Jeova El Aksaokye Akosten Lom

“Mwen nutik, kom in lalmetmet, a akengunye insiuk.”​—SOAKAS 27:11.

1. Kain in ngun ku oiya fuka oasr yurin met puspus ke pal inge?

SIE OIYEN moul sukosok a seakos fwasrelik fwin fwalu misenge. Met sap Poul el akuteye la efu ke leta lal nu sin met Kristian in an Efesus: “In su komwos fwufwasryesr meet ke fwasr tokin inkanek lun fwal se inge, fwal nu ke leum in ku lun engyengu, ngun se su orekma inge in mwen nutin seakos.” (Efesus 2:1, 2) Aok, Setan su Devil, “leum in ku lun engyengu,” saap kom fwa fwak la, el akkolukye fwalu nufon ke ngun lun seakos. El oru ma inge ke century se meet, a el oru ma inge ke inkanek yok mutamwauk ke el sisila liki in kosrao ke pal se Meun Lulap I orek.​—Fwakyuk 12:9.

2, 3. Mea sripe puspus su oasr yurosr in akos Jeova?

² Tusruktu, in oana met Kristian, kut etu la Jeova God el fwal nu sesr in aksol ke insiyesr nufon meyen el pa Met Orekutla, Met Sang moul nu sesr, Met Fulatlanu a kulang, a Met in Molela lasr. (Sam 148:5, 6; Orekma 4:24; Kolosse 1:13; Fwakyuk 4:11) Met Israel in len lal Moses elos etu la Jeova pa Met in Sang Moul lalos a Met in Molela lalos. Ke ma inge, Moses el fwak nu selos: “Komwos fwa liaung in oru oana Jeova God lomwos el sapkin nu sumwos.” (Duteronomi 5:32) Aok, Jeova el arulana fwal nu selos in aksol. Tusruktu, elos sa in seakos God lalos.

³ Fuka yok sripaiyen akosten lasr nu sin Met Orala kosrao a fwalu? Oasr pal se God el sapkin met palu Samuel lan fwakak nu sel Togusra Soul: “Akos mwo liki kise.” (1 Samuel 15:22, 23) Efu ku ou inge?

Fuka Akosten el “Mwo Liki Me Kise”

4. Ke oiya fuka kut ku in sang kutu ma nu sin Jeova?

⁴ Ke sripen el pa Met Orala Ma Nukewa, paenang ma nukewa su oasr yurosr ma lun Jeova. Fwin oinge, ya oasr kutena ma su kut ku in sang nu sel? Aok, kut ku in sang nu sel kutu ma su arulana saok. Mea ma se inge? Kut ku in eis me top nu ke kas in kai inge: “Mwen nutik, kom in lalmetmet, a akengunye insiuk, tu nga fwa ku in topkul su angon yu.” (Soakas 27:11) Kut ku in sang nu sin God akosten lasr. Fwinne luma puspus ke moul lasr a sruf ku fasin lasr tia oana sie, tusruktu in akkalemye akosten, kais sie sesr ku in sang me top nu ke me fwakak koluk inge lal Setan su Devil in fwak mu metu fwa tia sruokye oaru lalos nu sin God ye me srifwe puspus. Sie kunokon na mwomwo pa inge nu sesr in akpayeye oaru lasr!

5. Fuka seakos el ku in akasorye a akngalye Met Orala Ma Nukewa? Sang me pupulyuk.

⁵ God el insemwomwokin sulela su kut oru. Kut fwin seakos, ma inge akasoryel. Fuka? El pulakin asor yok ku ngal in liye fwin kutena met el oru kutena kain in inkanek lalfon. (Sam 78:40, 41) Lela kut in lumala nu sin sie met su musen sugar el fwin tia akos akwuk nu ke mongo mwomwo su sapkinyuk in sang kasru nu sel a el tafwela in kang na mongo su koluk nu sel. Fuka pulakin lun taktu su karunganul? Kut ku in lulalfongi la Jeova el pulakin asor ku ngal fwin metu tia aksol, meyen el etu ke fwako koluk fwin pulesreyuk ma el sapkin nu ke moul.

6. Mea fwa kasre kut in oru akosten lasr nu sin God?

⁶ Mea fwa kasru kais sie sesr in akosten? Arulana fwal nu sin kais sie sesr in siyuk sin God ke “sie inse su lungse in akos,” oana ma Togusra Solomon el oru. El siyuk ke kain in inse inge tu el fwa ku in “akilen in masrlon ma mwo a ma koluk” tu in oru nununku sumwos nu sin met Israel wiyel. (1 Togusra 3:9, NW) Kut enenu “sie inse su lungse in akos” kut fwin lungse in akilen in masrlon ma mwo a ma koluk ke sie fwal su tingtingi ke ngun lun seakos. God el use nu sesr Kas lal, me rid puspus su tuku ke Baibel, meeting nukewa lun met Kristian, a met elder nukewa ke congregation su nunku kesr a karungin kut tu kut fwa ku in akkeye ku akyokye “sie inse su lungse in akos.” Ya kut orekmakin mwo kain in me kasru inge nukewa ke kulang?

7. Efu ku Jeova el akkalemye la akosten el yok liki me kise?

⁷ Ke ma inge, esam la in pal meeta, Jeova el akkalemye nu sin met lal in pal meeta la akosten el yok sripe liki me kise ke kosro. (Soakas 21:3, 27; Hosia 6:6; Mattu 12:7) Efu ku ou inge, ya tia Jeova pa sapkin nu sin met lal in kisekin kain in me kise puspus? Ke ma inge, mea nunak su oasr yurin sie met su sang me kise? Ya el oru ma inge in akinsemwomwoye God? Ku el oru na ma inge ukwe kutu akwuk in alu su enenu in orek? Fwin sie met su alu nu sin God el lungse na paye in akinsemwomwoyel, el enenu in karungin na paye in akos masap nukewa lun God. God el tia enenu me kise ke kosro, tusruktu akosten lasr pa sie ma su arulana yok sripe su kut ku in sang nu sel.

Sie Me Srikasrak nu ke Kas In Sensen

8. Efu ku tula lukel Soul me insemwomwo lun God nu sel in oana sie togusra?

⁸ Ma simusla lun Baibel kel Togusra Soul el akkalemye ke yok sripaiyen akosten. Soul el mutamwauk kolyuk lal oana sie met kol pusisel a fwokpap, el ‘pusisel ye mutal sifwana.’ Tusruktu, tok, el akkalemye oiyen insefulat a nunak tia sumwos el mutamwauk in kufusla sulela lal nukewa. (1 Samuel 10:21, 22; 15:17) Ke sie pal, Soul el enenu in osun nu sin met Filistia puspus ke meun. Samuel el fwak nu sin togusra in sanel in tuku oru in kisekin me kise nu sin Jeova a sang nu sel Soul kutupa kas in kolyuk. Tusruktu, Samuel el tia tuku ke pal se el nunku ka ku tupan ka, a metu elos mutamwauk in fwasrelik. In liye ma inge, Soul el “kisekin me kise furur.” Ma inge tia akinsemwomwoye Jeova. Ke Samuel el tuku, togusra inge el fwakak ke sripen seakos lal sifwana, fwakang la ke sripen Samuel el patla, el ‘akkeyel sifwana’ in kisekin me kise furur in eis me insemwomwo lun Jeova. Nu sin Togusra Soul, in kisekin me kise inge el yok sripe liki in akos kas in kolyuk su el eis in sanel Samuel in oru me kise inge. Samuel el fwak nu sel: “Kom oru ma lalfon. Kom tia liaung masap lun Jeova God lom, su el sapkin nu sum.” Ke sripen seakos lal, paenang tula lukel Soul me insemwomwo lun Jeova nu sel in oana sie togusra.​—1 Samuel 10:8; 13:5-13.

9. Fuka Soul el akkalemye sie me srikasrak nu ke oiya lun seakos God?

⁹ Ya togusra el lotela sie me lutlut ke ma sikyuk inge? Mo! Tok, Jeova el sapkin nu sel Soul in kunausla mutanfwal lun Amelek, su meet liki pal san elos orek meun nu sin met Israel fwinne met Israel elos tia orek me purakak in lainelos. Soul el tia enenu in molela kosro puspus natulos. El akos ke el “uniye met Amelek, Havila me nu ke inkanek nu Shur.” Ke Samuel el tuku in sonol, togusra el arulana engun ke kutangla lal a fwak: “Jeova lan akinsemwomwoye kom. Nga akos tari masap lun Jeova.” Tusruktu, tia oana sie nu ke masap kalem su elos eis, Soul a met lal elos tia uniye Togusra Agag a “ma mwolana sin sipu, a kao, a ma fat, a sip fwusr, a ma nu kemwa su mwo.” Togusra Soul el akkalemye sripe ke inkanek in seakos lal ke el fwak: “Metu liaung ma mwolana sin sipu, a sin kao, in kisekin nu sin Jeova God lom.”​—1 Samuel 15:1-15.

10. Me lutlut fuka Soul el tia lotela?

¹⁰ Ke sripe inge, Samuel el fwak nu sel Soul: “Ya Jeova el insemwomwo ke me kise furur a me kise, oana ke akos pusren Jeova? Liye! Akos mwo liki kise, a porongo mwo liki fat in sip mokul.” (1 Samuel 15:22) Ke sripen Jeova el akkalemye tari la el lungse kosro inge nukewa in kunanela, elos tia mwo a fwal in kisekinyuk oana me kise.

Akos in Ma Nukewa

11, 12. (a) Fuka nunak lun Jeova ke kafweang lasr in akinsemwomwoyel ke alu lasr? (b) Fuka sie met el ku in sifwana kiapella in nunku mu el oru ma lungse lun God tusruktu ke ma paye el seakos?

¹¹ Ma akinsemwomwoye Jeova pa in liye met kulansap oaru nukewa lal in tu na ku fwinne oasr me kalyai, sulkakinelik Togusrai fwinne met puspus elos tia akkalemye insemwomwo ka ku akkalemye srunga, a in wi meeting nukewa lun met Kristian fwinne elos pulakin ma upa in suk ma enenu lun moul! Akosten lasr nu ke kain in orekma inge nukewa in kulansap nu sin God oru insiel in engun! Kafweang nukewa lasr in alu nu sin Jeova el arulana saok nu sel fwin orek ke lungse. Metu elos tia etu ku akilen kafweang yok lasr, tusruktu God el loang nu ke me kise su tuku ke insiesr a esam ma inge nukewa.​—Mattu 6:4.

¹² Tusruktu, in akinsemwomwoye na paye God lasr, kut enenu in akos inkanek nukewa lun moul lasr. Kut tia enenu in kiapekutla sifwana in nunku mu kut ku in oru kutena kain in inkanek sukosok in tia arlanu akos masap lun God ke kut oru orekma in alu lasr nu sel ke kutu oiya lun moul. Ke sie me pupulyuk, saap sie met el sifwana kiapella in nunku mu fwin el oru kutu akwuk in orek alu nu sin God, el ku in kaengkunla nununku nu ke orekma lun kosro ku in oru kutupa orekma koluk upa saye. Sie nunak tafongla yok na paye pa inge!​—Galetia 6:7, 8.

13. Fwin mukelana muta, fuka oiyen akosten lasr nu sin Jeova ku in srifweyuk ku srikeyuk?

¹³ Ke ma inge, kut ku in siyuk sesr sifwana, ‘Ya Nga akos Jeova ke orekma luk len nukewa, fwinne ke orekma puspus luk ke Nga mukelanu muta?’ Jisus el akkalemye: “El su oaru ke ma srisrik el oaru pa ke ma lulap; a el su sesumwos ke ma srisrik el sesumwos pa ke ma lulap.” (Luk 16:10) Ya kut ‘fwufwasryesr ke oaru lun insiesr,’ fwinne ke ‘luen loom sesr,’ su met puspus tia liye? (Sam 101:2, NW) Paye, ke kut oasr ke loom, oaru lasr ku in srikeyuk. Ke an puspus oasr computer lun met puspus luen loom selos, petsa fokfok el arulana fusrasr in liyeyuk we. Ke kutu yea somla, sie met el koflana liye kain in petsa inge fwin el tia som nu ke yen se ma akkalemye me akengun fokfok we. Ya kut akos in filiye ke insiesr kas lun Jisus inge: “Kutena met su ngetang nu sin mutan se in lungse fwasr nu yurol, el tufwana orek kosro yurol insiel?” Aok, ya kut srunga pa in liye ke petsa fokfok? (Mattu 5:28; Job 31:1, 9, 10; Sam 119:37; Soakas 6:24, 25; Efesus 5:3-5) A fuka program puspus ke TV su akkalemye orekma sulallel ka? Ya nunak lasr oana nunak lun God, su el ‘srunga kutena met su lungse sulallel’? (Sam 11:5) A fuka nu ke orekmakinyen alcohol alukela ma fwal fwin kut mukelanu muta? Baibel el selngawi srui ku nimnim alukela ma fwal, tusruktu ma inge sang pa kas in sensen nu sin met Kristian in tia nimnim pal nukewa “met srui ke wain.”​—Taitus 2:3; Luk 21:34, 35; 1 Timote 3:3.

14. Mea kutu inkanek su kut ku in akkalemye akosten lasr nu sin God ke mani?

¹⁴ Siepa an su kut enenu in loang akmwoye nu ka pa in kuranganang orekmakinyen mani. Ke sie me pupulyuk, ya kom fwa wi ke sie akwuk in suk mani lulap tusruktu kom srike in orekmakin inkanek kikiap ku kiapela kutu met, ya kom ku in oru ma inge? Ya kut srifweyuk in orekmakin inkanek su tia fwal tu kom in tia moli takma? Ku, ya kut nunku yok in akos masap inge in “sang nu sin met nukewa ma fwal nu selos, takma nu selos su fwal in eis takma”?​—Rom 13:7.

Akosten Su Tuku Ke Lungse

15. Efu ku kom akos masap lun Jeova?

¹⁵ Akosten nu ke masap mwomwo use me insemwomwo puspus. Ke sie me pupulyuk, in fwasr liki orekmakinyen tobacco, in moulkin moul nasnas, a in sunakin mutaliyen sra, kut ku in karungin kut liki kutena kain in mas puspus. In wekunang ma inge, in moul fwal nu ke ma paye lun Baibel ke kutu oiya lun moul, kut ku in eis me insemwomwo yok ke akwuk lun moul, me enenu nu ke asrouki nu sin met, ku ke inkanek lun sou. (Isaia 48:17) Kutena kain in ma lane puspus inge su liyeyuk ku in nunkeyuk oana me insemwomwo puspus su sang me akpayeye nu ke mwoiyen masap lun God. Tusruktu, sripe se su yok emeet kut akos Jeova pa kut lungse el. Kut tia kulansapu God ke sripen rapku. (Job 1:9-11; 2:4, 5) God el ase nu sesr sukosok in oru sulela su kut lungse. Kut sulela in akos Jeova meyen kut lungse in akinsemwomwoyel a ke sripen kut suk in oru ma sumwos.​—Rom 6:16, 17; 1 Jon 5:3.

16, 17. (a) Fuka Jisus el akkalemye akosten nu sin God ke sripen lungse paye lal? (b) Fuka kut ku in etawi Jisus?

¹⁶ Jisus el akkalemye me srikasrak mwomwo nu ke akosyen Jeova ke sripen lungse paye lal nu Sel. (Jon 8:28, 29) Ke pal el oasr fwin fwalu, Jisus el “lutlut in akos ke ma el keok ka.” (Hibru 5:8, 9) Fuka? Jisus “el sifwana akpusiselyel, a el akos nu ke mise, aok, mise lun sak soko.” (Filippai 2:7, 8, NW) Fwinne Jisus el akkalemye tari akosten lal in kosrao, akosten lal srikeyuk yok fwin fwalu. Kut ku in lulalfongi na paye la Jisus el fwal na paye ke inkanek nukewa in oru kulansap lal oana Met Tol Fulat nu sin met lili wiyel in ngun wekunang nu sin met puspus saye su lulalfongi.​—Hibru 4:15; 1 Jon 2:1, 2.

¹⁷ A fuka kut? Kut ku in etawi Jisus in akos ma lungse lun God pa ma yok sripe emeet ke moul lal. (1 Piter 2:21) Kut ku in koneak me insemwomwo nu sesr sifwana fwin lungse lasr nu sin God mokle kut in oru ma Jeova el sapkin, fwinne kutu pal kut srifweyuk in oru ma saye. (Rom 7:18-20) Wekunang ma inge pa insemwomwo lasr in akos inkanek in kolyuk su tuku sin met kol lasr ke alu paye, fwinne elos met sesumwos. (Hibru 13:17) Akosten lasr nu ke masap sumwos nu ke moul lasr fwin kut mukelana muta el arulana saok ye mutan Jeova.

18, 19. Mea fwako puspus lun akosten lasr ke inse kemwa nu sin God?

¹⁸ Ke pal inge, akosten lasr nu sin Jeova ku in wekunang pa in muteng nu ke me kalyai in sruokye na oaru lasr. (Orekma 5:29) Ouyepa, akosten lasr nu ke masap lun Jeova in sulkakin a oru orekma in luti su eneneyuk nu sesr in muteng nu ke saflaiyen akwuk lun ma puspus lun fwal se inge. (Mattu 24:13, 14; 28:19, 20) Kut enenu in muteng a in tafwela wi tukeni nu sie sin sie yurin met lili wiyesr, fwinne kut ku in pulakin ma upa yok puspus ke fwalu. God lasr su kulang el etu na paye kafweang nukewa lasr in akos nu ke kain in inkanek nukewa inge. Tusruktu, in akos na paye, kut enenu in kafweang in kutangla kena koluk lun ikwe nukewa a in forla liki ma koluk nukewa a in akyokye lungse nu ke ma mwo nukewa.​—Rom 12:9.

¹⁹ Kut fwin kulansap nu sin Jeova ke sripen lungse a inse paye lasr su lungse in sang kulo, paenang “[nu sesr] el met sang moul nu selos su sokol.” (Hibru 11:6) Me kise mwo a fwal eneneyuk a arulana mwo, tusruktu akosten ke inkanek nukewa ke sripen lungse nu sin Jeova akinsemwomwoyel yok.​—Soakas 3:1, 2.

Kom E Topuk Fuka?

• Efu ku kut ku in fwak la oasr ma kut ku in sang nu sin Jeova?

• Ma koluk fuka Soul el orala?

• Fuka kom ku in akkalemye la kom lulalfongi la akosten el mwo liki me kise?

• Mea mokle ku akkeye kom in akos Jeova?

[Picture on page 28]

Fuka pulakin lun taktu se su karungin sie met mas fwin el pulesru kas in kasru lal?

[Picture on page 29]

Efu ku orekma lun Togusra Soul el oru Jeova in tia insemwomwo nu sel?

[Pictures on page 30]

Ya kom akos masap lun God fwinne ke pal se kom mukelanu muta in loom sum?