“El Su Srik” Fwa Ekla “Tausen”
“El su srik fwa ekla siu, a el su fwus sie mutanfwal ku.”—ISAIA 60:22.
1, 2. (a) Efu losr matoltol afwunye fwalu ke len inge? (b) Fuka kalem lun Jeova el tafwela in tolak nu sin met lal?
“LOSR e fwa afwunye fwalu, a losr matoltol mutanfwalu; a Jeova el fwa takak nu fwom, a mwolanu lal fwa liyeyuk fwom.” (Isaia 60:2) Luma se inge ku in liyeyuk fwin fwalu mutamwauk 1919. Kristendom elos silalalfongi akul ke oasr tari lun Jisus Kraist oanu sie Togusra, el su “kalem lun fwalu.” (Jon 8:12; Mattu 24:3) Ke sripen “mulat lulap” lal Setan, met kol lun “leum in losr lun fwal se inge,” paenang century ak20 pa yok orekma silolel emeet, ma puspis musalla pa yok ke me sramsram lun metu. (Fwakyuk 12:12; Efesus 6:12) Apkurun met nu kemwa elos in muta ke losr lun ngun.
2 Fwinne ou inge, kalem el srakna sikyuk ke len inge. Jeova el ‘sang kalem nu sin met kulansap lal, met lula sin akmusrala, su aoliyen “mutan” in kosrao nu fwin fwalu. (Isaia 60:1) Mutamwauk yokna ke elos sukosokla liki sruo lalos sin Babulon ke yiu 1919, elos inge akkalemye mwolanu lun God a elos oru ‘kalem lalos in tolak ye mutun metu.’ (Mattu 5:16) Mutamwauk 1919 nu ke 1931, etauk lun kalem lun Togusrai yokyokelik ke pal se met inge sisla me kapur lun nunuk in Babulon lalos. Elos puseni sun pisen met nu sengoul pal siengoul tausen fwal nu ke akpayeyen mwolela lun Jeova: “Nga fwa esani met lula lun Israel. Oanu sie in un kosro in maslon imae lun me mongo nelos; elos fwa orek mwomwon lulap ke pusien metu.” (Maika 2:12) In yiu 1931, kalem lun mwolanu lun Jeova nu sin met lal arulanu akilenyuk ke pal se elos eis e se inge Met Lo lun Jeova.—Isaia 43:10,12.
3. Fuka akkalemyeyuk meet la kalem lun Jeova fwa tolak nu sin kutu met sayen met akmusrala?
3 Ya Jeova el tolak mukena ma lula lun “u srisrik”? (Luk 12:32) Mo. me lutlut ke Tauer In San ke September 1, 1931, sramsramkin siepa u. Ke sie me aketeye mwomwo lun Ezekiel 9:1-11, el akkalemye la met se su oasr nien ink lun met sim on siskel ke fus inge lumeyuk nu ke met akmusrala. Su “met” inge el sang akul ke mutunsrolos? “Sip ngie,” elos su oasr fwinsrak in moul ma patpat ke sie paredais fwin fwalu. (Jon 10:16; Sam 37:29) In yiu 1935 u se inge lun “sip ngie” akilenyuk tari la elos pa “u lulap . . . sin mutanfwal nu kemwa” su liyeyuk ke arurumu lal met sap Jon. (Fwakyuk 7:9-14) Mutamwauk 1935 nu ke pal inge, me loang yok oasr ke orekma in esani nu sie u lulap inge.
4. Su “togusra” a “mutanfwal” su sramsramkinyuk in Isaia Isaia 60:3?
4 Orekma in esani nu sie inge akkalemyeyuk ke kas palu lal Isaia ke pal se el fwak: “A mutanfwalu fwa tuku nu ke kalem lom, a togusra nu ke saromrom lun sikyuk lom.” (Isaia 60:3) Su “togusra” su sramsramkinyuk ke fus inge? Ma lula sin 144,000 su, akola in welul Kraist, met usru lun togusrai in kosrao a kol ke orek lo. (Rom 8:17; Fwakyuk 12:17; 14:1) Ke len inge, tausen ekasr na pa lula ke met lula akmusrala su piselos srik liki met in “mutanfwalu,” elos su oasr fwinsrak lalos fwin fwalu su tuku nu yurin sin Jeova in eis lutlut a elos suli kutupa met in oru pa ou inge.—Isaia 2:3.
Met Kulansap Moniyuk lun Jeova
5. (a) Mea me akpayeye akkalemye la moniyuk lun met lun Jeova tia srikeni? (b) Mutanfwal fuka oasr kapek yok ke 1999? (Srike liye chart ke sra 17-20.)
5 Yok na paye moniyuk lun Met Lo lun Jeova ke len inge su elos akkalemye ke lusen century ak20! A fwinne ma upa yokyokelik, moniyuk lalos tia srikeni ke kut futotoeni nu ke yiu 2000. Elos srakna moniyuk nu ke ma Jisus el sapkin: “Oru met tumal lutlut in mutanfwal nu kemwa.” (Mattu 28:19, 20) Pisen met su moniyuk in oru orekma in sulkakin peng mwo ke yiu tari’a lun orekma ke century ak20 sun pise yok sasu su oasr ke 5,912,492. Elos orekmakin pisen aur na yok su oasr ke 1,144,566,849 wikin in sramsram nu sin kutu met ke God a akmwuk lal. Elos orala 420,047,796 return visit ku sifwil oru folok lalos nu sin met su pwar in lutlut a elos oru Baibel study nu sin 4,433,884 met ke wangin molo. Sie record sakuruk na paye pa inge nu ke orekma in moniyuk!
6. Kain in akmwuk sasu fuka orekla nu sin pioneer nu kemwa a kain top fuka akilenyuk?
6 Ke January somla, Governing Body elos akkalemye akmwuk sasu ke aur su eneneyuk nu sin pioneer. Met puspis elos eis pal mwo lalos ke ma se inge paenang elos sroang nu ke orekma lun regular ku auxiliary pioneer. Ke sie me pupulyuk, ke lusen malem akosr meet ke calendar lun 1999, ofus fwin an Netherlands eis application ke regular pioneer puspis pal akosr pus liki ma elos eis ke pal sepanu inge ke yiu taria. An Ghana el reporti: “Mutamwauk ke pal se ma enenu sasu ke aur nu sin pioneer oakiyuki, pisen regular pioneer lasr puseni. Ke yiu 1999 lun orekma, pisen pioneer fwin fwalu nu fon kapek ke 738,343—sie me akpayeye na mwomwo ke ‘moniyuk nu ke orekma mwo.’—Taitus 2:14.
7. Fuka Jeova el akinsemwomwoye orekma moniyuk lun met kulansap lal?
7 Ya Jeova el akinsemwomwoye moniyuk lun orekma inge? Aok. Ke inkanek lal Isaia el fwak: “Ngetuk mutom ngetla, a liye! Elos nu kemwa sifwanu tukeni nu sie, elos tuku nu yurom. Mwen nutum fwa tuku yen loesla me, a an nutum fwa tabukyukyuk in paulos.” (Isaia 60:4) “Mwen” a “an” akmusrala su esani nu sie elos srakna moniyuk ke orekma lalos nu sin God. A ke pal inge, sip ngie lun Jisus elos tukeni nu sisken “mwen a “an” akmusrala in an a taka puspis in mwea su oasr ke 234.
“Orekma Mwo nu Kemwa”
8. Ke kain in ‘orekma mwo’ fuka Met Lo lun Jeova elos arulanu moniyuk?
8 Oasr kunokon lun met Kristian in luti peng mwo lun Togusrai a in kasru met su lungse lutlut in ekla met tumal lutlut. Aok, elos “akola ke orekma mwo nu kemwa.” (2 Timote 3:17) Ke ma inge elos kurunganang sou lalos wi lungse, elos akkalemye kulang, a elos muteta nu yurin met mas. (1 Timote 5:8; Hibru 13:16) A met orekma su wangin molo eneneyuk nu ke orekma lun musa Kingdom Hall—sie orekma su sang pa ma lo. In an Togo tokin sie Kingdom Hall aksafyeyukla, met lulap ke alu lun charismatic elos lungse in etu la efu ku Met Lo lun Jeova elos ku in musa Kingdom Hall lalos sifwanu, tusruktu alu lalos enenu in moli met orekma! Togo el reporti la orekma in musa Kingdom Hall mwomwo arulanu mokleyuk met su muta we paenang kutu selos srike in rent ku musa loom selos ke an puspis su Kingdom Hall akola in musa we.
9. Oiye fuka Met Lo lun Jeova elos akkalemye fwin oasr ongoiye su sikyuk?
9 Kutupal, oasr siepa kain in orekma eneneyuk. Ke service year taria an puspis sun ongoiye, a pal nu kemwa met se meet su ku in tuku ke an inge in sang kasru pa Met Lo lun Jeova. Ke sie me pupulyuk, yok ma musalla fwin an Honduras ke sripen paka se inge Mitch. Ke pal na sa, ofus fwin an we oakiye emergency committee puspis in oakiye akmwuk ke me kasru. Met Lo fwin an Honduras a ke an puspis saye elos kasru ke nuknuk, mongo, ono, a kutupa me enenu. U se inge Regional Building Committee el orekmakin usrnguk lalos ke orekma in musa loom puspis. Tia pat tok, met lili wiesr su sun ongoiye a eis kasru elos sifwil folokla nu ke orekma lalos ke len nu kemwa. In an Ecuador, Met Lo lun Jeova elos tuku in kasru met lili wielos ke pal se sronot lulap se kunausla loom selos. Tokin guferment el liye inkanek mwo su elos orekmakin ke ma upa inge, sie met lulap lun guferment el fwak: “Fwin ma luk pa u se inge, Nga ku in oru ma sakuruk puspis! Met su oanu komwos enenu in oasr in an nu kemwa fwin fwalu.” Kain in orekma mwo inge sang kaksak nu sin Jeova a sie me akpayeye ke “orekma lun God su arulanu yok sripe” su oasr yurosr.”—1 Timote 4:8.
Elos “Sokla Oanu Sie Pukunyeng”
10. Fwinne met akmusrala elos supuseni, efu en Jeova sulkakinelik ke inkanek su yok liki meet?
10 Jeova el siyuk ke pal inge: “Su elos inge su sokla oanu sie pukunyeng, a oanu mwule nu ke windo lalos? Paye tuka fwa sane yu, a oakbelung lun Tarsis meet, in wise mwen nutum yen loesla meet . . . A metsa fwa musai pot lom, a nu sel su mutal in Israel, tu el akoaskuye kom.” (Isaia 60:8-10) Met se meet su loang nu ke ‘kalem’ lun Jeova pa “mwen nutul,” met Kristian akmusrala. Na, “metsa,” u lulap, su oaru in sang kasru nu sin met Kristian akmusrala wielos, elos fwasr tokin kolyuk lalos ke orekma in luti ke peng mwo. Ke ma inge, fwinne pisen met akmusrala supuseni, en Jeova srakna sulkakinyukelik fwin fwalu nu fon ke inkanek yok emeet.
11. (a) Mea ma inge su tafwela na in orek a mea fwokin ma inge ke 1999? (b) Mutanfwal fuka akkalemye kapek mwo ke pisen met su baptaisla ke yiu 1999? (Srike liye ke sra xx-xx.)
11 Fwokin ma inge, oasr million puspis elos tuku “oanu mwule nu ke windo lalos,” elos suk nien mwukla ke congregation lun met Kristian. Foko lun tausen elos weang ke kais sie yiu, a inkanek el srakna ikak nu sin met puspis. Isaia el fwak: “Mutunpot lom pa fwa ikakla pal e nu kemwa; elos fwa tia kaliye ke len ku fong, tu metu fwa ku in wise nu yurom me kasrup lun mutanfwalu.” (Isaia 60:11) Ke yiu tari’a oasr 323,439 met baptaisla in sang akul nu ke mwolela lalos nu sin Jeova, a el soenna kaliye srungal. “Ma saok lun mutanfwal nu kemwa,” met puspis su wi ke u lulap, elos srakna tuku ke inkanek lalos. (Haggeai 2:7) Wangin kutena met su som liki losr elos sapkinyuk in folokla. (Jon 12:46) Lela met inge nu kemwa in tia tula insemwomwo lalos in eis kalem ke kutena pal!
Tia Sangeng Ye Mutun Me Lain
12. Fuka met nu kemwa su lungse losr elos srike in kunela kalem?
12 Elos nu kemwa su lungse losr elos srunga Jeova. (Jon 3:19) Kutu selos srike in kunela kalem inge. Kut etu la ma inge e fwa tuku na paye. Fwinne Jisus, “El kalem paye, su kalmeak met e nu kemwa,” elos aksruksrukyeyuk, lain, a ke saflaiye anwuki sin met lal sifwanu. (Jon 1:9) Ke lusen century ak20, Met Lo lun Jeova elos akkolukyeyuk pa, filiyuki nu in kalbuos, tia sang sukosok ke orekma lalos, kutupal anwuki, ke pal se elos oru in akkalemye kalem lun Jeova. Ke lusen yiu ekasr somla, met lokwalok elos srike in orekmakin akmwuk kikiap ke inkanek lun news in sang lain met nu kemwa su sulkakin kalem lun God. Kutu selos lungse kutu met in nunku mu Met Lo lun Jeova elos me sensen paenang enenu in kosreyuk orekma lalos ku in tia sang sukosok nu selos. Ya met lain inge nu kemwa kutangla?
13. Mea sikyuk ke sripen kut akkalemye nu ke news ma paye ke orekma lasr ke lalmetmet?
13 Mo. fwin eneneyuk, Met Lo lun Jeova elos som nu ke news pa in akkalemye ma paye. Ke sripe se inge en Jeova sulkakinyukelik in an nu kemwa ke newspaper a magasin, a ke radio a television. Ma inge sang kasru yok ke orekma in luti. Ke sie me pupulyuk, in an Denmark, sie program ke television fwin an we sramsramkin sifwe se inge “Efu Lalalfongi lun Danes Mutamwauk in Srikeni.” Wikin kutu alu, sie interview orekla nu sin Met Lo lun Jeova. Tokin ma inge sie mutan su liye program inge el fwak: “Arulanu kalem na paye su oasr ngun lun God.” Oasr sie lutlut ke Baibel oakiyuki nu sel.
14. Ke mwekin lulap lalos, mea met lain elos e fwa akilen ke pal futoto?
14 Met Lo lun Jeova elos etu la met puspis fwin fwalu elos fwa lainelos. (Jon 17:14) Fwinne ou inge, elos akkeyeyuk ke kas palu lal Isaia: “A mwen nutin elos su akkeokye kom fwa tuku a epasr nu sum, elos nu kemwa su pilesre kom fwa sifwanu fwaksifwe sisken niom; a elos fwa pangon kom siti lun Jeova, Saion lun El Su Mutal lun Israel.” (Isaia 60:14) Ke mwekin lulap lalos, met lain elos fwa akilen ke lusen pal futoto la elos, meun lain God. Su ku in kutangla ke kain in meun inge?
15. Fuka Met Lo lun Jeova “titi pa titi lun mutanfwal,” a fuka ma inge akkalemyeyuk ke orekma in luti a orekma lun forfor lalos?
15 Jeova el tafwela ke mwolela lal: “Nga fwa ore kom sie ma mwolanu nu tok . . . Kom fwa titi pa titi lun mutanfwalu, a kom fwa titi ke imwen togusra; a kom fwa etu tu Nga, Jeova, met Lango lom.” (Isaia 60:15, 16) Aok, Jeova el Met Lango lun met lal. Elos fwin likiye lalalfongi lalos nu sel, elos fwa “on nu tok ma patpat. A elos fwa titi pa titi lun mutanfwalu,” orekmakin kutu me kasru tu in akyokye alu paye. Ke sie me pupulyuk, orekmakinyen computer a communication technology oru elos in ku in orala a kitelik The Watchtower ke kas 121 a Awake! ke kas 62 ke pal siefwunnu in an nu kemwa. Sie computer software program orekla in kasru in orala New World Translation in orekmakin kas sasu puspis, a kain in leng inge wise me insemwomwo lulap. Ke pal se Croatian version lun Christian Greek Scriptures el kitakutla in yiu 1999, tausen puspis selos tung ke engun lulap. Sie brother su matuo el fwak: “Nga sano kain in Baibel inge ke lusen yiu puspis. Ke pal inge Nga ku in mise in misla!” New World Translation su kitakutla ke kutu ip ka ku nu fon na, alukela tari 100 million ke kas 34.
Akmwuk Fulat ke Moul
16, 17. (a) Fwinne arulanu upa, efu arulanu yok sripe in srukye akmwuk fulat lun Jeova? (b) Kain in experience fuka akkalemye la met fwusr nu kemwa elos ku in fwasr liki me akfokfok lun fwal se inge?
16 Jisus el fwak: “Tu met e nu kemwa su orek ma koluk elos srunga kalem.” (Jon 3:20) Ke inkanek saye, elos nu kemwa su muta in kalem elos lungse akmwuk fulat lun Jeova ke moul. Ke inkanek lal Isaia, Jeova el fwak: “Ouyepa met lom nu kemwa fwa sumwosmwos.” (Isaia 60:21a) Sie me srifwe na paye in srukye sie oiyen moul sumwos ke sie fwal su kosro, kikiap, rapku, a inse fulat alukela. Ke sie me pupulyuk, in kutu an, ku lun mani lalos arulanu kapkapek a arulanu fwuesr nu sin met in nunku pal nu kemwa ke ma siefwunnu, in suk me kasrup. Tusruktu, Poul el sang kas in sensen: “A elos su lungse tu in kasrup, elos putatyung nu in me sruf a me kaisrip a lung in ikwe puspis su lalfon a me fosrnga, su akmwalomye met in kunausten a nien tula.” (1 Timote 6:9) Sie me asor na paye fwin sie met el sremla yok ke akmwuk lun business paenang el sisla ma se ma yok emeet, oanu asrouki lun met Kristian, orekma mutal, oiyen moul nasnas, a kunokon ke sou!
17 In srukye akmwuk sumwos ke moul e ku in arulanu upa nu sin met fwusr, ke pal pus met fwusr orekmakin ono koluk a oru orekma lun kosro. In an Suriname, sie mokul fwusr kato in loom lutlut el sun sie mutan fwusr 14 matwe a el kaifwe nu sel eltal in tukeni on. Mutan fwusr se inge srunga, a el aketeye nu sel la Baibel el tia lela kain in orekma inge fwin seanyen se tia payuk. Kutu sin tulik mutan elos aksrokrokel a srike in moklel in ekulla nunuk lal, a elos fwak nu sel la apkurun mutan fwusr nu kemwa elos lungse in on yurin mukol fwusr inge. Tusruktu, mutan fwusr se inge el tu ku ke ma sumwos. Tokin wik ekasr na, mokul fwusr se inge konoiyukyuk la oasr yurol positive ke HIV a el arulanu mas. Mutan fwusr se inge arulanu engun meyen el akos ma sap lun Jeova inge ‘komwos in tia kosro.’ (Orekma 15:28, 29) Met Lo lun Jeova elos arulanu engunkin met fwusr su muta inmaslolos wikin in tu ku ke ma sumwos. Lalalfongi lalos, a lalalfongi lun papa a nine kielos, ‘akmwoyeyuk’—sang akfulat yok—ke en Jeova.—Isaia 60:21b.
Jeova El Sang Kapek
18. (a) Kain in orekma yok fuka Jeova el oru nu sin met lal? (b) Kain in me akpayeye fuka akkalemye la kapkapek el tafwela, a kain in fwinsrak mwolanu fuka sano met nu kemwa su muta in kalem?
18 Aok, Jeova el tolak met lal, el akinsemwomwoyelos, kololos, a akkeyelos. Ke lusen century ak20, elos liye akpayeyen kas palu lal Isaia: “El su srik fwa ekla siu, a el su fwus sie mutanfwal ku. Nga Jeova, fwa aksaye in pal se.” (Isaia 60:22) Mutamwauk ke u na srisrik se in 1919, “el su srik” inge ekla “tausen.” A saflaiyen kapek inge soenna tui! Ke yiu tari’a oasr XX,XXX,XXX met su wi ke Memorial ke mise lun Jisus. Pus sin met inge tianu Met Lo. Kut engun meyen elos wi ke me akfulat saok inge, a solalos in tafwela tuku nu ke kalem. Jeova el srakna sang kalem lal nu sin met lal. Srungal lun u se inge srakna ikak. Ke ma inge, lela met nu kemwa in kaifweung, in muta na ke kalem lun Jeova. Ma inge wise me insemwomwo na paye nu sesr ke pal inge! A kain in me insemwomwo fuka ma inge ku in wise ke pal fwasru fwin ma orekla nu kemwa fwa kaksakin Jeova a insemwomwo ke mwolanu lal!—Fwakyuk 5:13, 14.
Ya Kom Ku In Aketeye?
• Su akkalemye mwolanu lun Jeova ke len safla inge?
• Mea ma inge su akkalemye la moniyuk lun Met lun Jeova tia srikeni?
• Mea kutu nu ke orekma mwo su Met Lo lun Jeova elos kafofo?
• Ye me lain yok, kut lalalfongi ke mea?
[Chart on page 17-20]
1999 SERVICE YEAR REPORT OF JEHOVAH’S WITNESSES WORLDWIDE
(See bound volume)
[Pictures on page 15]
Metu elos srakna tuku ke u lun Jeova
[Picture on page 16]
Kut engun meyen Jeova el lela srungal in ikak nu selos nu kemwa su lungse kalem