Kas Lun Jeova Moul
Kas Fulat Su Tuku ke Buk ku Ip Se Meet lun Sam
SIFWE fuka fwal in orekmakinyuk nu ke sie buk in Baibel su oasr kas in kaksak puspus ka nu sin Met Orekutla, Jeova God? En buk se su fwal in orekmakinyuk pa Sam, ku Kas in Kaksak. Buk in Baibel se inge su arulanu loes oasr on kato puspus su simusyukla sin met su akkalemye oiya mwomwo puspus lun God a orekma ku lun God a el akkalemye kas palu puspus. On puspus inge akkalemye ke pulakin lun met sim ke elos pulakin keok. Kas lalos inge sikyak ke lusen sie pal su oasr ke sie tausen yea—mutamwauk in pal lal Moses nu ke pal inge su pangpang postexilic times (ku lusen sie pal mutamwauk ke pal se elos sukosokla liki an Babulon in 537 B.C.E. nu ke 1 A.D.) Met simusla buk inge pa Moses, Togusra Devid, a kutupa met sim. Met puspus elos lulalfongi mu met tol Ezra el takunla buk inge oana ke akwuk su kut liye ka ke pal inge.
Mutamwauk in pal meeta, buk lun Sam el kitakatelik nu ke ip limekosr su oasr ke on puspus: (1) Sam 1-41; (2) Sam 42-72; (3) Sam 73-89; (4) Sam 90-106; a (5) Sam 107-150. Me lutlut se inge fwa aketeye ke ip se meet. On nukemwa ke ip se meet inge pa on lal Togusra Devid lun an Israel in pal meeta, a oasr on tolkoe na su tia el pa simusla. Met sim lun Sam 1, 10, a 33 tia eteyuk.
“GOD LUK EOT KU LUK”
Tokin sam se meet el akkalemye ke sie met su enganak ke masap lun Jeova, sam akluo el sramsramkin Togusrai.a Oasr me siyuk puspus nu sin God ke sam ekasr inge. Ke sie me pupulyuk, oasr in Sam 3-5, 7, 12, 13, a 17, pre ku me siyuk puspus su siyuk kelos in moliyukla elos liki me lokwalok lalos. Sam 8 el akkalemye ke yokiyen Jeova fwin srikeyuk nu ke srikyen metu.
In akkalemye Jeova oana Met Loeyuk nu sin met kulansap lal, Devid el onkin: God luk eot ku luk. Su nga fwa eis nien moul luk in el.” (Sam 18:2) Jeova el kaksakinyuk oana Met Orala Ma Nukemwa a Met Sang Masap in Sam 19, oana Met Molela in Sam 20, a oana Met Molela lun Togusra akmusrala lal in Sam 21. Sam ak 23 akkalemyel oana Met Seperd Lulap, a Sam ak 24 akkalemyel oana Togusra mwolana.
Kusensiyuk Puspus Ke Ma Simusla Eis Top Ka:
2:1, 2—“Ma lusrongten” fuka met in mutanfwal puspus kasrkusrak ka? “Ma lusrongten” inge pa nunak lun gufernment lun met su kaifweang in orekmakin ke pal nukemwa ku lalos sifwana. Ma inge ma lusrongten meyen akwuk lalos fwa tia eis kutangla. Ya met lun mutanfwal puspus elos fwinsrak kin na paye in eis kutangla fwin elos srike in “lain Jeova a lain met akmusrala lal?
2:7—Mea kalmen “masap lun Jeova”? Masap inge pa mwuleang ke sie Togusrai, su Jeova el orala in sang nu sin Mwen kulo natul, Jisus Kraist.—Luk 22:28, 29.
2:12—Ke inkanek fuka met kol lun mutanfwal puspus elos ku in “ngok mwen”? In pal lun Baibel, orekma in ngok mutun met pa sie inkanek in akkalemye oiyen kawuk a oiyen oaru paye. El sie orekma in paing met muteta. Togusra puspus lun fwalu sapkinyuk elos in ngok Mwen—kalme pa, elos enenu in paingnul ku akilenul oana el pa Togusra Messaia.
3:superscription—Mea akwuk ke sifwe srisrik su simusyukla ku etukyang nu ke kutu sam? Sifwe srisrik el kutupal akkalemye ke met sim a me sang u akkalemye ke ma sikyak ke pal se sam ku on soko el orekla, oana ke ma sikyak ke Sam 3. Sifwe srisrik ka el ku pa in aketeye ke akwuk ku ke orekmakinyen soko on (Sam 4 a 5) oayepa sifwe srisrik ke sam el sang masap ke akwuk lun on (Sam 6).
3:2—Mea se inge “Sila”? Kas se inge el motkeyuk mu me akul nu ke sie pal in tui ke kitin pal in sifwilpa nunku ke inkanek misla, ke inkanek in sifwana on ku in sritelkin me on. Orekma in tui ke kitinpal inge orekmakinyuk in akkalemye yok nunak ku pulakin su oasr ke soko on ku sam. Tia enenu in rid kas ke pusra lulap ke lusen pal in ridi Sam ye mutun met puspus.
11:3—Pelung fuka kunausyukla? Pelung nu ke akwuk lun metu pa inge—masap, akwuk in misla, a nununku sumwos. Fwin akwuk inge musalla, ma upa ku in sikyak ke akwuk lun met a wanginla nununku sumwos. Ke kain in ma sikyak inge, “kutena met sumwosmwos” el enenu in lulalfongi God ke inkanek nukemwa.—Sam 11:4-7.
21:3—Mea ma yok sripe ke “sie tefuro gold”? Tefuro se inge ke kutupal el orekmakinyuk nu ke tefuro paye ku nu ke me pupulyuk ke sripen kutangla puspus lal Devid tia akkalemyeyuk. Tusruktu, fus inge el fwakak ke sie kas palu su sramsramkin tefuro ke togusra su Jisus su el eis sin Jeova in yea 1914. Ke sripen tefuro se inge el orekla ke gold ma inge akkalemye la kolyuk lal pa mwo emeet.
22:1, 2—Efu ku Devid el pulakin mu Jeova el som lukel? Devid el pulakin ma upa sin met lokwalok puspus lal paenang ‘insiel el oana fwul [wax, NW] a kofwelik in manol.’ (Sam 22:14) Nu sel el pulakin mu Jeova el som lukel. Ke pal se Jisus el sripsripyuk fwin soko sak, el pulakin pa oinge. (Mattu 27:46) Kas lal Devid akkalemye oiya su akkalemyeyuk sin met pal nukemwa fwin elos sun kain in ma su sikyak upa oana ma sikyak nu sel. Tusruktu, ke pre lal su simusyukla in Sam 22:16-21, kalem la lulalfongi lal Devid nu sin God tia tula.
Me Lutlut nu Sesr:
1:1. Kut enenu in fwasr liki in asrouki nu sin met nukemwa su tia lungse Jeova.—1 Korint 15:33.
1:2. Len nukemwa kut enenu in loang akmwoye ke ma puspus su kupasr nu ke orekma lasr in alu nu sin God.—Mattu 4:4.
4:4. Ke kut pulakin mulat ku kasrkusrak, sie inkanek lalmetmet in kutongye loasr tu kut in tia fwak kutena ma su kut fwa auli ka tok.—Efesus 4:26.
4:5. Me kise lasr in ngun pa “me kise lun sumwosmwos” fwin oasr yurosr inse a nunak sumwos a oiyesr el fwal nu ke masap lun Jeova.
6:5. Mea sie sripe mwo su oru kut in lungse in moul pal nukemwa?—Sam 115:17.
9:12. Jeova el sang nununku upa nu sin met su suk foloksak ke sra, tusruktu el esam “pang lun met sekasrup.”
15:2, 3; 24:3-5. Met nukemwa su wi ke alu paye elos enenu in sramsramkin ma paye a fwasr liki in kaskaskin fulak kikiap a kaskas kikiap.
15:4. Kut fwin akilen la mwulela se su kut orala el tia fwal nu ke ma simusla mwo kut in tia oru ku akpayeye ma inge, tusruktu kut enenu in akpayeye ke ku lasr kemwa mwulela lasr nukemwa, fwinne arulanu upa in oru ma inge.
15:5. Oana met kulansap lun Jeova, kut enenu in fwasr liki orekmakinyen mani ke inkanek tia sumwos.
17:14, 15. “Met lun fwalu” elos orekmakin moul lalos in oasr me kasrup lalos a engankin moul mwomwo, in isus tulik a karungin sou lalos inge, a likiye me usru nu sin sou lalos. Ma yok sripe emeet ke moul lal Devid pa in oru sie e mwomwo ye mutun God tu in ‘liye mutal,’ ku in pulakin me insemwomwo lun Jeova. Ke el “ngetalik” nu ke mwulela a kas in akkeye nukemwa lun Jeova, kalme pa Devid el ‘pulakin mwo in liye Lumal,’ ku el insemwomwokin la Jeova el welul. In oana Devid, ya kut fwa tia nunku yok ke me kasrup nukemwa lun ngun?
19:1-6. Fwin ma orekla, su tia ku in kaskas ku sang me top, el sang mwolana nu sin Jeova, ya kut su ku in nunak, kaskas, a ku in oru orekma in alu nu sel fwa tia sang mwolana nu sel?—Fwakyuk 4:11.
19:7-11. Arulanu yok me kasru a me insemwomwo lun masap lun Jeova nu sesr!
19:12, 13. Ma tafongla a orekma fulang nukemwa pa ma koluk su kut enenu in tia oru.
19:14. Kut enenu in nunku yok tia ke ma kut oru mukena, a kut enenu pa in loang akmwoye nu ke ma kut fwak a nunku.
“KOM SRUOKYUWI IN MA SUMWOS LUK”
Ke sam luo meet ke sam puspus inge oasr kena paye ke inse a sulela paye su Devid el akkalemye in sang karungin oiyen oaru lal pal nukemwa! El on: “A fono keik, Nga fwa fwasr in sumwos luk.” (Sam 26:11) Ke pre lal in siyuk ke nunak munas ke ma koluk, el fwak: “Ke Nga misla, srik paola ke sao luk len na fon.” (Sam 32:3) Nu sin met kulansap oaru nukemwa lun Jeova, Devid el akkalemye ke kas inge: “Mutun Jeova on nu sin met sumwosmwos, a srel igakla nu ke pang lalos.”—Sam 34:15.
Arulanu yok sripe kas in kai su simusyukla in Sam 37 nu sin met Israel a nu sesr, meyen kut moul ke “len safla” ke akwuk lun ma puspus inge! (2 Timote 3:1-5) Sam 40:7, 8 el sramsramkin kas palu kel Jisus Kraist, ma simusla inge el akkalemye: “Liye Nga tuku, simusyukla tari in buk limlim keik. Nga engan in oru ma lungse lom, O God luk, aok masap luk on insiuk.” On safla ku sam safla ke ip se meet inge ke Sam el sramsramkin me siyuk lal Devid ke kasru lun Jeova ke lusen yea puspus su el pulakin keok tokin el oru ma koluk nu sel Bat-siba. El onkin on soko inge: “A fono keik, kom sruokyuwi in ma sumwos luk.”—Sam 41:12.
Kusensiyuk Puspus Ke Ma Simusla Eis Top Ka:
26:6—In oana Devid, ke inkanek in me pupulyuk fuka kut ku in fwasr raunela loang lun Jeova? Loang se inge el lumeyuk nu ke ma lungse lun Jeova ke el eis me kise ke lango lun Jisus Kraist in molela metu. (Hibru 8:5; 10:5-10) Kut fwasr raunela loang lun Jeova ke kut akkalemye lulalfongi nu ke me kise inge.
29:3-9—In pupulyukin pusran Jeova ke pulal su oru metu in pulakin sangeng ke el sikyak, mea ma inge akkalemye? Oiya inge akkalemye ma inge: Ku sakuruk lun Jeova!
31:23—Fuka sie met fulang el arulanu akinsemwomwoyeyuk? Me sang ke ma inge pa me kai upa. Met sumwos el eis me sang lal ke ma tafongla lal su el srunga in oru ke inkanek in me kai sin Jeova. Ke sripen sie met fulang el srunga in forla liki inkanek koluk lal, el eis na paye me sang lal ke inkanek in me kai upa.—Soakas 11:31; 1 Piter 4:18.
33:6—Mea se inge “ngun” ku “momong” lun oalin Jeova? “Momong” ku ngun se inge pa ku lun God, ku ngun mutal, su el orekmakin in sang orala ma puspus in kosrao. (Genesis 1:1, 2) Ma inge pangonyuk oana momong lun oalul meyen, in oana ke ku lun momong lal, ma inge ku in supweyukla in akpayeye ma puspus fwinne ke an loeloes.
35:19—Me kalmen me siyuk lal Devid in tia lela met lokwalok lal in kunkuni mutalos? Orekma in kunkuni muta akkalemye la met lokwalok lal Devid elos pulakin insemwomwo ke kutangla lalos ke orekma koluk lalos lainul. Devid el siyuk ma inge in tia sikyak.
Me Lutlut Nu Sesr:
26:4. Kut orekmakin inkanek lalmetmet kut fwin fwasr liki in asrouki nu sin met puspus su mwukunla oiya paye lalos ke chat rooms lun Internet, nu sin met puspus ke loom lutlut ku ke niyen orekma su orek luma mu elos lungse in orek kawuk nu sesr ke inkanek kutasrik, met puspus su som liki alu paye ke elos orek luma mu elos paye nu sesr, a elos moulkin moul luo.
26:7, 12; 35:18; 40:9. Kut enenu in kaksakin Jeova ye mutun met puspus ke pal in toeni lun met Kristian.
26:8; 27:4. Ya kut lungse na paye in wi ke meeting nukemwa lun met Kristian?
26:11. Ke el akkalemye sulela lal in karungin oiyen sumwos lal pal nukemwa, Devid el siyuk pa ke sifwil molela. Aok, kut ku in sruokye oiya sumwos lasr pal nukemwa fwinne kut met sesumwos.
29:10. Jeova el muta oana Togusra in “pal in sronot,” ma inge akkalemye la el sruokye na paye ku lal.
30:5. Oiya mwo lun Jeova su mwo emeet pa lungse—a tia mulat.
32:9. Jeova el tia lungse kut oana soko ors ku soko miul su akos masap ke bridle ku me yun lun ors ku me sringsring. A, el lungse kut in akkalemye akosten lasr nu sel meyen kut kalem ke ma lungse lal.
33:17-19. Wangin kutena akwuk lun metu, fwinne ma inge arulanu ku, ku in ase me molela. Kut enenu in lulalfongi Jeova a ke akwuk nukemwa lun Togusrai lal.
34:10. Sie mwulela mwomwo pa inge nu selos nukemwa su suk meet Togusrai ke moul lalos!
39:1, 2. Fwin met koluk elos suk me akkalemye puspus in akkolukye met lili puspus wiyesr, kut enenu in lalmetmet kut fwin ‘karunganang oalusr ke sie me sruf’ a tia akkalemye kutena ma nu selos.
40:1, 2. In tupan nu sin Jeova el ku in kasre kut in kutangla me asor yok a in illa “liki sie luf koluk, a liki fok furarrar.
40:5, 12. Ma upa puspus ku ma tafongla lasr sifwana, fwinne arulanu pukanten, ma inge fwa tia akmusnasye kutla kut fwin tia mulkunla ke ma paye inge la me insemwomwo lasr ‘pus liki ma kut ku in oekla.’
“Kaksakin Jeova”
Ip se meet lun Sam su oasr on ka ku sam 41 el sie me kasru a me akkeye na paye! Kut fwin sun me srife puspus ku akkolukyeyuk ke pulakin ku ella koluk, kut ku in eis ku a me akkeye ke ip se inge ke Kas lun God su arulanu ku. (Hibru 4:12) Oasr me kasru mwomwo ke sam puspus inge su sang kas in kasru mwomwo nu ke moul. Oasr kas in akkeye su akkalemyeyuk nu sesr pal nukemwa la fwinne kut sun ma upa puspus, Jeova el fwa tia som liki kut.
Ip se meet inge lun Sam aksafyeyukla ke kas inge: “Kaksakin Jeova, God lun Israel, omeet me nu tok ma patpat. Amen a Amen.” (Sam 41:13) Tokin kut aketeye ip se meet ke Sam, ya kut tia akkeyeyuk ku mokleyuk in akinsemwomwoye, ku kaksakin Jeova?
[Footnote]
[Blurb on page 30]
Fwin ma orekla su wangin moul el sang kaksak nu sin Jeova, paye la kut enenu in sang kaksak nu sin Jeova!
[Petsa ke sra 28]
Mutamwauk ke sam 1 nu ke 41 Devid el simusla pusiyen ma inge
[Petsa ke sra 29]
Ya kom etu la sam ak ekasr akkalemye kel Jeova oana Met Seperd Lulap?
[Petsa ke sra 31]
Arulanu yok sripe kut in loang akmwoye nu ke ma lun ngun len nukemwa
[Picture Credit Line on page 28]
Stars: Courtesy United States Naval Observatory
[Picture Credit Line on page 30]
Stars, pages 29 and 30: Courtesy United States Naval Observatory
[Picture Credit Line on page 31]
Stars: Courtesy United States Naval Observatory