Una fɔ sɛlibret am we di tɛm rich, dat na, di ivintɛm* fɔ di de we mek 14 insay dis mɔnt. Una fɔ du am+ akɔdin to ɔl di lɔ dɛn fɔ di pasova ɛn di we aw a dɔn sho una fɔ du am.”

4 So Mozis tɛl di Izrɛlayt dɛn fɔ sɛlibret di Pasova sakrifays. 5 Dɛn sɛlibret di Pasova sakrifays insay di fɔs mɔnt, di de we mek 14 insay di mɔnt, ivintɛm,* na di wildanɛs* na Saynay. Di Izrɛlayt dɛn du ɔl wetin Jiova bin dɔn kɔmand Mozis.

6 Bɔt sɔm man dɛn bin de we nɔ bin klin bikɔs dɛn tɔch dedebɔdi*+ ɛn dat mek dɛn nɔ bin ebul fɔ mek di Pasova sakrifays da de de. So dɛn kam to Mozis ɛn Erɔn da de de,+ 7 ɛn dɛn tɛl Mozis se: “Wi nɔ klin bikɔs wi dɔn tɔch dedebɔdi.* Wetin mek wi nɔ fɔ gi wi ɔfrin to Jiova we di tɛm rich togɛda wit di Izrɛlayt+ dɛn?” 8 Na de Mozis tɛl dɛn se: “Una wet lɛ a yɛri wetin Jiova go se bɔt una.”+

9 Dɔn Jiova tɛl Mozis se: 10 “Tɛl di Izrɛlayt dɛn se, ‘Ilɛk ɛniwan pan una ɔ una pikin dɛn we una go bɔn nɔ klin bikɔs i tɔch dedebɔdi*+ ɔ i travul go fa say, i fɔ stil mek di Pasova sakrifays to Jiova. 11 Dɛn fɔ du am insay di sɛkɔn mɔnt,+ di de we mek 14, ivintɛm.* Dɛn fɔ it am togɛda wit bred we nɔ gɛt yist ɛn bita grin.+ 12 Dɛn nɔ fɔ lɛf ɛni pat pan am te na mɔnin,+ ɛn dɛn nɔ fɔ brok ɛni bon pan am.+ Dɛn fɔ du am akɔdin to ɔl di lɔ dɛn we de fɔ di Pasova. 13 Bɔt if pɔsin klin ɔ i nɔ travul ɛn i nɔ gri fɔ mek di Pasova sakrifays, dɛn fɔ kil da pɔsin*+ de, bikɔs i nɔ gi in ɔfrin to Jiova we di tɛm rich. Da pɔsin de fɔ ansa fɔ in sin.

14 “‘If fɔrina de wit una, insɛf fɔ mek di Pasova sakrifays to Jiova.+ I fɔ du am akɔdin to di lɔ fɔ di Pasova ɛn di we aw a dɔn sho una fɔ du am.+ Na di sem lɔ fɔ de fɔ una, dat na, fɔ di fɔrina we de wit una ɛn fɔ pɔsin we na Izrɛlayt.’”+

15 Di de we dɛn mek di tabanakul,+ klawd kɔba di tabanakul, dat na, di tɛnt we gɛt di Lɔ, bɔt ivintɛm, sɔntin we tan lɛk faya bin de oba di tabanakul te na mɔnin.+ 16 Na dat kɔntinyu fɔ apin: Klawd bin de kɔba am dyurin di de, ɛn di tin we tan lɛk faya bin de kɔba am na nɛt.+ 17 Ɛnitɛm we di klawd kɔmɔt oba di tɛnt, di Izrɛlayt dɛn kin muv dɛn kamp kwik kwik wan+ ɛn na usay di klawd kɔntinyu fɔ de, na de di Izrɛlayt dɛn de mek dɛn kamp.+ 18 Na Jiova de tɛl di Izrɛlayt dɛn ustɛm fɔ muv dɛn kamp ɛn na Jiova de tɛl dɛn ustɛm fɔ mek dɛn kamp.+ As lɔng as di klawd kɔntinyu fɔ de oba di tabanakul, di Izrɛlayt dɛn nɔ de muv dɛn kamp. 19 We di klawd kɔntinyu fɔ de oba di tabanakul fɔ lɔng tɛm, di Izrɛlayt dɛn kin obe Jiova, ɛn dɛn nɔ kin muv dɛn kamp.+ 20 Sɔntɛnde, di klawd kin de oba di tabanakul fɔ shɔt tɛm. Na Jiova kin tɛl di Izrɛlayt dɛn fɔ kɔntinyu fɔ de na dɛn kamp ɛn na Jiova kin tɛl dɛn fɔ muv dɛn kamp. 21 Sɔntɛnde, di klawd kin de frɔm ivintɛm te na mɔnin, ɛn we di klawd muv na mɔnin, di Izrɛlayt dɛn de muv dɛn kamp. Ilɛksɛf na dyurin di de ɔ na nɛt, we di klawd muv, dɛnsɛf go muv dɛn kamp.+ 22 Ilɛksɛf na fɔ tu dez, wan mɔnt, ɔ pas dat, as lɔng as di klawd kɔntinyu fɔ de oba di tabanakul, di Izrɛlayt dɛn go kɔntinyu fɔ de na dɛn kamp, ɛn dɛn nɔ go muv dɛn kamp. Bɔt we di klawd muv, di Izrɛlayt dɛnsɛf go muv dɛn kamp. 23 Na Jiova kin tɛl di Izrɛlayt dɛn fɔ kɔntinyu fɔ de na dɛn kamp ɛn na Jiova kin tɛl dɛn fɔ muv dɛn kamp. Dɛn kɔntinyu fɔ du wetin dɛn fɔ du fɔ Jiova akɔdin to wetin Jiova tɛl Mozis fɔ tɛl dɛn.