Watchtower ONLINE LIBRARY

mwb16 April sra 3
Ahkkweye Mwet Sahyac Uh Ke Kahs Wo

Moul in Christian ac Orekma in Luti Lasr uh—Oakwuck Ke Toeni Inge (2016)

mwb16 April sra 3

MA SACOHK KE KAHS LUHN GOD | JOB 16-20

Ahkkweye Mwet Sahyac Uh Ke Kahs Wo

Mwet suc sang kahs in kahsruh uh enenuh in ahkkweye mwet sahyac

Job el puhla ahsor yohk ac kweok, pwacnacng el enenuh kahsruh ac mwe ahkkweye sin mwet sahyac
Kawuck tolu lal Job inge tiac fahk kuhtwena ma in ahkkweyacl, a eltahl fahk kahs ma tiac pwacye ac ahkupacye puhlakihn lal uh

Kahs upac lal Bildad uh oruh Job elan wowoyak ke ahsor yohk

Job el wowoyak ke tuhng nuh sin God in suk monglac, finne kalmac pa elan misac
Job el nuhnkuh na ke finsrak lal in sifwil moulyak ac el tahfwelah na in sruokyac oaru lal uh

MWET SUC KAHS KIKIACP NUH SEL JOB

Eliphaz:

Sahp el mwet Teman, suc oasr ke acn Edom. Acn Teman sramsramkihnyuck ke Bible uh oacna sie acn ma mwet Edom etweyuck ke lahlmwetmwet laltahl uh
Sahp el pa mahtuh ac yohk emeet kuh la inmahsrlon mwet suc sang “kahs in kahsruh” inge. Eliphaz pa mwet se emeet in sramsram. El sramsram pacl tolu ac sramsram lal uh paht liki mukul luo sahyac ah

Kahs kikiacp lal:

El ahkkulukye ohiyen oaru lal Job uh ac fahk muh God el tiac luhlahlfongi mwet kuhlwacnsap lal uh (Job 4, 5)
El pahnglol Job sie mwet inse fuhlwact ac kuluk. El fahk muh wacngihn sahngweng lal Job sin God (Job 15)
El kikiacp in fahk muh Job el rahpkuh ac sesuwohs. El fahk muh wacngihn srihpen mwet uh nuh sin God (Job 22)

Bildad:

Sie mwet ke sruf lal Shuah. Sahp el muhta sisken infacl Euphrates
El pa mwet se ahkluo in sramsram. Pacl tolu el sramsram. Fototo sramsram lal uh tuhsruhktuh arlacna upac ma el fahk uh luhkel Eliphaz

Kahs kikiacp lal:

El fahk muh fal wen nahtuhl Job inge in sun mwe ongaiyac ke srihpen eltahl oruh ma kuluk upac ac el fahk pac muh Job el forlah liki God (Job 8)
El fahk muh Job el oruh ma kuluk (Job 18)
El fahk muh oaru luhn mwet uh wacngihn srihpac (Job 25)

Zophar:

El sie mwet Naamah, suc muhta fin acn Arabia
El pa mwet se ahktolu in sramsram ac ma el fahk ah pa upac emeet uh. El sramsram pacl luo na

Kahs kikiacp lal:

El fahk muh Job el kahskahs ke wacngihn srihpac ac el fahk nuh sel Job elan tiac sifwil oruh orekma kuluk lal (Job 11)
El fahk muh Job el suhlallacl ac el engankihn ma kuluk (Job 20)