Ɛksodɔs

11 Na de Jiova tɛl Mozis se: “A go du wan ɔda bad tin to Fɛro ɛn to Ijipt. Afta dat, i go alaw una fɔ kɔmɔt na ya.+ Na drɛb i go drɛb una we i go alaw una fɔ go.+ 2 So tɛl di pipul dɛn se ɔl di man dɛn ɛn uman dɛn fɔ aks dɛn neba dɛn fɔ tin dɛn we dɛn mek wit silva ɛn gold.”+ 3 Ɛn Jiova mek di Ijipshian dɛn lɛk in pipul dɛn. Pantap dat, Fɛro in savant dɛn ɛn di pipul dɛn bin de si Mozis as pɔsin we rili impɔtant na Ijipt.

4 Dɔn Mozis tɔk se: “Dis na wetin Jiova se, ‘Midulnɛt, a de go na Ijipt.+ 5 Dɔn ɔl di fɔs pikin dɛn na Ijipt go day;+ frɔm Fɛro we sidɔm nain tron in fɔs pikin to di slev gal we de wok wit grenin ston in fɔs pikin ɛn ɔl di animal dɛn fɔs pikin dɛn go day.+ 6 Lawd lawd kray go de ɔlsay na Ijipt, di kayn we nɔ wande apin yet ɛn we nɔ go ɛva apin igen.+ 7 Bɔt wan dɔg sɛf nɔ go bak* pan di Izrɛlayt dɛn, di man dɛn ɔ dɛn animal dɛn, so dat una go kam fɔ no se Jiova ebul fɔ mek difrɛns de bitwin di Ijipshian dɛn ɛn di Izrɛlayt+ dɛn.’ 8 Ɛn ɔl yu savant dɛn go mɔs kam to mi ɛn ledɔm flat na grɔn bifo mi ɛn tɔk se, ‘Una go. Yu ɛn ɔl di pipul dɛn we de fala yu.’+ Ɛn afta dat, a go go.” Na de i kɔmɔt to Fɛro wit wamat.

9 Na de Jiova tɛl Mozis se: “Fɛro nɔ go lisin to yu,+ so dat a go pafɔm mɔ mirekul dɛn na Ijipt.”+ 10 Mozis ɛn Erɔn pafɔm ɔl dɛn mirekul dɛn ya bifo Fɛro,+ bɔt Jiova alaw Fɛro fɔ mek strɔngat so dat i nɔ go alaw di Izrɛlayt dɛn fɔ kɔmɔt nain land.+