1 Kronikul

14 Kiŋ Ayram+ na Taya sɛn mɛsenja dɛn to Devid, i sɛn bak sida bod dɛn, mesina dɛn,* ɛn kapɛnta dɛn fɔ bil os* fɔ am.+ 2 Dɔn Devid kam fɔ no se Jiova dɔn mek in kiŋdɔm tinap tranga wan na Izrɛl,+ bikɔs Gɔd dɔn mek in kiŋdɔm pawaful bikɔs ɔf In pipul dɛn we na di Izrɛlayt+ dɛn.

3 Devid tek mɔ wɛf+ dɛn na Jerusɛlɛm, ɛn i bɔn mɔ bɔypikin dɛn ɛn galpikin+ dɛn. 4 Na dɛn pikin dɛn ya dɛn bɔn fɔ am na Jerusɛlɛm:+ Shamua, Shobab, Netan,+ Sɔlɔmɔn,+ 5 Iba, Ɛlayshua, Ɛlpɛlɛt, 6 Noga, Nifɛg, Jefaya, 7 Ɛlishama, Biɛlayada, ɛn Ɛlifɛlɛt.

8 We di Filistin dɛn yɛri se dɛn dɔn mek Devid kiŋ oba ɔl di Izrɛlayt+ dɛn, dɛn ɔl kam ɔp fɔ luk fɔ am.+ We Devid yɛri bɔt dis, i go fɔ go fɛt dɛn. 9 Na de di Filistin dɛn kam ɛn kɔntinyu fɔ red di Vali* na Rɛfeim.+ 10 Devid aks Gɔd se: “Lɛ a go ɔp fɔ fɛt di Filistin dɛn? Yu go an ova dɛn to mi?” Na de Jiova tɛl am se: “Go ɔp, a go mɔs an ova dɛn to yu.”+ 11 So Devid go ɔp na Beal-pɛrezim,+ ɛn i kil dɛn de. Na de i tɔk se: “Di tru Gɔd dɔn mek a win mi ɛnimi dɛn lɛk aw bɔku wata de mek wɔl fɔdɔm.” Na dat mek dɛn kɔl da ples de Beal-pɛrezim.* 12 Di Filistin dɛn rɔnawe lɛf dɛn gɔd dɛn de. Na de Devid tɛl in pipul dɛn fɔ bɔn dɛn, ɛn dɛn bɔn dɛn.+

13 Leta, di Filistin dɛn red di vali*+ bak. 14 Devid aks Gɔd bak, bɔt di tru Gɔd tɛl am se: “Nɔ go mit dɛn fes-to-fes. Bifo dat, go rawnd dɛn, ayd biɛn di beka bush dɛn ɛn atak dɛn.+ 15 Ɛn we yu yɛri sawnd pantap di beka bush dɛn lɛk we pipul dɛn de mach, atak dɛn bikɔs di tru Gɔd go dɔn go bifo yu fɔ kil di Filistin sojaman+ dɛn.” 16 So Devid du jɔs lɛk aw di tru Gɔd dɔn tɛl am,+ ɛn dɛn kil di Filistin dɛn frɔm Gibyɔn te go Giza.+ 17 Ɛn di pipul dɛn na ɔl di land dɛn yɛri bɔt Devid, ɛn Jiova mek ɔl di neshɔn dɛn fred am.+