1 Kronikul

11 Afta sɔm tɛm, ɔl di Izrɛlayt dɛn kam to Devid na Ibrɔn+ ɛn tɛl am se: “Wi na yu yon flɛsh ɛn blɔd.*+ 2 Trade we Sɔl na bin kiŋ, na yu bin de bifo di Izrɛlayt dɛn fɔ go fɛt,+ ɛn Jiova yu Gɔd tɛl yu se: ‘Yu go tan lɛk shɛpad fɔ mi pipul dɛn na Izrɛl, ɛn yu go bi lida oba mi pipul dɛn na Izrɛl.’”+ 3 So ɔl di bigman dɛn na Izrɛl kam to Kiŋ Devid na Ibrɔn, ɛn i mek agrimɛnt wit dɛn na Ibrɔn bifo Jiova. Dɔn dɛn anɔynt Devid as kiŋ oba Izrɛl+ jɔs lɛk aw Jiova bin dɔn tɛl Samiɛl.+

4 Leta, Devid ɛn ɔl di Izrɛlayt dɛn go fɔ atak Jerusɛlɛm, dat na, Jibɔs,+ usay di Jɛbyusayt+ dɛn bin de. 5 Di pipul dɛn na Jibɔs provok Devid se: “Yu nɔ go ɛva kam insay ya!”+ Bɔt Devid kapchɔ di sef ples na Zayɔn,+ we naw dɛn de kɔl Devid in Siti.+ 6 So Devid se: “Di fɔs pɔsin we go atak di Jɛbyusayt dɛn go bi lida ɛn prins.” Joab+ we na Zɛruya in bɔypikin in fɔs go ɔp ɛn atak dɛn, ɛn i bi di lida. 7 Dɔn Devid bigin fɔ liv na di sef say. Na dat mek dɛn kɔl de Devid in Siti. 8 I bigin fɔ bil rawnd di siti, frɔm di il* te go to di eria dɛn we de rawnd am, ɛn Joab bil di balans say dɛn na di siti bak. 9 So Devid bin de pawaful mɔ ɛn mɔ,+ ɛn Jiova we gɛt bɔku bɔku sojaman dɛn bin de wit am.

10 Na dɛn wan ya na di edman dɛn fɔ Devid in pawaful fɛtman dɛn, dɛn ɛn ɔl di Izrɛlayt dɛn bin rili sɔpɔt am as dɛn kiŋ. Dɛn mek am dɛn kiŋ jɔs lɛk aw Jiova bin dɔn tɔk bɔt Izrɛl.+ 11 Dis na di list fɔ Devid in pawaful fɛtman dɛn: Jeshobiam+ we na wan Akmɔnayt in bɔypikin, nain de oba di tri man+ dɛn. Wantɛm, i bin yuz in spia fɔ kil 300 pipul dɛn.+ 12 Afta am, na Ɛlieza+ we na Dodo, di Aoayt,+ in bɔypikin. In na bin wan pan di tri pawaful fɛtman dɛn. 13 I bin de wit Devid na Pas-damim+ usay di Filistin dɛn bin gɛda fɔ fɛt. Wan land bin de de usay soso bali* bin de, ɛn di pipul dɛn bin dɔn rɔnawe bikɔs ɔf di Filistin dɛn. 14 Bɔt i tinap usay i bin de midul di land ɛn fɛt fɔ am ɛn kɔntinyu fɔ kil di Filistin dɛn, so Jiova bin mek dɛn win.*+

15 Tri pan di 30 edman dɛn bin go dɔŋ di rɔk to Devid na di kev na Adɔlam,+ ɛn wan Filistin ami bin kamp na di Rɛfeim Vali.*+ 16 Da tɛm de, Devid bin de na di sef ples, ɛn di Filistin dɛn bin gɛt wan bes na Bɛtliɛm. 17 Na de Devid tɔk wetin i rili want, i se: “A wish a kin drink di wata we de na di sistɛn* bay di get na Bɛtliɛm!”+ 18 Nain di tri man dɛn go na di Filistin dɛn kamp bay fos ɛn drɔ wata frɔm di sistɛn* we de bay di get na Bɛtliɛm ɛn briŋ am kam to Devid; bɔt Devid nɔ gri fɔ drink am, ɛn i tɔn am na grɔn to Jiova. 19 I tɔk se: “A nɔ go ɛva tink fɔ du dis bikɔs a rɛspɛkt mi Gɔd. Fɔ se a fɔ drink dɛn man ya dɛn blɔd? Na dɛn layf* dɛn risk fɔ briŋ am.”+ So i nɔ gri fɔ drink am. Na dɛn tin dɛn ya in tri pawaful fɛtman dɛn du.

20 Abishay+ we na Joab+ in brɔda, nain na bin di edman fɔ ɔda tri man dɛn; i yuz in spia fɔ kil 300 pipul dɛn, ɛn i bin dɔn mek nem fɔ insɛf lɛk di tri man dɛn.+ 21 Pan di ɔda tri man dɛn, nain dɛn bin rɛspɛkt mɔ pas di ɔda tu, ɛn nain na bin dɛn lida; bɔt i nɔ bin ikwal to di fɔs tri man dɛn.

22 Bɛnaya,+ we na Jɛoayda in bɔypikin, na man we bin gɛt maynd, ɛn i du bɔku tin dɛn na Kabziɛl.+ I kil Ariɛl we de na Moab in tu bɔypikin dɛn. Dɔn wan de we sno de fɔdɔm, i go insay wan ol ɛn kil wan layɔn.+ 23 Dɔn i kil wan Ijipshian man we bin big pasmak; in ayt+ na bin fayv kyubit.* Pan ɔl we di Ijipshian man bin ol spia we tan lɛk di stik we dɛn de yuz fɔ wiv kɔntri klos,+ i go fɛt am wit stik ɛn pul di spia nain an ɛn kil di Ijipshian man wit in yon spia.+ 24 Na dɛn tin dɛn ya Bɛnaya we na Jɛoayda in bɔypikin du, ɛn i bin dɔn mek nem fɔ insɛf lɛk di tri pawaful fɛtman dɛn. 25 Pan ɔl we dɛn bin rɛspɛkt am mɔ pas di 30 man dɛn, i nɔ bin ikwal to di tri man+ dɛn. Bɔt Devid bin pik am fɔ de oba in bɔdigad dɛn.

26 Di pawaful fɛtman dɛn na di ami na bin Asaɛl+ we na Joab in brɔda, Ɛlenan we na Dodo we kɔmɔt Bɛtliɛm in bɔypikin,+ 27 Shammɔt di Erɔrayt, Ilɛz di Pɛlonayt, 28 Ayra+ we na Ikɛsh di Tɛkoayt in bɔypikin, Abi-iza+ di Anatɔtayt, 29 Sibikay+ di Ushatayt, Aylay di Aoayt, 30 Mearay+ di Nɛtofatayt, Ilɛd+ we na Beana di Nɛtofatayt in bɔypikin, 31 Aytay, we na Raybay we kɔmɔt na Gibia usay di Bɛnjaminayt+ dɛn de, in bɔypikin, Bɛnaya di Piratɔnayt, 32 Uray we kɔmɔt na di vali dɛn na Geash,+ Abayɛl di Abatayt, 33 Azmavɛt di Baurimayt, Ilayaba di Shealbɔnayt, 34 Eshɛm di Gayzonayt in bɔypikin dɛn, Jonɛtan we na Shegi di Ararayt in bɔypikin, 35 Aayam we na Seka di Ararayt in bɔypikin, Ɛlayfal we na Ɔ in bɔypikin, 36 Ifa di Makiratayt, Aayja di Pɛlonayt, 37 Ɛzro di Kamɛlayt, Nearay we na Ɛzbay in bɔypikin, 38 Joɛl we na Netan in brɔda, Miba we na Agray in bɔypikin, 39 Zilɛk di Amɔnayt, Nearay di Biɛrɔtayt we de ol Joab, we na Zɛruya in bɔypikin, in wɛpɔn dɛn; 40 Ayra di Itrayt, Gerɛb di Itrayt, 41 Yuraya+ di Itayt, Zebad we na Alay in bɔypikin, 42 Adina we na Shayza di Rubɛnayt in bɔypikin ɛn we na wan pan di edman dɛn na Rubɛn in trayb. I bin gɛt 30 man dɛn wit am; 43 Enan we na Meaka in bɔypikin, Jɔshafat di Mitnayt, 44 Yuzaya di Ashteratayt, Shema ɛn Jeaɛl we na Otam di Aroarayt in bɔypikin dɛn; 45 Jidayaɛl we na Shimray in bɔypikin, ɛn in brɔda Joa di Tayzayt; 46 Iliɛl di Meavayt, Jɛribay ɛn Jɔshavaya we na Ɛlneam in bɔypikin dɛn, ɛn Itma di Moabayt; 47 Iliɛl, Obɛd, ɛn Jaɛsaɛl di Mɛzobaayt.