Ahkwoye Inkacnek in Luti Lasr uh​—Kwacfeacng in Etwaclah Koanon JW.ORG

EFUH YOHK SRIHPAC: Kais sie mwe rit ma kuht orekmakihn yohk ke orekma in luti lasr uh ahkkahlwemye pac ke jw.org. Ahok, pa inge srihpac pwacnacng contact card ac tract se inge Kuht ac konwacack oyac top nuh ke kihsen siyuck ke moul? orekmakihnyuck in kol mwet uh nuhke website lasr uh. Kom kuh in kihtaclah sie mwe rit ma kuht orekmakihn yohk ke orekma in luti lasr uh nuh sin sie mwet ke kuht orekmakihn jw.org in emaili sie electronic copy kuh share ke sie link. Ma inge mwe kahsruh na yohk ke pacl kuht sang ma loh nuh sin sie mwet suc kahskahskihn kahs sahyac. In wekuhnacng, mwet uh ac kuh in siyuck kihsen siyuck ma topukyucklac tari ke mwe rit ma kuht tiac orekmakihn yohk ke orekma in luti lasr uh. Kuht fin kwacfeacng in etwaclah koanon website lasr uh, kuht kuh in ahkwoye inkacnek in luti lasr uh.

OREK FUHKAH:

• Orekmakihn tab se inge “BIBLE TEACHINGS.” Srihke luhmahlah muh kom sang ma loh nuh sin sie pahpah kuh ninac suc luhngse in eis etwacack yohk ke inkacnek in tuhfahlah tuhlihk. Som nuhke BIBLE TEACHINGS > MARRIAGE & FAMILY.

• Orekmakihn tab se inge “MWE RIT.” Srihke luhmahlah muh kom sang ma loh ke lohm lutlut uh ac kom luhngse in sang nuh sin sie tuhlihk lutlut wiyom an mwe rit se inge Top nuhke Kihsen siyuck 10 ma Mwet Fuhsr uh Siyuck. Som nuhke MWE RIT > PUK AC MWE RIT.

• Orekmakihn tab se inge “ABOUT US.” Srihke luhmahlah muh kom sang ma loh nuh sin sie mwet suc wi kom orekma suc luhngse in riti mwe ahkuhtweyac fototo ke luhlahlfongi lasr uh. Som nuhke ABOUT US > FREQUENTLY ASKED QUESTIONS.

LIYE VIDEO SE INGE NAVIGATING JW.ORG, AC TOHKOHYANG NUHNKUH LAH KOM AC SOM NUH OYAC KE WEBSITE LASR UH IN KAHSRUH:

• sie mwet suc fahk muh wacngihn God

• sie mwet suc tuhfahna sun mwe ongaiyac

• sie mwet lili suc tilac wi fahkwack pweng wo

• sie mwet suc kom sifwil fohlohk nuh yohroh suc nuhnkuh lah fuhkah orekma lasr uh kahsreyuck ke ip luhn mani

• sie mwet ke muhtuhnfacl sahyac suc luhngse in wi ke miting ke acn sel an