SIFAC KE KOLO | SUC MWET LOH LUHN JEOVA UH?
Efuh kuh kuht fahkwack pweng wo nuh sin mwet uh?
Sahp ma se ma etweyuck kuht emeet kac uh pa orekma in luti lasr ke lohm nuh ke lohm, ke acn ma puhs mwet we ac yen nuhkewa ma mwet uh oasr we. Efuh kuh kuht oruh ma inge?
Mwet Loh luhn Jeova uh som luti in sang wolacna nuh sin God ac in oruh tuh inel in etweyuck. (Hebrew 13:15) Oacyacpac kuht ke ahkos ma Christ Jesus el sapkihn inge: “Ke ma inge kowos som nuh yurin mwet in muhtuhnfacl nuhkewa fin facluh, ac oruh tuh elos in mwet tuhmuhk lutlut, . . . luti nuh selos in ahkos ma nuhkewa nga sapkihn nuh suwos.”—Matthew 28:19, 20.
Yohk liki na, kuht luhngse mwet tuhlan lasr uh. (Matthew 22:39) Pwacye, kuht akihlen lah oasr tari luhlahlfongi ac alu luhn mwet pucspucs ac tiac mwet nuhkewa luhngse lohng pweng wo ma kuht forfor sruhmuhn uh. Tuhsruhktuh, kuht puhla muh mwe luti in Bible uh kuh in molwelah moul luhn mwet. Pwacnacng in oacna mwet Christian in pacl meet ah, pa inge srihpac se kuht “sikaleni in luti ac fahkwack ke Pweng Wo ke Jesus suc Christ.”—Orekma 5:41, 42.
Antonio Coca Maduro, sie mwet suc lutlut ke mukuikui ac orekma luhn mwet uh el suhmuhslah ac sruhmuhn ke “kwacfeacng ac ma upac ma Mwet Loh luhn Jeova uh sun, finne nuh ke pacl ma eltahl arlacna ullac . . . , eltahl kwacfeacng na tuh kahs sacohk ac muhtahl inge in sun acn nuhkewa fin facluh.”—El Universal newspaper, Venezuela
Inkaiyen mwet ma riti mwe rit nahtuhsr inge tiac Mwet Loh luhn Jeova. Ac million sin mwet ma lutlut Bible yohrohsr uh wi sie pacna alu sahyac. Tuhsruhktuh, eltahl arlacna srui lah mwet Loh luhn Jeova uh fahsr muhtwacta yohrohltahl.
Pwacye, sahp oasr kihsen siyuck lom sahyac ke Mwet Loh luhn Jeova uh. Kuht kwacfe kom in konwacack top nuh kac an ke kom