Orekmakihnyuck Fuhkah Cart Ma Ahkkahlwemye Mwe Rit uh Ke Orekma in Sang Ma Loh?

Ke orekmakihnyuck cart kuh tepuh ma ahkkahlwemye kain in mwe rit ke orekma in luti uh, ma inge ahkpwacyeye lah arlacna wo in kahsruh mwet pucspucs in konwacack ma pwacye. (John 6:44) Ke ma inge, oasr kahs in ahkkweye nuh sin mwet elder uh eltahl in oraclah oakwuck in sang ma loh ke territory luhn congregation ma puhkantwen mwet ma fahsr we. Ke srihpen mobile display tiac oakiyucki ke acn sefanna, pwacnacng tiac enenuh in siyuckyuck sin mwet kol luhn acn uh eltahl fin ac lwelah kuh tiac. Suc fal in wi ke orekma se inge? Mwet lili suc kuh in oruh sulaclah wo, ahkkahlwemyeltahl ohiyacn puhlaik, ac kuh in sramsram nuh sin mwet ke inkacnek wo. Kahs in kahsruh nuhkewa ten inge pa kuhtuh ma wo in orek ac ma tiac wo in orek. Ma inge kuh in kahsruh mwet lili uh in sang ma loh ke inkacnek wo.

Ma Wo in Orek:

Ahkkahlwemye kuhlwacng, paing ac ahkolah in kahsruh mwet ma fahsr ikihl uh. Kuhtuh mwet lili uh eltahl isracsr ac fahk sie kahs in paing wowo. Sie mwet fin ngwetacng nuh ke mwe rit uh ke el fahsr, kom kuh in fahk, “Kom kuh in eis sie kom fin luhngse.”
Tu ke sie acn ma tiac arlac apkuhran nuh ke display an. Ke kuhtuh acn sahyac, mwet lili uh eltahl liye muh wo fin eltahl tu fototo nuh ke cart kuh tepuh ma ahkkahlwemye mwe rit uh. In acn sahyac, kain in ohiyac inge tiac wo mweyen ma inge oruh mwet fahsr uh eltahl tahfuh luo in tui. Pwacnacng eltahl tu ke acn ma loes kuhtuh ac sano nuh ke pacl se ma oasr mwet ma tui ac ngwetacng nuh ke display uh. Ke pacl se oasr mwet tuhkuh nuh ke display uh, sramsram nuh sel ac srihke pac oruh elan sramsram nuh sum. Sahp kom kuh in oruh ma inge ke kom siyuck ouinge, “Yac nuh oasr pacl kom muhta nuhnkuh ke kihsen siyuck se inge meet?”
Orekmakihn Bible ke pacl nuhkewa kom kuh.
Ahkuhtweyac ke oakwuck in lutlut Bible nuh sin kuhtwena mwet suc eis mwe rit nahtuhsr uh, oacna puk se inge Mea Baibel El Luti. Ahkkahlwemye nuh sel video se inge Efuh Kom in Lutlut ke Bible? el fin luhngse, sritaclkihn ke sie laptop, tablet kuh cell phone.
Kwacfeacng in eis address kuh phone number luhn mwet suc luhngse in etuh ma pwacye uh, fin kuh. Mwet se fin tiac muhta ke acn ma oasr ke territory lohm, nwacklah form se inge Please Follow Up (S-43) ac sang nuh sin secretary luhn congregation ke pacl na sa.

Ma Tiac Wo in Orek:

Nikmet pahtok, kwacfe mwet in lohacng nuh kac, kuh tu sisken display oacna sie mwet mweun ma topangi sie lohm.
Nikmet nuhnkuh ke orekma in sang ma loh inge oacna sie inkacnek in kihtaclah na mwe rit. Ke pacl se kuht oruh orekma in luti lasr, oakwuck wo ma kuht luhngse in ahkpwacyeye pa in muhtwacwack lutlut ke Bible, ke ma inge kuht ac srihke in oruh mwet pucspucs in sramsram pac nuh sesr.
Nikmet kosraclah display uh kuh arlacna kahfofolac ke sramsram nuh sin partner lom an. Kom fin ac orekmakihn cell phone nuhtum an ke pacl se kom enenuh in pahngon sie mwet, wo kom in som liki acn se ma display an oan we.
Nikmet akuckucin nuh sin mwet ma luhngse lain. Sie mwet lain el fin luhngse orek lokoalok kuh ahkkulukye, wo in som nuh ke sie acn sahyac ah.