Sie Inkacnek Sasuc ac Wo in Sulkackihn Pweng Wo nuh sin Mwet Pucspucs
1. Meac congregation suc oasr acn in forfor la ma mwet pucspucs fahsr we ahkkweyeyuck in oruh?
1 Congregation suc oasr acn in forfor la ma mwet pucspucs fahsr we pacl nuhkewa ahkkweyeyuck in oraclah oakwuck in sulkackihn pweng wo. Elos kuh in oruh ma inge ke elos orekmakihn tepuh kuh cart in ahkkahlwemye mwe rit. Fin orekmakihnyuck cart, sie mwet lili el enenuh in muhta kuh tu sisken mwe ahkkahlwemye inge. Tuhsruhktuh fin tepuh se orekmakihnyuck, mwet lili luo enenuh in muhta kac. Elos suc srihsrngiyucki in orekma ke tepuh kuh cart inge enenuh in mwet kuhlwacng se, ac luhngse in paing mwet. Fin sie mwet el tuhkuh ac liye tepuh kuh cart inge, sie sin mwet lili el kuh in muhtwacwacack sramsram nuh sel, ac siyuck sel, “Yac kom nuh wi tari nuhnkuh kac lah meac Bible el fahk ke sihfac se inge?” Sie kuh luo mwet lili sahyac an kuh in tu fototo nuh we ac sang pac ma loh.
2. Efuh yohk srihpac orekmakihnyen tepuh in ahkkahlwemye mwe rit in sang ma loh? Sruhmuhn sie ma sikyak.
2 Mwet lutlut Bible pucspucs muhtwacwacack ke srihpen inkacnek wo se inge. Sie tuhlihk lutlut ke college el sulaclah in oruh sie research ke Mwet Loh luhn Jeova, tuhsruhktuh el tiac kuh in konwacack Lohm In Toeni Luhn Mwet Loh Luhn Jeova. Ke wik tohkoh ah el liyacack tepuh luhn Mwet Loh inge ke lohm lutlut lal. El muhtwacwacack lutlut Bible, ac tuhlihk lutlut se inge bacptaislac. Ingena el wi pac kain in orekma se inge in sang ma loh.
3. Meac kuhtuh mwet lili elos nuhnkuh ke inkacnek in sang ma loh inge?
3 Sie muhtwacn lili suc engankihn kain in orekma inge el fahk, “Kuhtuh mwetuh tui ke tepuh kuh cart inge in sruhkack magasin sasuc. Mwet pucspucs sahyac soenna lohng ke Mwet Loh luhn Jeova. Nga kahlwem kac lah ke inkacnek se inge, mwet pucspucs elos kuh in lohng pweng wo uh.” Sie pac muhtwacn lili el fahk, “Pa inge sie inkacnek sasuc ac wo in sang ma loh mweyen mwetuh tuhkuh, finne elos tiac arlac luhngse lohng kuh lutlut, elos ke etuh kac.”
4. Efuh kuh wo in oakiyac tepuh kuh cart in ahkkahlwemye mwe rit ke acn, lwen ac ao se pacna ke wik nuhkewa?
4 Wo fin oakiyucki tepuh kuh cart inge ke acn, lwen, ac ao se pacna ke wik nuhkewa. Ke srihpac se inge, mwetuh kuh in pahlah ke liyeyacn mwe rit inge ac tok elos fah tiac ahlohloh in tuhkuh ac kihsen siyuck kuh ituck mwe rit. Yac congregation lom oraclah tari oakwuck in sang ma loh nuh sin mwet pucspucs? Fin oasr oakwuck oreklac tari, sahp kom kuh in wi inkacnek wowo se inge in “sulkakinelik Tokosrai lun God.”—Luke 9:60.