Sie Ip Sasuc in Muhtwacwacack Sramsram nuh sin Mwet

Muhtwacwacack ke March 2016, acn tok ke Tower in San se ma ac fah kihtakat nuh sin mwet uh ahkkahlwemye ip se inge “Meac Bible Uh Fahk?” Ip sasuc se inge oreklac in kahsre kuht in muhtwacwacack sramsram nuh sin mwet ke sifac pucspucs in Bible. Atac uh apkuhran nuh ke atacn mwe rit srihsrihk nahtuhsr uh. Oasr kihsen siyuck se in puhrakack nuhnak luhn mwet uh ac sie ma suhmuhslah ma ac sang top nuh kac, weacng kuhtuh pac ma sahyac ma kuh in sramsramkihnyuck.

Sramsram wo ke sifac pucspucs in Bible uh kwacna kol nuh ke sie lutlut ke Bible. Orekmakihn ip sasuc se inge kahsruh mwet pucspucs in etuh God ac kahs lal uh.​—Mt. 5:6.

OREKMAKIHNYUCK FUHKAH IP SE INGE:

1. Siyuck sin mwet in lohm sacn nuhnak lal ke sie kihsen siyuck ingacn

2. Lohng ac sang kuloh nuh sel ke top lal an

3. Riti ma suhmuhslah ma oan ye sifac se inge “Meac Bible Uh Fahk,” ac siyuck nuhnak lal ke fuhs sacn. Fin oasr pacl lal, tahfwelah in sramsram nuh sel, orekmakihn ma sramsramkihnyuck ye sifac se inge “Meac Pac Kuht Kuh In Lotwelah Ke Bible Uh?”

4. Sang mackuhsin sacn

5. Oakiyac kom in fohlohk ac sramsramkihn kihsen siyuck se ahkluo an