Ɛksodɔs
15 Na da tɛm de Mozis ɛn di Izrɛlayt dɛn siŋ dis siŋ to Jiova:+
“Lɛ a siŋ to Jiova bikɔs i dɔn win wan fɛt we mek ɔlman dɔn no am.+
I dɔn ib di ɔs ɛn di wan we de rayd am na di si.+
2 Na Ja* de gi mi trɛnk, ɛn i dɔn mek a pawaful bikɔs i dɔn sev mi.+
Dis na mi Gɔd, ɛn a go prez am.+ Na mi papa in Gɔd,+ ɛn a go ɔnɔ am.+
3 In nem na Jiova.+ Jiova na pawaful fɛtman.+
4 I dɔn ib Fɛro in chariɔt dɛn ɛn in sojaman dɛn insay di si,+
Ɛn i dɔn drawn Fɛro in bɛst fɛtman dɛn na di Rɛd Si.+
5 Di bɔku bɔku wata kɔba dɛn; dɛn sink go rayt dɔŋ di wata lɛk ston.+
6 E Jiova, yu raytan rili gɛt pawa;+
E Jiova, yu raytan de nyamanyama yu ɛnimi.
7 Yu yuz yu gret pawa fɔ ib di wan dɛn we kam agens yu;+
Yu at wam bad bad wan, ɛn yu bɔn dɛn lɛk gras.
8 Di briz we kɔmɔt na yu nos mek di wata dɛn gɛda togɛda;
Dɛn tinap wansay ɛn nɔ flo;
Di bɔku bɔku wata friz midul di si.
9 Di ɛnimi tɔk se: ‘A go rɔnafta dɛn! A go kech dɛn!
A go sheb sheb di tin dɛn we a go tek na dɛn an te a* satisfay!
A go pul mi sɔd! Mi an go dɔnawe wit dɛn!’+
10 Yu blo yu briz, ɛn di si kɔba dɛn;+
Dɛn sink lɛk lɛd insay bɔku wata.
11 E Jiova, us Gɔd de we tan lɛk yu?+
Udat tan lɛk yu we i kam to di we aw yu de sho se yu rili oli?+
Di Wan we pipul dɛn fɔ fred wit siŋ; di Wan we de du wɔndaful tin+ dɛn.
12 Yu strɛch yu raytan ɛn di wɔl swɛla dɛn.+
13 Yu yuz yu lɔv we nɔ de chenj fɔ lid di pipul dɛn we yu dɔn fri;+
Yu yuz yu trɛnk fɔ gayd dɛn fɔ go na yu oli ples usay yu de.
Ɔl di pipul dɛn na Kenan dɛn at go pwɛl.+
16 Dɛn go fred bad bad wan.+
E Jiova, bikɔs ɔf yu an we pawaful, dɛn nɔ go ebul muv jɔs lɛk ston
Pas te yu pipul dɛn pas,
E Jiova, wan oli ples we yu dɔn mek wit yu an.
18 Jiova go rul as kiŋ sote go.+
19 We Fɛro in ɔs dɛn, in wɔ chariɔt dɛn, ɛn in man dɛn we de rayd ɔs go insay di si,+
Jiova mek di wata na di si kam bak pan dɛn+
Bɔt di Izrɛlayt dɛn waka na dray grɔn midul di si.”+
20 Na de Miriam di prɔfɛtɛs, ɛn we na Erɔn in sista, tek tamborin ɛn ɔl di uman dɛn fala am wit dɛn tamborin dɛn, ɛn dɛn bin de dans. 21 Na de Miriam siŋ dis siŋ fɔ ansa di man dɛn:
“Siŋ to Jiova bikɔs i dɔn win wan fɛt we mek ɔlman dɔn no am.+
I dɔn ib di ɔs ɛn di wan we de rayd am insay di si.”+
22 Leta, Mozis pul di Izrɛlayt dɛn kɔmɔt na di Rɛd Si ɛn kɛr dɛn go na di wildanɛs* na Shɔ. Dɔn dɛn waka na di wildanɛs* fɔ tri dez bɔt dɛn nɔ si wata. 23 Dɛn kam na Mera*+ bɔt dɛn nɔ bin ebul fɔ drink di wata na Mera bikɔs i bin bita. Na dat mek i kɔl de Mera. 24 So di pipul dɛn bigin fɔ grɔmbul pan Mozis+ se: “Wetin wi go drink?” 25 Mozis kray to Jiova,+ ɛn Jiova sho am wan stik. We Mozis ib di stik insay di wata, di wata swit.
Na Mera Gɔd gi dɛn lɔ ɛn sho dɛn wetin go mek i jɔj dɛn, ɛn na da ples de i tɛst dɛn.+ 26 I tɛl dɛn se: “If una tek tɛm lisin to mi, Jiova, we na una Gɔd, ɛn du wetin rayt na mi yay ɛn una pe atɛnshɔn to mi kɔmandmɛnt dɛn ɛn obe ɔl mi lɔ+ dɛn, mi we na una Gɔd nɔ go put pan una ɔl di sik dɛn we a bin put pan di Ijipshian+ dɛn bikɔs na mi, Jiova, de mɛn una.”+
27 Afta dat, dɛn go na Ilɛm usay 12 spriŋ wata dɛn* ɛn 70 pam stik dɛn bin de. So dɛn kamp nia di wata.