‘O God, Supala Kalem Lom’

“O supala kalem lom a paye lom. Lela ma inge in kol yu.”​—SAM 43:3.

1. Fuka Jeova el akkalemye akmwuk lal?

JEOVA el arulanu kulang ke pal se el akkalemye akmwuk lal nu sin met kulansap lal. El tianu akkalemye ma paye nu sesr pal siefwunnu oanu el oru kalem in tolak mutasr pal siefwunnu, a el oru ou inge kais kutu srisrik. Fwafwasyesr lasr ke inkanek lun moul ku in pupulyukinyuk nu ke fwafwasyesr lun sie met hiker ke sie inkanek loeloes. El mutamwauk na ke toang in lututeng paenang tianu pus ma el liye. Ke pal se fwat el mutamwauk in kakasrisrik takak ke horizon, met hiker el mutamwauk in akilen kutu ma su oasr ke inkanek lal. Oasr kutu sonna arle kalem. Tusruktu ke pal se fwat el mutamwauk in sikyuk, el mutamwauk in liye an loes. Oupanu kalem in ngun su God el wise nu sesr. El lela kut in akilen ma srisrik ke sie pal. Mwen nutin God, Jisus Kraist, el ase nu sesr kalem ke inkanek senpanu. Lela kut in tuni fuka Jeova el sang kalem nu sin met kulansap lal in pal meeta a fuka el oru ou inge ke len inge.

2. Fuka Jeova el sang kalem nu sin met lal meet liki pal lun met Kristian?

² Met su orala Sam 43 pa mwen nutul Kora. Oanu met Livai, oasr pal mwo lalos in luti Ma Sap lun God nu sin met. (Malakai 2:7) Paye, Jeova pa Met Luti Lulap lalos, a elos ngetuk nu sel oanu Sropon lalmetmet nu kemwa. (Isaia 30:20) “O God, . . . supala kalem lom a ma paye lom,” met sim lun Sam el pre. “Lela ma inge in kol yu.” (Sam 43:1, 3) Ke pal se met Israel elos oaru nu sel, Jeova el luti nu selos inkanek lal. Tokin century puspis somla, Jeova el akinsemwomwoyelos ke kalem a paye ke sie inkanek lulap. God el oru ou inge ke pal el supamu Mwen nutul nu fwalu.

3. Ke inkanek fuka met Ju elos srifweyuk ke me luti lun Jisus?

³ Oanu sie met, Jisus Kraist, Mwen nutin God el “kalem lun fwalu.” (Jon 8:12) El luti met ke “ma puspis in me pupulyuk”​—ma sasu puspis. (Mark 4:2) El fwak nu sel Pontius Pailat: “Togusrai luk tia ma lun fwal se inge.” (Jon 18:36) Ma inge ma sasu nu sin met Rom a nu sin met Ju su lungse mutanfwal lalos, meyen elos nunku mu Messaia el akpusisilye mutanfwal Rom a sifwil oakiye Israel ke mwolanu lal meet. Jisus el akkalemye nu selos kalem su tuku sin Jeova, tusruktu kas lal tia akinsemwomwoye met kol lun met Ju, su “lungse mwolanu ma sin met me yok mwolanu ma sin God me.” (Jon 12:42,43) Met puspis elos sulela in srukye me luti lun met yok liki kalem in ngun a paye su tuku sin God.​—Sam 43:3; Mattu 13:15.

4. Fuka kut ku in etu la met tuma lutlut lun Jisus elos tafwela in kapkapek ke etauk lalos?

⁴ Tusruktu, kutu sin mokul a mutan oaru elos insemwomwo in srukye ma paye su Jisus luti. Elos oru kapkapek ke kalem lalos ke akmwuk lun God. Ke pal se orekma lun Met Luti lalos fwin fwalu apkurun in safla, srakna oasr ma puspis elos enenu in etu. Jisus el fwak nu selos: “Oasr ma puspis pa yurok in fwak nu sumwos, a inge komwos koflanu muteng ma inge.” (Jon 16:12) Aok, met tuma lutlut elos fwa tafwela in kapkapek ke kalem lalos ke ma paye lun God.

Kalem Paye El Yokyokelik

5. Kain in kusensiyuk fuka sikyuk ke century se meet, a su oasr kunokon in aksumwosye ma inge?

⁵ Tokin mise lun Jisus a sifwil moulyuk, kalem su tuku sin God el yokelik liki meeta. Ke sie arurumu su sikyuk nu sel Piter, Jeova el akkalemye la met Pegan su tia kosroila elos ku in ekla met tuma lutlut lun Kraist. (Orekma 10:9-17) Sie me fwakak pa inge! Fwinne ou inge, oasr sie kusensiyuk sikyuk tok: Ya Jeova el siyuk sin met Pegan inge in ekla met kosroila tokin elos ekla met Kristian? Kusensiyuk inge tia topukyukla ke arurumu sa, a me siyuk se inge orala sie me akukuin lulap inmaslon met Kristian. Enenu in aksumwosyeyukla ma inge, meyen fwin tia, inse siefwunnu lalos fwa on in me sensen. Ke ma inge, nu fwin an Jerusalem enenu, “met sap a met matu elos tukeni nu sie in nunku ke ma se inge.”​—Orekma 15:1, 2, 6.

6. Kain in akmwuk fuka met sap nu kemwa a met matu elos oru ke pal se elos tuni kusensiyuk ke kosroila?

⁶ Fuka met nu kemwa su oasr ke tukeni nu sie inge in ku in akilen ma lungse lun God nu sin met Pegan su lalalfongi? Jeova el tianu orekmakin lipufon in kol tukeni se inge, ku el sang arurumu nu selos nu kemwa su wi. Fwinne ou inge, Jeova el tia lela met sap nu kemwa a met matu in oru sulela lalos in wangin karungin ya. Elos tuni akmwoye kas in akpayeye su tuku sin met Ju Kristian su liye na paye orekma lun God ke el mutamwauk in liye met pegan, a sang ngun mutal lal nu sin met Gentiles su tia kosroila. Elos ouyepa tuni Ma Simusla in kasrelos. Ke ma inge, met tuma lutlut James el kaifwe ke sie akmwuk su fwal nu ke ma simusla su arulanu kalem. Ke elos tuni mwo ke me akpayeye, na lungse lun God nu ke me siyuk inge mutamwauk in arulanu kalem. Elos nu kemwa su met Pegan elos tia enenu in kosroila in eis insemwomwo lun Jeova. Met sap a met matu elos silaklak in simusla ma elos sulela in sang kasru met Kristian nu kemwa in etu ke ma elos enenu in oru.​—Orekma 15:12-29; 16:4.

7. Ke inkanek fuka met Kristian ke century se meet elos kapkapek?

⁷ Tia oanu met kol ke alu lun met Ju, su lungse in srukye na me sramsram lun papa matu tumalos, met Ju Kristian puspis elos engunkin ke elos eis etauk sasu ke akmwuk lun God nu sin met pegan, ke ma inge elos enenu in ekulla nunuk lalos nu sin met pegan nu kemwa. Jeova el akinsemwomwoye inse pusisel lalos, a “congregation nu kemwa akkeyeyuk in lalalfongi, a puselik len nu kemwa.”​—Orekma 15:31; 16:5, New World Translation.

8. (a) Fuka kut ku in etu la kalem yok ku in sikyuk tokin century se meet el apkurun in safla? (b) Kain in kusensiyuk saok fuka kut akola in tuni?

⁸ Kalem in ngun yokyokelik ke lusen century se meet nu fon. Tusruktu, Jeova el tia akkalemye ma nu kemwa ke akmwuk lal nu sin met Kristian in pal meeta. Met sap Poul el fwak kas inge nu sin met lili wiel in lalalfongi ke century se meet: “Tu inge kut liye inge ok ke selngun orek ke mwusra.” (1 Korint 13:12, NW) Kain in selngun inge tia arulanu kalem. Ke ma inge, ke mutamwauk, etauk ke kalem lun ngun tia arulanu yok. Tokin mise lun met sap, kalem inge srikeni, tusruktu, in pal inge etauk lun Ma simusla yokelik. (Daniel 12:4) Fuka Jeova el sang kalem yok nu sin met lal in len inge? A oiye fuka kut akkalemye in pal se el akyokye kalem lasr ke Ma Simusla?

Kalem El Yokyokelik

9. Kain in akmwuk mwo fuka ke lutlut Baibel orekmakinyuk yurin Bible Students meet?

⁹ Ke len lasr misinge kalem paye el mutamwauk in akilenyeyuk ke saflaiyen century ak 19 ke pal se ma sie un met Kristian mokul a mutan elos mutamwauk in eis lutlut yok ke Ma simusla. Elos orala akmwuk mwo nu ke lutlut Baibel. Fwin sie met el srukak kusensiyuk; na un met inge nu kemwa elos tuni akmwoye nu ke Ma Simusla nu kemwa su ku in sang top sumwos nu ke kusensiyuk inge. Fwin sie fus in Baibel el lain sie fus ke me aketeye, na met Kristian oaru inge elos liksreni in kaifweung suk a tuni in oasr kalme siefwunnu ke fus luo inge. Elos tia oanu met kol lun alu in len inge, Bible Students (su ingenu pangpang Met Lo Lun Jeova) elos kaifweung na paye in sang Ma Simusla Mutal in kololos, a tia sramsram matu ku me luti lun met. Tokin elos tuni Ma Simusla nu kemwa su sang me akpayeye, elos orala record ke ma elos sulela in oru. Ke inkanek inge, kalem lalos ke me luti puspis lun Baibel yokelik.

10. Charles Taze Russell el simusla kain in me kasru fuka ke lutlut Baibel?

¹⁰ Charles Taze Russell pa sie met pengpeng inmaslon Bible Students. El simusla sie series su oasr buk onkosr ka in me kasru nu ke lutlut Baibel su oasr ke sifwe se inge Studies in the Scriptures. Brother Russell el lungse in simusla volume akitkosr, su fwa aketeye ke buk in Baibel inge Ezekiel a Fwakyuk. “Pal se fwin Nga konaok key,” El fwak, “Nga fwa simusla volume Akitkosr.” Tusruktu, el tafwela in kas inge: “Fwin God el sang key nu sin kutena met, lela lan simusla ma inge.”

11. Fuka pal a kalem lasr ke akwuk lun God kapsreni sie sin sie?

¹¹ Kas lal C. T. Russell inge akkalemye ke yok sripe lun sie ma su enenu kut in kalem ka ke kutu me sramsram in Baibel​—a pal fwal. Brother Russell el etu la el tia ku in liksreni orekmakin kalem inge in sang akkalemye buk lun Fwakyuk yok liki pal pakiyuki su eneneyuk, in oanu sie met hiker el tia ku in sapkin fwat in takak meet liki pal pakiyuki lal in takak.

Akkalemyeyuk​—Tusruktu ke Pal Pakiyuki lun God

12. (a) Nge kas in palu lun Baibel ku in kalem na paye? (b) Kain in me srikasrak fuka akkalemye la ku lasr in kalem ke kas palu lun Baibel oakiyuki nu ke pal pakiyuki lun God? (Srike liye footnote.)

¹² In oanu met sap ke elos akilen kas palu puspis ke Messaia tokin mise a moulyuk lun Jisus, met Kristian misinge elos ku pa in akilen inkanek yok ke kas palu lun Baibel tokin ma inge akpayeyuk tari. (Luk 24:15, 27; Orekma 1:15-21; 4:26, 27) Fwakyuk el sie buk in palye, ke ma inge kut enenu in tawiyuk in ku in eis kalem ka tokin ma akpayeyuk me palu la. Ke sie me pupulyuk, C. T. Russell el tia ku in eis kalem paye ke kalmen kosro srusra soko su akkalemyeyuk in Fwakyuk 17:9-11, meyen u inge su kosro srusra el lumeyuk nu ka, su pangpang League of Nations a United Nations, elos sonna sikyuk nu ke mise lal.a

13. Mea sikyuk kutupal fwin kalem yokyokelik ke sie me sramsram lun Baibel?

¹³ Ke pal se met Kristian in pal meeta elos akilen la met Pegan su tia kosroila elos ku in ekla met lalalfongi, paenang ekla inge purakak kusensiyuk ke met Pegan su ekla met lalalfongi la elos enenu in eis kosoila. Ma sikyuk inge purakak met sap a met matu in sifwil tuni me sramsram yok ke kosroila. Akmwuk sepanu inge orek ke len inge. Fwin oasr sie kalem sakuruk yok ke sie me sramsram in Baibel sikyuk su kutupal purakak met kulansap akmusrala lun God, “met kulansap oaru a lalmetmet,” elos in sifwil tuni kutu me sramsram su kapsreni nu ka, in oanu ke ma sikyuk in pal inge akkalemye.​—Mattu 24:45.

14-16. Fuka aksumwos su orekla ke nunuk lasr ke tempel in ngun purakak kalem lasr ke Ezekiel sapter 40 nu ke 48?

¹⁴ In yiu 1971 oasr sie aketeye ke kas palu lal Ezekiel orekla a akkalemyeyuk ke buk se inge “The Nations Shall Know That I Am Jehovah”​—How? Sie sapter ke buk inge sramsramkin arurumu lal Ezekiel ke tempel. (Ezekiel, sapter 40-48) In pal inge, me sramsram yoku pa la fuka arurumu lal Ezekiel ke tempel fwa akpayeyuk ke fwal sasu.​—2 Piter 3:13.

¹⁵ Tusruktu, oasr me luti luo su akkalemyeyuk ke The Watchtower in December 1, 1972, ikasla kalem lasr ke arurumu lal Ezekiel. Ma inge sramsramkin tempel lulap in ngun su akkalemyeyuk sin Met sap Poul in Hibru sapter 10. The Watchtower el aketeye la an mutal a inkalkal lun tempel in ngun el pupulyukinyuk ke luma a ma sikyuk sin met Kristian akmusrala ke elos srakna muta fwin fwalu. Ke pal se sifwil tuniyuk Ezekiel sapter 40 nu ke 48, ke yiu puspis toko, oasr akilenya la fwin tempel in ngun el orekma misinge, na tempel su Ezekiel el liye ke arurumu lal fwa orekma pa ke len inge. Fuka orekma lal?

¹⁶ Ke arurumu lal Ezekiel, met tol elos kafofo inkalkal in tempel ke kulansap lalos nu sin sruf su tia wi ke met tol. Arulanu kalem la met tol inge nu kemwa elos aoliyen “met tol leum,” met kulansap akmusrala lun Jeova. (1 Piter 2:9) Tusruktu, elos fwa tia kulansap inkalkal lun tempel ke lusen Tausen Se Yiu ke Kolyuk lun Kraist. (Fwakyuk 20:4) Ke lusen pal inge, fwin tia sun piselos nu fon, ma met akmusrala elos fwa kulansap na nu sin God ke an mutal na mutal in tempel lun ngun, “in kosrao.” (Hibru 9:24) Ke sripen met tol inge arulanu kafofo inkalkal in tempel ke arurumu lal Ezekial, paenang arurumu se inge el akpayeyuk ke len inge, ke sripen kutu sin met akmusrala inge elos srakna muta fwin fwalu. In fwal nu ke ma inge, ke March 1, 1999, issue lun magasin se inge akkalemye ma ekla ke me sramsram inge. Ou inge saflaiyen century ak20, kalem in ngun yokyokelik in akkalemye kas palu lun Ezekiel.

Akkalemye Insemwomwo in Ekulla Nunuk Lom

17. Kain in ekla fuka kom orala tari ke nunuk lom tokin kom srukye etauk ke ma paye, a fuka ma inge akinsemwomwoye kom?

¹⁷ Kutena met su lungse in eis etauk ke ma paye enenu in “wis nunuk nu kemwa in sruo nu ke akos lun Kraist.” (2 Korint 10:5) Ma inge tia fwusesr pal nu kemwa, yokna fwin nunuk lun sie met arulanu upa in ekulla. Ke sie me pupulyuk, meet liki kom lutlut ke ma paye lun God, saap kom insemwomwokin in akfulatye kutu me akfulat lun alu yurin sou lom. Tusruktu tokin kom lutlut ke Baibel, kom akilen la me akfulat inge tuku sin met Pegan. Ke mutamwauk saap kom alollo in orekmakin ma kom lotela tari. Tusruktu, ke saflaiye, lungse lom nu sin God arulanu fukoko liki lanu fasin lun alu, a kom mutamwauk in tui liki me akfulat su God el srunga. Ya Jeova el tia akinsemwomwoye sulela lom?​—Srike liye Hibru 11:25.

18. Oiye fuka kut akkalemye ke pal se kalem lasr ke ma paye lun Baibel akkalemeyuk yok?

¹⁸ Kut eis ma lane pal nu kemwa kut fwin oru ma nu kemwa ke inkanek lun God. (Isaia 48:17, 18) Ke ma inge fwin akkalemyeyuk tari nu sesr sie me sramsram ke Baibel, lela kut in engunkin in akyokyelik ma paye! Aok, Payela, kapkapek lasr in etu ma nu kemwa su akkalemyeyuk nu sesr sie me akpayeye la kut muta ke inkanek sumwos. Pa inge “inkanek lun met sumwosmwos,” su “oanu kalem lun lenelik, su saromromelik nu ke len sumwosna.” (Soakas 4:18) Payela, ke pal inge kut liye kutu akmwuk lun God oanu in “ok”. Tusruktu, fwin pal pakiyuki lun God tuku, kut fwa liye mwolanu lun ma paye lal nu kemwa, fwin niesr fwasr sumwos a ku na ke “inkanek.” Ke pal inge, lela kut in akfulatye ma paye su Jeova el akkalemye tari nu sesr, a sano ke kasru lal ke ma puspis su soena kalem in pal inge.

19. Mea sie inkanek in akkalemye la kut lungse ma paye?

¹⁹ Fuka kut ku in akkalemye lungse lasr nu ke ma paye ke sie inkanek mwo? Sie inkaneku pa in ridi Kas lun God pal nu kemwa​—len nu kemwa fwin ku. Ya kom fwasr tokin sie program in ridi Baibel? Magasin inge Tauer In San a Awake! kasre kut ke me mongo in ngun yok su kut ku in engunkin. Loang akmwoye pa nu ke buk, buk srisrik, a kutu me rid su akoeyukla in me kasru mwomwo nu sesr. A fuka report puspis ke orekma in luti ke Togusrai su arulanu akkeye kut a simusyukla ke Yearbook of Jehovah’s Witnesses?

20. Futoto fuka oasr inmaslon kalem a paye su tuku sin Jeova a ke akesrui lasr in wi meeting pal nu kemwa lun met Kristian?

²⁰ Aok, Jeova el topuk ke inkanek mwolanu fwal nu ke pre inge su akkalemyeyuk in Sam 43:3. Ke saflaiyen fus inge, kut ku in rid: “Lela [kalem a ma paye] ma inge in kol yu, lela elos in wis yu nu fwin eol mutal sum, a nu in loom sum.” Ya kom ngetla nu ke pal fwasru in alu nu sin Jeova, wikin un met puspis saye? Me luti in ngun su akkalemyeyuk ke meeting lasr pa sie inkanek saok su Jeova el orekmakin in akkalemye ma paye lal nu sesr ke len inge. Mea kut enenu in oru in akyokye insemwomwo lasr ke meeting lun met Kristian? Kut suli kom in tuni akmwoye me sramsram inge ke me lutlut toko ke inkanek lun pre.

[Footnote]

Ya Kom Ku in Topuk?

• Efu Jeova el tia akkalemye akmwuk lal ke pal siefwunnu?

• Fuka met sap a met matu fwin an Jerusalem elos aksumwosye me sramsram yok ke kosroila?

• Kain in akmwuk fuka ke lutlut Baibel Bible Students meet elos orekmakin, a efu ma inge siena liki?

• Sang me pupulyuk fuka kalem in ngun akkalemyeyuk ke pal pakiyuki lun God.

[Picture on page 10]

Charles Taze Russell el etu la kalem el tolak nu ke buk lun Fwakyuk ke pal pakiyuki lun God