Ɛkliziastis

10 Jɔs lɛk aw flay we dɔn day de mek pafyum ɔyl pwɛl ɛn smɛl, na so smɔl fulishnɛs de pwɛl di gudnem we pɔsin we gɛt sɛns ɛn rɛspɛkt gɛt.+

2 Sɛnsman in at de mek i go di rayt we,* bɔt fulman in at de mek i go di rɔng we.*+ 3 Ɛni aw fulman waka, i nɔ gɛt sɛns,+ ɛn i de mek ɔlman no se in na fulman.+

4 If ɛni rula in at* wam pan yu, nɔ kɔmɔt na yu ples+ bikɔs di vɛks we yu nɔ vɛks bak de ridyus siriɔs sin.+

5 Sɔntin de we de apin na di wɔl we de mɔna mi, dat na, di kayn mistek we di wan dɛn we de na pawa de mek:+ 6 Dɛn de put di fulish wan dɛn na bɔku ay pozishɔn dɛn, bɔt di wan dɛn we jɛntri* stil de na lo pozishɔn dɛn.

7 A dɔn si savant dɛn sidɔm pan ɔs ɛn prins dɛn de waka jɔs lɛk savant+ dɛn.

8 Di wan we dig ol nain go fɔdɔm de,+ ɛn di wan we brok ston wɔl na snek go bɛt am.

9 Di wan we de brok ston dɛn, ston go wund am, ɛn di wan we de plit bod dɛn de put insɛf pan denja.*

10 If ayɛn tul dɔl ɛn pɔsin nɔ shap am, i go nid fɔ yuz mɔ trɛnk. Bɔt sɛns de ɛp fɔ mek pɔsin go bifo.

11 If snek bɛt pɔsin bifo dɛn kɔntrol am, no advantej nɔ de fɔ di pɔsin we de kɔntrol am.*

12 Di tin dɛn we pɔsin we gɛt sɛns de tɔk kin fayn fɔ yɛri,+ bɔt wetin fulman de tɔk de ambɔg am.+ 13 Di fɔs wɔd dɛn we de kɔmɔt nain mɔt na fulish wɔd+ dɛn, ɛn di las wɔd dɛn na bad bad kres. 14 Bɔt fulman de kɔntinyu fɔ tɔk.+

Mɔtalman nɔ no wetin go apin. Udat go tɛl am wetin go apin afta am?+

15 Di tranga wok we fulman de du de mek i taya; i nɔ ivin sabi di rod fɔ go na di siti.

16 I go fiaful fɔ neshɔn we di kiŋ na bɔbɔ+ ɛn di prins dɛn de stat fɔ ɛnjɔy na mɔnin! 17 I go fayn fɔ di neshɔn we di kiŋ na impɔtant pɔsin in pikin ɛn di prins dɛn de it di rayt tɛm fɔ gɛt trɛnk, nɔto fɔ drɔnk!+

18 Pasmak lezinɛs de mek di bod dɛn na di ruf wik, ɛn aydulnɛs de mek os lik.+

19 Fud de mek pɔsin laf, ɛn wayn de mek pɔsin ɛnjɔy layf;+ bɔt mɔni de mek pɔsin gɛt ɛnitin we i nid.+

20 Nɔ kɔs* kiŋ ivin na yu maynd,*+ ɛn nɔ kɔs jɛntriman na yu rum; bikɔs bɔd* go kɛr yu vɔys* go, ɔ krichɔ we gɛt fɛda go ripit wetin yu se.