Mea Nunak Lun God ke Alcohol?

GOD lasr su orekutla, el lungse ma mwo emeet nu sesr, a el tia fwak mu koluk in orekmakin kutu srisrik wain.a A, el sang nu sin met “wain su akinsemwomwoyel, a olive oil su oru elan engun, a bred su akkeyel.” (Sam 104:15, Today’s English Version) Ke sie pal, Jisus Kraist el sang kasru in akinsemwomwoye metu ke sie kufwa ke marut ke el ekulla kof nu ke “wain mwo emeet.”​—Jon 2:3-10, New Jerusalem Bible.

Arlana mwo in nunku ka la God su Orekutla el etu na paye la fuka alcohol ku in akkolukye orekma lun manosr a nunak lasr. In Baibel, Papa tumasr in kosrao el ‘luti kut in akinsemwomwoye kut sifwana,’ a el akkalemye kas in sensen nu sesr ke orekmakinyen me nimnim alukela ma fwal. (Isaia 48:17) Loang akmwoye nu ke kas in sensen inge:

“A komwos in tia srui ke wain, ke kain in nimnim, me nimnim ku.” (Efesus 5:18) “Met srui . . . fwa tia eis usru lalos in togusrai lun God.” (1 Korint 6:9-11, Jerusalem Bible) Kas lun God el lain “srui, parti su arlana mwomwon, a ma ouinge” nukewa.​—Galetia 5:19-21, Byington.

Lela kut in akuteye ingena kutu me sensen su tuku ke nimnim wain alukela ma fwal.

Me Sensen Puspus su Tuku ke Nimnim Wain Alukela Ma Fwal

Fwinne oasr kutu ma mwo ke alcohol, tusruktu oasr ka kain in ingredients ku ono su ku in ekulla orekma lun nunak a mano. Fwin orekmakin alukela ma fwal ma inge ku in orala ma upa puspus oana ma akkalemyeyuk toko:

Met su nimnim alukela ma fwal akkolukye kuiyen nunak lalos in oru sulela, ke ma inge el ‘tia ku in orekmakin nunak lal ke inkanek mwo.’ (Soakas 23:33, TEV) Allen mokul se ma lungse in nim wain alukela ma fwal, su akkalemyeyuk ke mutaweyen me lutlut se inge, el fwak: “Nimnim wain alukela ma fwal el sie mas upa nu ke mano; a mas upa pa lun nunak a ella ku oiya. Kom tia nunku mu oasr ma upa kom oru nu sin met puspus saye.”

Nimnim wain alukela ma fwal ku in oru sie met in tia sangeng a tia mwekin. Ma Simusla el akkalemye kas in sensen inge: “Wain a wain sasu eisla etauk.” (Hosia 4:11) Ke inkanek fuka? Ke kain in nunak lasr a ma puspus su kut tia oru pal nukewa meyen tia mwo, tusruktu fwin kut sruila ke wain kut fwa mutawauk in oru ma tia mwo inge. Sulela mwomwo lasr in kafweang in oru ma mwomwo ku in munasla. Me nimnim wain ku in akmunasye nunak lasr a sulela lasr in oru ma mwo, a ku in kunausla lulalfongi a fototo lasr nu sin God.

Ke sie me pupulyuk, Jon el akukuin nu sin mutan kiyel a ke sripen el mulat a toasr el som nu ke bar. El numla tari kutu glass in wain in akwanginyela mulat lal ke pal se oasr sie mutan su tuku nu yurol. Tokin el sifwilpa numla kutupa wain, Jon a mutan se inge elos som liki bar a orek kosro. Tokin ma inge, Jon el auliyuk ke ma el orala a el funu tia srui el fwa tia nunku in oru ma inge.

Nimnim wain alukela ma fwal el ku pa in oru sie met in kaskas tia nunkela a oru ma tia mwo. “Su oasr ongoiye yuro? Su oasr akukuin a amei yuro?” Baibel el siyuk. “Elos su muta pat ke wain, a arlana lungse in nim siepa glass in wain.” (Soakas 23:29, 30, Contemporary English Version) Nimnim alukela ma fwal el ku in oru kom in “pulakin mu kom oana oasr infulwen mwea, srui, ku oana kom onnu fwin mangon koesu” tikulwot tikulma. (Soakas 23:34, TEV) Sie met su numla wain alukela ma fwal el ku in ngetalik a “manol nufon oasr kinet ka, a el tia etu la ma inge sikyak fuka.”​—Soakas 23:35, CEV.

Nimnim alukela ma fwal ku in kunausla mano fokoko. “Ke safla [wain] el ngalis oana soko serpent, a el poison oana soko viper.” (Soakas 23:32, New International Version) Akwuk lun science ke ono in pal inge el sang me akpayeye la paye soakas inge in pal meeta. Lupan wain yok el ku in orala poison luen monin met su ku in oru kain in mas upa puspus su pangpang cancer, hepatitis, cancer ke liver, cancer ke pancreas, srikeni ku putatla ke suka ke sran met su oasr diabetes, ku in akkolukye tulik srisrik su soenna isusla, mas matoltol, ku musen heart. A fwinne orek ke pal sefwanna, nimnim wain alukela ma fwal ku in oru sie met in tia ngetalik, ku in mise. Fwako koluk emeet lun nimnim wain alukela ma fwal el tia nu ke monin sie met mukena, tusruktu nu ke ma saye pa.

Me Sensen Puspus su Tuku ke Nimnim Wain Alukela Ma Fwal

Fwinne sie met el tia srui ke wain, tusruktu nimnim alukela ma fwal orala me sensen nu ke fototo nu sin God. Baibel el akkalemye kalem: “We nu selos su toang tukakek ke lututang, tu elos fwa ku in fwasr tokin me nim ku, su muta pat in fong, nu ke pal wainu fulokolos!” Efu ku ouinge? Isaia el akuteye ke fwako koluk lun nimnim alukela ma fwal nu ke fototo lun sie met nu sin God: “A elos tia liaung orekma lun Jeova, ku nunku ke orekma lun paul.”​—Isaia 5:11, 12.

Kas lun God el kaifwe kut in tia “muta inmasrlon met nim wain.” (Soakas 23:20) Mutan matou elos sensenkinyuk in tia “met srui ke wain.” (Taitus 2:3) Efu? Meyen metu mutawauk in akyokye lupan wain su elos numla kais kutu srisrik. Tia pat, met nimnim el ku in “onnu a siyuk, ‘Ngea lututang e tuku, tu nga ku in sifwil nim kutupa wain?’” (Soakas 23:35, CEV) Met nimnim elos orekmakin me kasru su tia mwo, ke elos suk ke sie glass in wain ke lututang in akmwoyela pulakin koluk ke sripen nimnim alukela ke fong se meeta.

Baibel el akkalemye kas in sensen nu selos su “nim wain, srui, wowon . . . a fwa sifwana fwakak oiyelos nu sel su akola tari in nununku met moul a met mise.” (1 Piter 4:3, 5) A Jisus el akkalemye ke kas in sensen nu sesr su oasr tari ke pal tia mwo inge: “Komwos in sifwana sismouk, saap insiomwos sesesla ke oasras, a srui, a nunkala lun fwal se inge, a len [lun Jeova] sa tuku nu fwomwos oana sie me kaisrip.”​—Luk 21:34, 35.

Na mea met nimnim wain alukela ma fwal elos ku in oru in tia ‘sesesla ke ma upa puspus ke sripen nim wain yok’?

[Footnote]

[Siasing el ngar er a page 4]

Orekmakin wain alukela ma fwal ku in kol nu ke ma upa puspus