Meac Bible Uh Fahk?

Yac alu uh ma sramtweyuckyak sin mwet uh?

KUHTUH MWET UH LUHLAHLFONGI muh alu uh ma sramtweyuckyak sin mwet uh; kuhtuh pac mwet uh nuhnkuh muh God el orekmakihn alu in kahsruh mwet uh in fototo nuh sel. Meac kom nuhnkuh?

MA BIBLE UH FAHK

Oasr sie “alu pwacye ac nwacsnwacs ye muhtuhn God Pahpah.” (James 1:27) Alu pwacye ac nwacsnwacs se inge ma sramtweyuckyak sin God.

MEAC PAC KUHT KUH IN LOTWELAH KE BIBLE UH

• In ahkinsewowoye God, sie alu enenuh in fahsr fal nuh ke ma pwacye ke Bible uh.​—John 4:23, 24.

• Alu ma ukwe nuhnak luhn mwet uh wacngihn srihpac.​—Mark 7:7, 8.

Yac kuht enenuh in wi ke sie alu?

MEAC KOM AC FAHK?

• Ahok

• Moh

• Sahp

MA BIBLE UH FAHK

“Lwelah kuht in arlacna nuhnkuh ke sie sin sie, ac akacsruhi in ahkkahlwemye luhngse lasr nuh sin sie sin sie ac in oruh ma wo. Lwelah kuht in tiac fuhleack tuhkweni lasr nuh ke pacl in alu.” (Hebrew 10:24, 25) God el luhngse mwet kuhlwacnsap lal uh in tuhkweni ke sie u ma oakwucki.

MEAC PAC KUHT KUH IN LOTWELAH KE BIBLE UH

• Mwet suc tuhkweni alu nuh sin God uh enenuh in oacna sie ke luhlahlfongi laltahl uh.​—Sie Corinth 1:10, 11.

• Mwet suc wi ke alu se ma God el insewowo kac uh eltahl oraclah un mwet lili ma oasr fin facluh nohfohn.​—Sie Peter 2:17.