Kulansap nu sin Jeova Wi nunak Mwo a Oawi
“Ke kutena ma su oawi a fwal, . . . komwos in nunku ke ma inge.” —FILIPPAI 4:8, New World Translation.
1, 2. Mea oru met puspus fwin fwalu in tia nunku yok ke ma yok sripe puspus ke moul, a kusensiyuk puspus fuka ku in siyukyuk?
KUT muta ke sie fwal su metu sun ke sie pal upa emeet a oasr kain in ongoiye puspus su sikyak ke me sramsram lun metu. Nu sin met nukewa su wangin fototo lalos nu sin God, arlana upa in muteng a kutangla ke ‘pal safla su oasr ongoiye puspus’ in pal se inge. (2 Timote 3:1-5) Ke sripen met inge elos fungfung mukena ke ku lalos sifwana in aksumwosye ma upa lalos paenang elos tia ku in kutangla ka. Met puspus elos nunku yok ka paenang wanginla engan lalos, ke sripe se inge elos forla nu ke kain in me akengan puspus lun fwal se inge.
2 Ke pal pus metu elos oru meet kena lalos ke me akengan, tu elos in muteng a mwulkunla ma upa puspus ke moul lalos. Met Kristian fwin elos tia taran, elos sa in oru pa oiya se inge ke moul lalos. Fuka kut ku in fwasr liki oiya se inge? Ya kut enenu in fwasr liki me akengan nukewa? Fuka kut ku in akkalemye sie nunak mwo a fwal inmasrlon me akengan a ke kunokon nukewa lasr? Akwuk mwomwo fuka ke ma Simusla fwa kasre kut ka, ke kut nunku akmwoye ke ma yok sripe puspus ke moul, kut tia oru ma inge in alukela ma fwal a paenang in wanginla engan lasr ke moul?
Akkalemye Nunak Mwo a Fwal Inmasrlon met lun Fwalu su Lungse Me Akengan
3, 4. Fuka ma Simusla el kasre kut in aksaokye ma eneneyuk in oawi a fwal?
3 Arlana kalem la, met puspus ke fwal se inge elos ‘lungse me akengan’ ke inkanek yok. (2 Timote 3:4) Kut fwin nunku a oru me akengan yok, ma inge ku in aksensenye fototo lasr nu sin Jeova. (Soakas 21:17) Ke ma inge, oasr sripe mwomwo lal Poul in akkalemye pa ke leta lal nu sel Timote a Taitus ke nunak mwo a oawi. Kafweang lasr in orekmakin kas in kasru se inge fwa kasre kut in lain oiya lun met puspus lun fwal se inge su tia nunku ke ma yok sripe puspus ke moul.—Ridi 1 Timote 2:1, 2; Taitus 2:2-8.
4 Century puspus meet liki pal san, Solomon el simusla ke yok sripaiyen orekmakin pal in nunku ke ma yok sripe puspus ke moul liki na in nunku yok pal nukewa ke me akengan. (Ekklisiastis 3:4; 7:2-4) Aok, ke sripen moul lasr arlana fototo, pasis kut enenu in ‘kafweang yok’ tu kut in eis molela. (Luk 13:24) Ke ma inge, kut enenu in kafweang in nunku ke ma nukewa su ‘paye a sumwos.’ (Filippai 4:8, 9) Kalmen ma inge pa kut in loang akmwoye ke ma nukewa su yok sripe nu sesr oana met Kristian.
5. Mea sie oiya ke moul lasr su kut enenu in nunku yok ka?
5 Ke sie me pupulyuk, met Kristian nukewa su lungse in etawi Jeova a Jisus, elos enenu in nunku yok ke kunokon lalos in moniyuk ke orekma lalos. (Jon 5:17) Ke ma inge, metu elos lungse in kaksakin met Kristian ke sripen elos alken ke orekma a metu ku in lulalfongelos. Aok sifwen sou nukewa elos enenu na paye in alken ke orekma lalos in sang kasru nu ke ma enenu lun sou lalos. Ke ma inge, met se fwin tia sang ma enenu lun sou lal el oana sie met su ‘lafwekin lulalfongi’ lal nu sin Jeova!—1 Timote 5:8.
Kut Engan a Nunku ke Alu lasr nu sin God la Arlana Yok Sripe
6. Kut etu fuka la kut enenu in nunku ke orekma in alu lasr pal nukewa la ma inge yok sripe?
6 Jeova el nunku pal nukewa la arlana yok sripe in alu nu sel ke inkanek fwal a sumwos. Ke sie me pupulyuk, ye Masap su God el sang nu selos ke inkanek lal Moses, met Israel elos pulakin fwako koluk puspus ke sripen elos forla liki inkanek lalos in alu nu sin Jeova. (Josua 23:12, 13) In century se meet, met tuma lutlut lun Jisus elos enenu in kafweang in oru alu paye in wangin kutena me akkoluk su tuku ke me luti kikiap a ella koluk puspus. (2 Jon 7-11; Fwakyuk 2:14-16) Ke pal inge, met Kristian paye elos kafweang ke orekma in alu lalos meyen ma inge arlana yok sripe.—1 Timote 6:20.
7. Fuka Poul el akola nu ke orekma in luti lal?
7 Orekma lasr in sulkakin peng mwo el sropon me insemwomwo. Tusruktu, kut fwin lungse in sruokye insemwomwo lasr ke orekma in luti peng mwo, kut enenu in nunku akmwoye a in akola mwo ka meet liki kut oru ma inge. Poul el akuteye ke kafweang lal in nunku yok ke met nukewa su el luti peng mwo nu se. El simusla: “Nga [oru] ma nu kemwa nu sin met nu kemwa, tu ke ma nu kemwa nga in molela kutu. A nga oru ma nu kemwa ke mwosasu, tu nga in met ipeis yurolos ka.” (1 Korint 9:22, 23) Poul el pulakin insemwomwo ke orekma lal in kasru met in akfototoyelos nu sin God. A el nunku akmwoye la fuka el ku in akfwalye ma enenu lun met su longul. Ke ma inge, el sang me akkeye nu selos a akkalemye pa ke sripe mwo in alu nu sin Jeova.
8. (a) Oiya fuka kut enenu in akkalemye nu sin met nukewa su kut luti ke ma paye? (b) Fuka orekma in lutlut Baibel yurin sie met el oru tu kut in insemwomwo ke orekma in luti lasr?
8 Orekma in luti peng mwo el yok sripe fuka nu sel Poul? El inse mulala in “kulansap” nu sin Jeova a nu selos su longul ke peng lun ma paye. (Rom 12:11; 1 Korint 9:19) Ke pal se kut eis kunokon in luti met ke Kas lun God, ke lutlut lun Baibel nu sin met ke loom selos, ke meeting lun congregation, ku ke Tukeni Lutlut lun Sou ke sie eku, ya kut nunku ke kunokon lasr nu selos su kut luti? Saap kut nunku mu orekma in lutlut Baibel yurin sie met pal nukewa el arlana upa nu sesr in oru. Paye la, oasr ma eneneyuk in eis pal su kut orekmakin nu sesr sifwana a orekmakin ma inge in kasru met puspus. Tusruktu ya ma inge tia fwal nu ke kas lun Jisus la oasr “insemwomwo in sang yok liki insemwomwo in eis”? (Orekma 20:35) Kafweang lun kais sie sesr in luti met puspus ke inkanek nu ke molela fwa ase nu sesr me insemwomwo yok liki kutena orekma saye.
9, 10. (a) Kut fwin nunku yok ke orekma lasr nu sin God, ya ma inge kalmekin la kut tia ku in oru me akengan a in insemwomwo in orekmakin pal mwomwo lasr yurin met puspus? Akuteye. (b) Mea fwa ku in kasru sie met elder tu elan me akkeye nu sin met lili a in fusrasr nu sin met lili in tuku nu yurol in sramsram nu sel?
9 Kut fwin nunku yok ke orekma lasr nu sin God tia kalme la kut tia ku in oru me akengan a in insemwomwo yurin met puspus. Jisus el akkalemye me srikasrak mwomwo ke el orekmakin pal lal ke orekma in luti peng mwo, a el orekmakin pa pal lal in mongla a asrouki nu sin met puspus in oasr fototo mwomwo lal nu selos. (Luk 5:27-29; Jon 12:1, 2) Paye la kut nunku yok ke orekma lasr nu sin God la ma inge arlana yok sripe, tusruktu ma inge tia pa kalmekin mu wanginla pal lasr in engan a israsr yurin met lili wiyesr. Fwin Jisus el tia lungse israsr a in orek kawuk nu sin met, paye la metu elos srunga in tuku nu yurol a in fototo nu sel. Tulik srisrik elos lungse pa in tuku a asrouki nu sel. (Mark 10:13-16) Kut ku in etawi fuka oiya a inkanek mwomwo lun Jisus?
10 Oasr sie brother su fwak kas inge ke sie met elder, “El orekmakin akwuk mwomwo nu sel sifwana, tusruktu el tia na tupan ku nunku ke met saye in akkalemye oiya su arlana sumwosmwos.” Ya kom akkalemye pa oiya mwomwo se inge? Fwal pa in nunku ke met puspus saye la elos e fwa akkalemye pa oiya sumwos inge. Ke sie me pupulyuk, tulik srisrik elos inse mulala in akos fwin papa a nine elos orala niyen sun a akwuk mwomwo su tulik elos ku in akpayeye a kasru tulik natulos in sun ma inge. Ke inkanek ouinge, met elder elos ku in akkeye met puspus ke congregation in orala kapkapek ke kulansap lalos nu in God, a kasrelos in akpayeye ma inge ke elos sang kas in kasru nu selos ke inkanek mwomwo in akpayeye akwuk inge. Sayen ma inge, fwin oasr nunak fwal a sumwos lun sie met elder kel sifwana, e fwa oasr oiya mwomwo lal su ku in akkeye met puspus a fusrasr nu sin met in tuku nu yurol in sramsram nu sel. (Rom 12:3) Oasr sie sister el fwak: “Nga srunga fwin oasr sie met elder el aksruksruk ke ma nukewa. Tusruktu fwin el nunku yok ke orekma lal a tia israsr pal nukewa, arlana upa metu in tuku nu yurol in sramsram nu sel.” Siepa sister el fwak la el pulakin la kutu met elder elos “arlana nunku yok ke orekma lalos paenang elos tia israsr a tia lungse in orek kawuk paenang upa metu in tuku nu yurolos.” Lela met elder nukewa elos in tia oru in wanginla insemwomwo lun met lili nukewa ke orekma in alu lalos nu sin Jeova, “God su insemwomwo.”—1 Timote 1:11.
Eis Kunokon Mwomwo Ke Congregation
11. Mea kalmen kas inge “kafweang in suk” tu lan oru orekma ke congregation?
11 Ke pal se Poul el akkeye mokul puspus ke congregation elos in kafweang in akfwalye moul lalos nu ke kunokon yok puspus, el lungselos in tia nunku in akpengpengyelos sifwana. A, el simusla nu selos: “Sie met su kafweang in suk tu lan oru orekma lun sie met liaung, el lungse sie orekma mwo.” (1 Timote 3:1, 4, NW) Mokul Kristian su “kafweang in suk” tu lan orekma oana sie met liaung elos enenu in akkeye kena yok lalos in alken a moniyuk in akfwalye oiya mwomwo lalos ke orekma nu sin God tu elos in fwal in kulansap nu sin met lili wiyelos. Fwin sie brother el baptais tari ke lusen yea se a el sun tari ma eneneyuk nu sin sie ministerial servant su akkalemyeyuk in 1 Timote 3:8-13, el ku in srusrngiyuki nu ke orekma se inge. Loang akmwoye ke kas su akkalemyeyuk in fus 8: ‘Ministerial servant elos enenu in oawi ke nunak lalos.’
12, 13. Akuteye inkanek puspus su brother fwusr eltal ku in kafweang in sun kunokon mwomwo.
12 Ya kom sie brother fwusr su baptais tari su nunku yok ke orekma in kulansap nu sin God? Oasr inkanek puspus su kom ku in akyokyelik a kafweang in sun kunokon mwomwo. Sie inkanek pa kom in akyokye pal lom in wi ke orekma in sulkakin peng mwo. Ya kom engunkin orekma in luti wi met lili puspus ke kain in matwe nukewa? Ya kom kafweang in koneak sie met su kom ku in oru lutlut lun Baibel nu se? Ke pal se kom oru lutlut Baibel nu sin met a kom orekmakin kas in kasru su kom long ke pal in meeting lun congregation, kom ku in kapkapek ke ku lom in luti. Sayen ma inge, kom fwa lotela in akkalemye pakomuta nu sin met su kom lutlut nu se ke inkanek puspus lun Jeova. Ke pal se tulik lutlut lom el mutawauk in liye a kalem ke ma eneneyuk in orala me aksumwos ke moul lal, kom fwa eis etauk la fuka kom ku in mongfusrasr in kasrel ke inkanek mwo in orekmakin akwuk mwomwo lun Baibel.
13 Komwos brother fwusr wiyesr ku in akmwesasye komwos sifwana in kasru met matu puspus ke congregation, akkalemye nu selos la komwos lungse in kasrelos ke kutu inkanek. Komwos ku in akkalemye pa insemwomwo lomwos in sang kasru in karungin Kingdom Hall lasr in nasnas pal nukewa. Ke pal se komwos sang kasru pal nukewa ke ku lomwos kewa, oiya mwomwo lomwos inge su lungse in sang kasru el me akpayeye la komwos nunku yok ke orekma lomwos nu sin God. In oana Timote, komwos fwa ku in lotela in liaung ke inse paye lomwos ma enenu puspus lun congregation.—Ridi Filippai 2:19-22.
14. Ke inkanek fuka brother fwusr elos “srikeyuk meet” fwin elos fwal nu ke kunokon mwomwo ke congregation?
14 Met elder, komwos in nunku pal nukewa in sang kain in orekma mwomwo nu sin brother fwusr elos su kafweang in “kaengla liki lung koluk lun met fwusr” a moulkin “ma sumwosmwos, lulalfongi, lungse, a misla,” wekunang oiya mwomwo puspus saye. (2 Timote 2:22) Ke met elder elos srusrngiye ku sang nu selos orekma puspus ke congregation, ma inge ku in “srikeyuk meet” fwin elos fwal in oru kunokon mwomwo, a elos in oru “kapkapek lalos in kalem nu sin met e nukewa.”—1 Timote 3:10; 4:15.
Kom Akkalemye Fuka la Kom Nunku la Arlana Yok Sripe Congregation a Sou lom
15. In fwal nu ke 1 Timote 5:1, 2, fuka kut ku in akkalemye nunak mwo a oawi nu sin met puspus?
15 Kut fwin nunku yok ke orekma in kulansap lasr nu sin God la ma inge arlana yok sripe, oasr ma eneneyuk nu sesr in akkalemye pa sunak nu sin met lili wiyesr nukewa. Paul el sang kas in kasru nu sel Timote, a el akkalemye ke ma eneneyuk in akkalemye sunak nu sin met puspus saye. (Ridi 1 Timote 5:1, 2.) Ma inge arlana yok sripe ke oiya su kut akkalemye nu sin mokul ku mutan saye. Me srikasrak lal Job in akkalemye sunak nu sin mutan puspus, yokna nu sin mutan kiyel, arlana yok sripe kut in etawi. El kafweang yok in tia ngetnget nu sin mutan saye a el tia nunak koluk nu selos. (Job 31:1) Kut fwin nunku ke brother a sister wiyesr la elos yok sripe ma inge oru kut in tia orek fung ku kato nu selos, ku oru kutena ma su ku in oralos in tia engun ke elos asrouki yurosr. Kafweang in akkalemye sunak arlana yok sripe nu sin mokul a mutan su oasr fototo mwomwo lalos a akola in payuk. Sie met Kristian su oasr nunak mwomwo lal el tia aklukukye kutena met, ku oru sie met in nunku mu oasr lungse lal nu sel.—Soakas 12:22.
16. Akkalemye ma tia oana sie ke nunak lun kutu met lun fwalu ke kunokon lun sie mokul payuk a papa tuma a ke ma Baibel el akkalemye ka.
16 Kut enenu in arlana paye in sruokye sie nunak mwo a oawi ke kunokon lasr ke sou. Met puspus ke fwal lal Setan elos aklusrongtenye kunokon lun sie mokul payuk a lun sie papa. Petsa mukuikui ku movie a program puspus ke TV akkalemye pal nukewa oiya tia mwo su wangin sunak nu sin mokul a sifwen sou. Tusruktu, ma Simusla el akkalemye ke kunokon yok lun mokul payuk la el pa “sifwen mutan kiyel.”—Efesus 5:23; 1 Korint 11:3.
17. Akuteye la fuka akesrui lasr nu ke tukeni lutlut lun sou ku in akkalemye la kut nunku ke kunokon lasr la ma inge arlana yok sripe.
17 Sie mokul payuk el enenu in sang ma enenu lun sou lal ke me mongo, nuknuk a loom. Tusruktu fwin el tia sang kasru nu sin sou lal elos in fototo nu sin God, el akkalemye la wangin nunak mwomwo a lalmetmet yurol. (Duteronomi 6:6, 7) Ke ma inge, 1 Timote 3:4 el akkalemye la fwin kom pa sifwen sou a kom kafweang in sun kunokon puspus ke congregation, kom enenu in akpayeye la kom sie “su leum mwo fwin met in loom sum sifwana a oru tu tulik natum in akos wi oawi nu kemwa.” Ke ma inge, siyuk sum sifwana, ‘Ya nga orekmakin pal nu ke tukeni lutlut lun sou luk? Kutu sin mutan Kristian elos siyuk mokul tumalos pal nukewa in kol sou lalos ke orekma in alu nu sin God. Mokul payuk nukewa elos enenu in tuni akmwoye nu ke nunak lalos sifwana ke kunokon lalos inge. Paye la, sie mutan Kristian su payuk tari el enenu in sang kasru nu ke akwuk ke Tukeni Lutlut lun Sou a el enenu in akesrui nu sin mokul tumal elos in eis me insemwomwo yok ka.
18. Fuka tulik srisrik elos ku in lotela in nunku ke ma yok sripe puspus ke moul?
18 Oasr pa kas in akkeye mwomwo nu sin tulik elos in nunku yok ke ma yok sripe nukewa ke moul. (Ekklisiastis 12:1) Wangin me sensen a tia koluk nu sin tulik srisrik fwin elos lotela in oru orekma upa, ke elos oru orekma puspus ke loom su elos ku in oru fwal nu ke matwelos. (Eoksra 3:27) Ke pal se Togusra Devid el srakna tulik srisrik, el lotela orekma lun sie met liaung kosro. El lotela pa in ekla sie met on a met sim lun on, oiyen sumat lal inge in yuk on a in sim oru elan ku in kulansap ye mutun met kol lun Israel. (1 Samuel 16:11, 12, 18-21) Wangin alolo ka la, oana sie mokul fwusr Devid el etu pa a el lungse in sritel pal puspus, tusruktu el lotela pa kain in orekma mwomwo su el orekmakin ke pal toku in sang kaksak nu sin Jeova. Oiya mwomwo lal oana sie met seperd mwomwo el kasrel in mongfusrasr in kol mutunfwal lun Israel. Komwos met fwusr, orekma mwomwo ekasr komwos lotela tari, a komwos ku in oru ke inkanek mwo a ituftuf, su ku in kasre komwos in kulansapu God su orekomla a akoekomla nu ke kunokon mwomwo puspus ke pal fwasru?
Akkalemye Nunak Mwomwo a Fwal Pal Nukewa
19, 20. Oiya mwomwo fuka kom lungse na paye in sruokye nu sum sifwana a ke orekma in alu lom nu sin God?
19 Kut nukewa ku in kafweang in sruokye nunak mwo a fwal kesr sifwana, a in tia nunku kesr sifwana alukela ma fwal. Kut tia lungse in ekla met su “sumwosmwos yok liki ma fwal.” (Ekklisiastis 7:16) Kutu pal mwo kut fwin orek aksruksruk mwomwo in akenganye met, ke loom sesr, ke niyen orekma, ku ke pal se kut sramsram nu sin met Kristian wiyesr. Met in sou nukewa elos enenu in tia arlana liye ma koluk ku ma tafongla mukena lun kais sie selos, in tia kunausla misla lun sou. Ke congregation, met nukewa ku in lotela in israsr a engan yurin sie sin sie, a kafweang in oru sramsram lasr a inkanek lasr in luti in oasr me akkeye yok ka su ku in musai lulalfongi lun sie sin sie.—2 Korint 13:10; Efesus 4:29.
20 Kut moul ke sie fwal su metu elos tia aksaokye Jeova a masap lal. Ke oiya saye, met kulansap lun Jeova elos nunku yok ke akosten a oaru lalos nu sin God lalos. Sie me insemwomwo yok in wi ke u lulap sin met su alu nu sin Jeova su nunku ka oana sie ma na yok sripe! Lela kut in akpayeye sulela lasr in sruokye nunak mwomwo ke moul lasr a ke alu lasr la ma inge arlana yok sripe.
Kom E Topuk Fuka?
• Efu kut enenu in lain nunak lun fwalu su tia arlana nunku ke moul la ma inge yok sripe?
• Fuka kut ku in engan pal nukewa ke orekma lasr in sulkakin a in luti peng mwo, tusruktu kut nunku ka oana ma na yok sripe se?
• Fuka nunak lasr in oru kunokon mwomwo akkalemye la kut nunku ke ma puspus la arlana yok sripe ku kut tia?
• Akuteye efu ku orekma lasr in akkalemye sunak nu sin met lili wiyesr a nu sin met in sou lasr el sie ma su arlana yok sripe.
[Petsac ke sra 6]
Sie mokul payuk el enenu in sang ma enenu lun sou lal oana ke me mongo, nuknuk, loom, a ke me kasru in akmwoye fototo lalos nu sin God