MWE LUTLUT 4
Efuh Kuht Oraclah Lweng Sasuc ke Bible?
Acn Congo (Kinshasa)
Acn Rwanda
Sie ip ke lweng luhn Greek Symmachus inge ahkkahlwemye ine muhtahl se suc oasr ke Psalm 69:31, tukun yac 200 in pacl lal Jesus.
Ke lusen yac pucspucs Mwet Loh luhn Jeova eltahl orekmakihn, print, ac kihte kain in lweng ke Bible. Tuhsruhktuh, kuht liye lah arlac enenweyuck sie lweng sasuc ac wo ma ac kuh in kahsruh mwet uh in eis ‘etwacack ke ma pwacye.’ (Sie Timothy 2:3, 4) Pa inge ma God el luhngse nuh sin mwet nuhkewa. Pwacnacng, ke yac 1950 kuht luhngaslah kuhtuh ip ke Bible nuh ke New World Translation, kahs ma inkaiyen mwetuh orekmakihn ke sramsram laltahl lwen nuhkewa. Bible se inge suwohs lweng kac uh, ac ahluhkwelah kahs 130 ma Bible se inge luhngasyucklac nuh kac.a
Enenweyuck sie Bible ma fihsracsr mwet uh in kahlwem kac. Ke pacl uh eklac, kahs uh eklac pac. Ke lweng pucspucs luhn Bible, kwacna orekmakihnyuck kahs mahtuh ac kahs ma tilac orekmakihnyuck suc mwetuh tiac kahlwem kac. Sahyen ma inge, konweyuckyak ma Suhmuhslah ke Bible ma sihmlac in pacl meet ah. Tukun ma inge konweyuckyak, arlac yohkwelihk kahlwem luhn mwetuh ke kahs Hebrew, Aramaic ac Greek, kahs ma orekmakihnyuck emeet in suhmuhslah Bible uh.
Enenweyuck sie lweng ke Bible ma arlacna suwohs ac fal nuh ke kahs luhn God. Mwet ma luhngas Bible uh enenuh in arlacna fahsr fal nuh ke ma na pwacye suc sihmlac emeet ah ac tiac ikihl kuhtwena ma ke Kahs luhn God. Tuhsruhktuh, ke lweng pucspucs in Bible, ine muhtahl se inge, Jeova, tiac ituckyang nuh kac.
Enenweyuck sie Bible ma sang wolacna nuh sin Mwet se ma la uh. (Luo Timothy 3:16) Ke New World Translation, inel Jeova sifwil ituckyang nuh kac ac apkuhran pacl 7,000 sihmlac kac. Ma inge oacna ma suhmuhslah ma sihmlac ke Bible se emeet ma kuht kuh in liye ke petsac se ten inge. Kuht engan in riti Bible se inge ke srihpen lutlut ac orekma nuhkewa ma som kac uh orek ke lusen yac pucspucs. Ma inge orek tuh kuht in kahlwem na pwacye ke nuhnak luhn God. Kuht ahkkweye kom, finne wacngihn New World Translation ke kahs lom sifacna, ahkpahye kom in riti Kahs luhn Jeova lwen nuhkewa.—Joshua 1:8; Psalm 1:2, 3.
Efuh kuht sulaclah muh enenuh in oreklac sie lweng sasuc ah ke Bible?
Meac sie mwet el ac oruh ke kais sie lwen el fin ke etwaclah ma luhngse luhn God?
a Bible ke New World Translation soenna luhngasyucklac nuh ke kahs Kosrae. Tuhsruhktuh, kom ac kuh in engankihn kahs English kuh kuhtuh pac kahs sahyac ma luhngasyucklac tari.