Fuhkah in Sramtweack sie Sramsram nuh sin Mwet Orekmakihn Mwe Rit Srihsrihk

Muhtwacwacack January 2018, ke sra se meet ke mwe rit nahtuhsr inge Moul ac Orekma in Luti Lasr uh Oakwuck ke Toeni Inge oasr kahs in kahsruh nuhke mwe sramsram ma ahkkahlwemyeyuck. Kuht ahkkweyeyuck in nuhnkuh ahkwoyac in sramsram nuh sin mwet ac in tiac kihtaclah muhkwena mwe rit nuh selos. In kahsruh mwet lili in ahkfalye inkacnek in sramsram lalos nuh sin mwet uh, video ke mwe srihkasrak ke mwe sramsram ahkkahlwemye lah fuhkah in sramtweack sie mwe sramsram orekmakihn Bible muhkwena. Tuhsruhktuh, yac kalmen ma inge pa kuht tiac kuh in orekmakihn mwe rit ke kuht fahkwack pweng wo sie lohm nuhke sie lohm? Moh tiac ohinge! Ke sie mwe puhpuhlyuck, tract kuh mwe rit srihsrihk nahtuhsr pa sie inkacnek na wo in sramtweack sie sramsram. Kuht kuh in orekmakihn inkacnek wo ekahsr ten inge ke kuht orekmakihn mwe rit srihsrihk nahtuhsr uh:

1. Siyuck kihsensiyuck ma oasr ke kulun mwe rit se inge.

2. Ahkkahlwemye top luhn Bible ma oasr ke ma suhmuhslah lucng ke sra ahkluo. Fin oasr pacl, rit ac sramsramkihn kuhtuh ma ma oasr luun mwe rit sacn.

3. Sang mwe rit srihsrihk nuh sin mwet in lohm an, ac ahkkweyacl in riti ma sahyac nuhkewa kac ke pacl se ma el mwesahs.

4. Meet liki kom som, ahkkahlwemye kihsen siyuck ma oasr ke “Nuhnkuh Ke Ma Inge” ac oraclah oakwuck in sramsramkihn top luhn Bible ke fohlohk se lom tok an.

Ke pacl se kom fohlohkoh, ahkuhtweyac top nuhke kihsen siyuck ac fihliyac sie pac kihsen siyuck sahyac ma ac fah sramsramkihnyuck ke pacl tok uh. Kom kuh in sulaclah sie kihsensiyuck ma tuhkuh ke website lasr kuh ke mwe rit nahtuhsr ma ahkkahlwemyeyuck ke sra sahflah ke mwe rit srihsrihk inge. Ke pacl fal, orekmakihn mwe rit se inge Pweng Wo Sin God Me! kuh kuhtuh pac mwe rit sahyac ma kuht kwacna orekmakihn ke orekma in luti lasr uh.