Ɛksodɔs

28 “Yu fɔ sɛn kɔl yu brɔda Erɔn togɛda wit in bɔypikin dɛn ɛn sɛpret dɛn frɔm di Izrɛlayt dɛn, so dat dɛn go wok as prist fɔ mi+—Erɔn+ togɛda wit Nedab, Abayu,+ Ɛlieza, ɛn Itama+ we na Erɔn in bɔypikin+ dɛn. 2 Yu fɔ mek oli klos dɛn we fayn ɛn we gɛt glori+ fɔ yu brɔda Erɔn. 3 Yu fɔ tɔk to ɔl di wan dɛn we sabi wok,* di wan dɛn we a dɔn mek dɛn gɛt sɛns,+ ɛn dɛn go mek Erɔn in klos oli, so dat i go wok as prist fɔ mi.

4 “Na dɛn tin dɛn ya dɛn fɔ mek: tin we di ay prist fɔ wɛr nain chɛst,+ ɛfɔd,+ kot we nɔ gɛt sliv,+ chɛk chɛk klos, tɔban,*+ ɛn bɛlt.+ Dɛn fɔ mek dɛn oli tin dɛn ya fɔ yu brɔda Erɔn ɛn in bɔypikin dɛn, so dat i go wok as prist fɔ mi. 5 Di wan dɛn we sabi wok wit dɛn an fɔ yuz gold, blu trɛd, pɔpul wul, rɛd matirial, ɛn fayn linin fɔ mek di tin dɛn.

6 “Dɛn fɔ yuz gold, blu trɛd, pɔpul wul, rɛd matirial, ɛn fayn linin we dɛn twis fɔ mek di ɛfɔd ɛn dɛn fɔ plant am.+ 7 Di ɛfɔd fɔ tan lɛk eprɔn we gɛt bifosay ɛn biɛnsay, ɛn i fɔ jɔyn na di sholda. 8 Di bɛlt we dɛn wiv,+ we jɔyn to di ɛfɔd ɛn we dɛn yuz fɔ tay am fayn fɔ bi di sem matirial, dat na, gold, blu trɛd, pɔpul wul, rɛd matirial, ɛn fayn linin we dɛn twis.

9 “Yu fɔ tek tu ɔniks ston+ dɛn ɛn rayt Izrɛl in bɔypikin dɛn nem dɛn na di ston+ dɛn, 10 siks nem dɛn fɔ de na di wan ston ɛn di ɔda siks nem dɛn fɔ de na di ɔda ston, akɔdin to aw dɛn bɔn dɛn. 11 Pɔsin we de yuz ston fɔ rayt fɔ rayt Izrɛl in bɔypikin dɛn nem dɛn na di tu ston dɛn jɔs lɛk aw i kin mek sil.*+ Dɔn yu fɔ put di ston dɛn pan gold frem dɛn. 12 Yu fɔ put di tu ston dɛn usay di ɛfɔd jɔyn na di sholda as ston dɛn fɔ mɛmba Izrɛl in bɔypikin+ dɛn, ɛn Erɔn fɔ kɛr dɛn nem dɛn bifo Jiova nain tu sholda dɛn as tin fɔ mɛmba. 13 Yu fɔ mek gold frem dɛn, 14 ɛn yuz piɔ gold fɔ mek tu chen dɛn we dɛn twis lɛk rop+ ɛn yu fɔ fiks di chen dɛn na di frem+ dɛn.

15 “Yu fɔ mek pɔsin we de plant klos mek di pɔkit we gɛt di tin dɛn we dɛn de yuz fɔ no wetin Gɔd dɔn disayd.+ Dɛn fɔ mek am lɛk di ɛfɔd we dɛn mek wit gold, blu trɛd, pɔpul wul, rɛd matirial, ɛn fayn linin we dɛn twis.+ 16 We dɛn dɔbul am i fɔ bi skwaya, ɛn i fɔ bi wan span* lɔng ɛn wan span wayd. 17 Yu fɔ fiks ston dɛn pan am, ɛn i fɔ bi 4 ro. Di fɔs ro fɔ gɛt rubi, topaz, ɛn ɛmirald. 18 Di sɛkɔn ro fɔ bi tɔkɔys, safaya, ɛn jaspa. 19 Di tɔd ro fɔ bi lishɛm ston,* aget, ɛn amitist. 20 Di nɔmba 4 ro fɔ bi krisolayt, ɔniks, ɛn jed. Dɛn fɔ fiks dɛn pan gold frem dɛn. 21 Di ston dɛn fɔ ikwal to Izrɛl in 12 bɔypikin dɛn nem dɛn. Dɛn fɔ rayt ɛniwan pan dɛn lɛk aw dɛn de mek sil,* ɛniwan pan di nem dɛn tinap fɔ wan pan di 12 trayb dɛn.

22 “Yu fɔ yuz piɔ gold fɔ mek chen dɛn we rap rap pan dɛnsɛf ɛn put am pan di tin we di ay prist fɔ wɛr nain chɛst.+ 23 Yu fɔ mek tu gold riŋ dɛn fɔ di tin we di ay prist fɔ wɛr nain chɛst ɛn fiks di tu riŋ dɛn na di tu ɛj dɛn we de pan di tin we di ay prist fɔ wɛr nain chɛst. 24 Yu fɔ put di tu gold rop dɛn insay di tu riŋ dɛn we de na di ɛj dɛn pan di tin we di ay prist fɔ wɛr nain chɛst. 25 Yu fɔ put di tu ɛj dɛn na di tu rop dɛn pan di tu frem dɛn, dɔn yu fɔ fiks am pan di ɛfɔd in sholda ɛn dɛn fɔ de bifo. 26 Yu fɔ mek tu gold riŋ dɛn ɛn put dɛn na di tu ɛj dɛn we de biɛn di tin we di ay prist fɔ wɛr nain chɛst, ɛn dɛn fɔ fesin di ɛfɔd.+ 27 Yu fɔ mek ɔda tu gold riŋ dɛn ɛn put dɛn bifo di ɛfɔd, usay di ɛfɔd jɔyn ɛn oba usay di bɛlt we dɛn wiv fɔ di ɛfɔd+ de. 28 Yu fɔ yuz blu rop fɔ ol di tin we di ay prist fɔ wɛr nain chɛst ɛn tay in riŋ dɛn to di riŋ dɛn we de pan di ɛfɔd. Dis go mek di tin we di ay prist fɔ wɛr nain chɛst kɔntinyu fɔ de pan di ɛfɔd we de oba di bɛlt we dɛn wiv.

29 “Erɔn fɔ gɛt Izrɛl in bɔypikin dɛn nem dɛn insay di pɔkit we gɛt di tin dɛn we dɛn de yuz fɔ no wetin Gɔd dɔn disayd ɛn we de oba in at we i de go insay di ples we Oli, ɛn i fɔ bi sɔntin we dɛn de mɛmba ɔltɛm bifo Jiova. 30 Yu fɔ put di Yurim ɛn di Tɔmim*+ insay di pɔkit ɛn dɛn fɔ de oba Erɔn in at we i de go bifo Jiova ɛn Erɔn fɔ gɛt wetin dɛn kin yuz fɔ jɔj di Izrɛlayt dɛn oba in at bifo Jiova ɔltɛm.

31 “Na blu trɛd nɔmɔ yu fɔ yuz fɔ mek di kot we nɔ gɛt sliv fɔ di ɛfɔd.+ 32 Say fɔ de ɔp we opin na di midul. Pɔsin we de wiv klos fɔ wiv rawnd di say we opin. I fɔ tan lɛk di klos we sojaman dɛn de wɛr pantap dɛn klos so dat i nɔ go chɛr. 33 Yu fɔ yuz blu trɛd, pɔpul wul, ɛn rɛd matirial fɔ mek pomegranet dɛn rawnd in ɛj, ɛn bɛl dɛn we dɛn mek wit gold fɔ de bitwin dɛn. 34 Yu fɔ put wan bɛl we dɛn mek wit gold, wan pomegranet, wan bɛl we dɛn mek wit gold, wan pomegranet, rayt rawnd di ɛj pan di kot we nɔ gɛt sliv. 35 Erɔn fɔ wɛr di klos so dat i go wok, ɛn dɛn fɔ yɛri di sawnd we i de mek we i de go na di oli ples bifo Jiova ɛn we i de kɔmɔt na do, so dat i nɔ go day.+

36 “Yu fɔ yuz piɔ gold fɔ mek flat tin we de shayn ɛn yu fɔ rayt pan am lɛk we pɔsin de mek sil.* Yu fɔ rayt se: ‘Jiova Oli.’+ 37 Yu fɔ yuz blu rop fɔ tay am pan di tɔban,*+ ɛn i fɔ kɔntinyu fɔ de bifo di tɔban.* 38 I fɔ de na Erɔn in fɔɛd. Na Erɔn dɛn fɔ ol we pɔsin kɔmit sin agens di oli tin+ dɛn we di Izrɛlayt dɛn dɔn mek oli we dɛn sakrifays dɛn as oli gift dɛn. I fɔ kɔntinyu fɔ de nain fɔɛd ɔltɛm, so dat Jiova go gladi fɔ dɛn.

39 “Yu fɔ yuz fayn linin fɔ wiv di chɛk chɛk klos, yuz fayn linin fɔ mek di tɔban,* ɛn wiv di bɛlt.+

40 “Yu fɔ mek bak klos dɛn, bɛlt dɛn, ɛn tin dɛn fɔ rap na ed we fayn ɛn we gɛt glori+ fɔ Erɔn in bɔypikin+ dɛn. 41 Yu fɔ drɛs yu brɔda Erɔn togɛda wit in bɔypikin dɛn, yu fɔ anɔynt dɛn+ ɛn pik dɛn fɔ bi prist*+ dɛn, dɔn yu fɔ mek dɛn oli ɛn dɛn go wok as prist dɛn fɔ mi. 42 Yu fɔ mek bak shɔt trɔsis fɔ dɛn fɔ kɔba dɛn bɔdi.+ Di trɔsis fɔ de frɔm dɛn wes te to dɛn lɛg. 43 Erɔn ɛn in bɔypikin dɛn fɔ wɛr dɛn we dɛn kam na di mitin tɛnt ɔ we dɛn go nia di ɔlta fɔ wok na di oli ples, so dat dɛn nɔ go gilti ɛn day. Dis na lɔ we fɔ de sote go fɔ in ɛn in pikin dɛn we go kam afta am.