Met ‘Kulansap Oaru’ Elos Kutangla Me Srike Lalos!

“Tu pal se inge pal in nununku matamwauk in loom sin God.”​—1 Piter 4:17.

1. Mea Jesus el koneak ke el srike “met kulansap”?

KE len in Pentecost 33 C.E., Jesus el srusrngiye “met kulansap” in sang me mongo ke pal fwal. In yea 1914, Jesus el ekla togusra, na tok pa inge pal el tuni met kulansap inge. Yok akilenye ke el koneak la pus sin met kulansap inge elos akkalemyelos sifwanu mu elos “met kulansap oaru a lalmetmet.” Oinge, el pakelosi in “kuranganang ma lal nu kemwa.” (Mattu 24:45-47) Tusruktu, oasr pa met kulansap koluk, su seoaru a ouyepa tia lalmetmet.

“Met Kulansap Koluk”

2, 3. “Met kulansap koluk” el tuku ya me, a fuka matamweyalos?

² Jisus el akketeye ke met kulansap koluk inge tokin el akkalemye met kulansap oaru a lalmetmet. El fwak: “A met kulansap koluk se fwin fwak insiel, ‘Leum luk patlanu in tuku,’ a el matamwauk in uni met kulansap wiyel a fwa mongo a nim yurin met srui, leum lun met kulansap sa fwa tuku in sie len, ke el tia tawi, a in aur se ke el tia etu, a fwa akkeokyel a esalang nu sin met mwosounkas. A fwa aosr tung a ngorngor in mwus we.” (Mattu 24:48-51) Kas se inge “met kulansap koluk se” el akkalemye nu sesr kalmeyen kas lun Jesus nu sin met kulansap oaru a lalmetmet. Aok, “met kulansap koluk“ elos wi ke u lun met kulansap oaru ke matamwauk.a Fuka?

³ Meet liki 1914, pus sin met ke u lun met kulansap oaru elos oasr ke lalalfongi fukoko lalos mu elos ku in osun nu sin mokul pusla in kosrao ke yea se inge, tusruktu fwinsrak lalos tiana akpayeyuk. Fwokin ma inge pa pus sin met inge elos inse toasr, kutu sin met inge elos arlana asor. Kutu sin met inge elos ‘uni’ met kulansap wiyelos meet ke kaskas a elos asrouki wi “met srui,” ke alu puspis lun Christendom.​—Isaia 28:1-3; 32:6.

4. Fuka Jesus el oru akmwuk lal nu sin “met kulansap koluk” a nu selos nu kemwa su akkalemye kain in ngun inge?

⁴ Met Kristian inge akilenyuk oana “met kulansap koluk” a Jesus el sang kai nu selos “wi me fosrnga lulap.” Ke inkanek fuka? El siselosla, a wanginla fwinsrak lalos in kosrao. Tusruktu elos tia kanausyukla in pal sa. Elos enenu in muteng me keok ke pal su lumeyuk oana tung a ngangorngor in mwus we “nu in an los liki losu” sayen Kristian congregation. (Mattu 8:12) In pal meeta fwasru, kutu sin met akmusrala inge elos akkalemye oiyen nunak lun ngun koluk, in akilenyelos sifwanu oana “met kulansap koluk.” Kutu sin “sip ngie” elos fwasr tokin akmwuk lalos. (John 10:16) Met lokwalok nu kemwa lun Kraist elos sun kain in luma oinge ke ma lun ngun su elos “losla liki losu.”

5. Fuka orekma lun met kulansap oaru a lalmetmet, fwin tuniyuk sin “met kulansap koluk”?

⁵ Oinge, met kulansap oaru a lalmetmet elos sun pa me keok oanu “met kulansap koluk” inge. Fwinne oasr me keok sonolos, elos srike in aksumwosye nunak lalos. (2 Korint 13:11) Lungse lalos nu sin Jeova a nu sin met lili wiyelos akkeyeyuk. Fwokin ma inge pa, elos ekla “sru a pelung nu ke ma paye” ke pal in ma upa inge sikyuk ke “len safla.”​—1 Timote 3:15; 2 Timote 3:1.

Virgin Lalmetmet a Lalfon

6. (a) Fuka Jesus el akkalemye sulela lun met kulansap oaru? (b) Meet liki 1914, kain in peng fuka met Kristian akmusrala elos fwakak?

⁶ Tokin el sramsramkin “met kulansap koluk,” Jesus el srukak pa me pupulyuk luo in sang akkalemye la efu ku kutu sin Kristian akmusrala elos akkalemye la elos oaru a lalmetmet a kutu tia.b In akkalemye la efu ku ma inge tiana oana sie, el fwak: “Na togusrai in kosrao fwa oana mutan virgin siengoul su eis lam lalos a illa in sun met pusla. A limekosr selos lalfon, a limekosr lalmetmet. Tu elos su lalfon ke elos eis lam lalos elos tia wis oil yurolos, A elos su lalmetmet elos wis oil in alu lalos wi lam lalos.” (Mattu 25:1-4) Virgin siengoul inge akesmakinye kut nu ke met Kristian akmusrala meet liki 1914. Elos nunku mu bridegroom inge, Jesus Kraist, el fwa sikme nu selos. Oinge, elos “illa” in osun nu sel, elos moniyuk in fwakak la “pal lun met pagan” aksafyeyukla in 1914.​—Luk 21:24.

7. Nge a efu met Kristian akmusrala elos ‘motulla’?

⁷ Paye fwakak lalos. Pal lun met pagan aksafyeyukla in 1914, a Togusrai lun God ye koko lun Kraist Jesus el matamwauk in liyeang. Tusruktu kolyuk inge oasr in kosrao su tia ku in liyeyuk. Fwin fwalu, metu elos matamwauk in pula kas inge “we” (Fwakyuk 12:10, 12) Sie pal in me keok sikyuk. Ke sripen ma inge tia kalem na paye nu selos, paenang met Kristian akmusrala elos nunku mu “bridegroom el patla.” Elos fosak a sun me kolyai su tuku sin met fwalu, paenang elos fuleak a tok elos tui ke akmwuk in orekma in luti lalos. Oana virgin ke me pupulyuk lun Jesus, kut fwin sramsram ke ma lun ngun “elos nu kemwa metkel a motul,” fwinne met su ekin Kristian elos oru pa tokin mise lun met tuma lutlut lun Jesus.​—Mattu 25:5; Fwakyuk 11:7, 8; 12:17.

8. Efu oasr pusra wowoyuk: “Liye, met pusla!” a mea met Kristian akmusrala elos enenu in oru in pal inge?

⁸ In yea 1919 oasr ma sikyuk su tia eteyuk. Kut rid: “A ke infulwen fon oasr sie pusra wowoyuk, ‘Liye met pusla! Komwos fwasrot in sonol.’ Na mutan virgin ingo nu kemwa elos tukakak a orala lam lalos.” (Mattu 25:6, 7) Ke pal se ma arulana losr ku wanginla fwinsrak, oasr sie pusra sulkakin in sifwil tuyuk oru orekma. In yea 1918, Jesus, “met roso lun mwuleaung”, el ilyuk nu in temple lun Jeova in ngun in liye a aknasnasye Congregation lun God. (Malakai 3:1) Inge, met Kristian akmusrala enenu in som a sonol ke temple lun fwalu. Pa inge pal lalos in tolak tu “kalem lom summu.”​—Isaia 60:1; Filippai 2:14, 15.

9, 10. Ke yea 1919, efu ku oasr kutu sin met Kristian “lalmetmet” a kutu “lalfon”?

⁹ Tusruktu sano! Ke me pupulyuk, oasr problem lun kutu mutan fwusr. Jesus el tafwela: “A elos su lalfon fwak nu selos su lalmetmet, ‘Ase kutu oil lomwosan nu sesr, tu lam lasr akurun kunla.’ ” (Mattu 25:8) Fwin wangin oil, lam tia ku in sang kalem. Lam a oil akesmakinye kut ke ma paye ke kas lun God a ke ngun mutal lal, in sang ku nu sin met kulansap paye in us kalem. (Sam 119:130; Daniel 5:14) Meet liki 1919, met Kristian akmusrala elos kaifweuang in suk inkanek in etu ma lungse lun God nu selos, fwinne ke pal su elos srakna munas ke ma lun ngun. Paenang, ke pal se su pangonyuk tari elos in sang kalem, elos akoela tari.​—2 Timote 4:2; Hibru 10:24, 25.

¹⁰ Kutu sin met akmusrala, elos soenna akola in oru me kise lalos ku orekmakin moul lalos sifwanu fwinne oasr kena lalos in wi Bridegroom. Paenang ke pal elos enenu in moniyuk ke fwakak lun mwo sasu, elos tiana akola. (Mattu 24:14) Elos akmunasyela pa met su welulos in fuleak, ke ngus su elos oru, in eis kutu oil lalos. Ke me pupulyuk lun Jesus, mea mutan virgin lalmetmet elos topuk? Elos fwak: “Saap a tia fwal nu sesr a nu sumwos. A komwos som nu yurolos su kuka a moul keyumwos sifwanu.” (Mattu 25:9) Ke inkanek oinge, met Kristian akmusrala oaru in yea 1919 elos srunga in oru kutu ma su ku in akmunasyela ku lalos nu ke kalem su elos us. Oinge elos eis kutangla.

11. Mea sikyuk nu sin mutan virgin lalfon?

¹¹ Jesus el aksafyela: “A ke [mutan virgin lalafon] som in mol, met pusla el tuku, a elos su akola oelul utyuk nu ke kofwen mari; a mutunoaoa kauli. Tok mutan virgin nia elos tuku pa, a fwak, ’Leum, Leum, ikasla nu sesr!’ A el topuk a fwak, ’Paye nga fwak nu sumwos, Nga tia ete komwos.’ ” (Mattu 25:10-12) Aok, oasr met puspis soenna akola nu ke tuku lun met pusla. Ke ma inge, elos patla a wangin pal lalos in wi utyuk nu ke kofwen mari su orek in kosrao. Fuka yokiyen me asor inge!

Me Pupulyuk ke Talen

12. (a) Mea Jesus el orekmakin in sang akkalemye oaru? (b) Su met inge su “som nu in siepa fwal”?

¹² Tokin me sramsram lun sulela mwo, Jesus el tafwela in akkalemye ke oaru. El fwak: “Tu oana ke sie met, el som nu in siepa fwal, a pangon mu met kulansap lal a sung ma lal nu selos. A el sun talen limekosr nu sin sie, talen luo nu sin sie, talen se nu sin sie, nu sin kais sie selos fwal nu ke ku lal a el somla.” (Mattu 25:14, 15) Sie met ke me pupulyuk lun Jisus inge pa el sifwanu, su “som nu in siepa fwal” ke pal se el som nu in kosrao ke yea 33 C.E. Tusruktu meet liki el som nu in kosrao, el fililye “me kasrup lal” nu sin met tuma lutlut oaru lal. Ke inkanek fuka?

13. Fuka Jesus el akola sie imae lun orekma yok a pakiye nu sin “met kulansap” lal in oru business?

¹³ Ke pal in orekma in luti lal fwin fwalu, Jisus el matamwauk in akola sie orekma yok in luti mwosasu lun Togusrai fwin an Israel. (Mattu 9:35-38) Meet liki el “som nu in siepa fwal,” el sang imae sa nu sin met tuma lutlut oaru lal, el fwak: “Ke ma inge komwos som, a oru met in mutanfwal nu kemwa tu elos in met tumak lutlut, baptaiselosla in en Papa a Mwen a ngun mutal, luti nu selos in liaung ma nu kemwa nga sapkin nu sumwos.” (Mattu 28:18-20) Fwal nu ke kas se inge, Jesus el sapkin “met kulansap” lal in orek business nu ke el tuku “nu sin kais sie selos fwal nu ke ku lal.”

14. Efu ku kut nu kemwa tia oru oana sie lupan orekma lun business?

¹⁴ Kas se inge akkalemye la tia met Kristian nu kemwa ke century se meet elos oana sie ku lalos ku pal lalos. Kutu selos, oana Poul a Timote oasr pal yok lalos nu ke orekma in fwakelik a orekma in luti. Nu sin kutu selos arlanu srikla pal lalos in oru oinge. Nu ke me pupulyuk, kutu sin met Kristian elos met kulansap, kutu elos mas, matou, ku oasr kunokon ke sou. Aok, kutu sin kunokon lun congregation tiana etukyung nu sin met tuma lutlut. Mutan akmusrala a kutu mokul akmusrala elos tiana luti ke congregation. (1 Korint 14:34; 1 Timote 3:1; Jemes 3:1) Tusruktu, in fwal nu ke akmwuk lun met Kristian akmusrala lun Kraist nu kemwa​—mokul a mutan—​elos eis kunokon in orek business, orekmakin pal mwo lalos a ku lalos ke inkanek sumwos in oru orekma in luti. Misenge met su oana elos ku in oru oapanu.

Pal in Srikeyuk Matawauk

15, 16. (a) Nge pal in aksumwosye ma nu kemwa? (b) Mea inkanek sasu in “oru business” el sang kasru nu sin met oaru?

¹⁵ Kas in pupulyuk el tafwela: “A tokin pal loelis leum lun met kulansap ino el tuku a lolnok nu selos.” (Mattu 25:19) Ke yea 1914​—pal loes somla tokin 33 C.E.​—Kraist Jesus el matamwauk in kol. Tokin yea tolu tafwu, yea 1918, el ilyuk nu in temple lun God in ngun a akpayeye kas lal Piter: “Tu pal se inge pal in nununku matamwauk in loom sin God.” (1 Piter 4:17; Malakai 3:1) Pa inge pal in aksumwosye ma nu kemwa.

¹⁶ Mea met kulansap puspis, met akmusrala wiyel Jisus, oru ke “talens” lun Togusra? Matamwauk in yea 33 C.E. fwasru, wekunang yea puspis nu ke 1914, pus sin met elos kafofo in orekma ke “business” lal Jesus (Mattu 25:16) Fwinne ke meun se meet, elos akkalemye kena lalos in kulansap nu sin Leum lalos. Misenge, pal fwal nu sin met oaru in sang pal saok lalos in “orek business.” Meet liki pal safla lun akmwuk inge tuku. Mwosasu inge enenu in sulkakinyuk fwin fwalu nu fon. Aur in kosrani, summu “Sifweni lun fwalu” mesrla. (Fwakyuk 14:6, 7, 14-16) Saflaiyen u lun met oana wheat orekeni apkuran in safla a “u lalup” lun sip ngie srakna orek soenna safla.​—Fwakyuk 7:9; Mattu 13:24-30.

17. Ke inkanek fuka met Kristian akmusrala elos ‘ilyuk nu in engun lun leum’?

¹⁷ Pal in kosrani sie pal in engun. (Sam 126:6) Arlanu fwal, ke yea 1919, Jesus el likiye nu sin met akmusrala oaru lal kunokon yok, el fwak: “Kom oaru in ma pu. Na fwa akfulatye kom fwin ma pus. Kom ilyuk nu in engun lun leum lom.” (Mattu 25:21, 23) Yok liki nu kemwa, insemwomwo lun Leum su tafwanu eis sie Togusra ke Togusrai lun God el pengpeng alukela ma kut nunku. (Sam 45:1, 2, 6, 7) Met kulansap oaru elos pula me insemwomwo ke sripen elos aoliyen Togusra a yokelik sumwosmwos lal fwin fwalu. (2 Korint 5:20) Elos insemwomwokin in liye kas pala lal Isaia 61:10: “Na fwa engun in Jeova. Nunik fwa engun in God luk. Tu el nukomyuyun ke nuknuk lun lano.”

18. Efu ku kutu tiana kutangla me srike, a mea paenang?

¹⁸ Me asor lulap, ke sripen kutu met elos tia eis me usru. Kut ridi: “A el pa su eis sie talen el tuku a fwak, ‘Leum, Na etu kom tu kom sie met upa, kom kosrani yen kom tia taknelik we a esani yen kom tiu siselik we. A na sangeng a som a mwukunla talen lom in foko. Liye kom eis ma lom.’ ” (Mattu 25:24, 25) A fwa oupana, kutu sin met Kristian akmusrala elos tia oru orekma in “business” lalos. Meet liki 1914 elos tiana kaifweung in akkalemye fwinsrak lalos nu sin kutu met, a elos srunga in matamwauk orekma ke yea 1919. Ke inkanek fuka Jesus el sang top lal nu ke orekma koluk lalos? El eisla kunokon lalos nu kemwa lukelos. A komwos ‘sisla met kulansap se su wangin sripel nu yen losr liki losru, a fwa oasr tung a ngorngor in mwus we.’​—Mattu 25:28, 30.

Pal in Srike Fwafwalenu!

19. Ke inkanek fuka me srike tia na tui, a mea met Kristian akmusrala nu kemwa elos kaifweung in oru?

¹⁹ Aok, pus sin met su fwa ekla met akmusrala oaru lun Kraist ke pal safla inge elos soenna oru kulansap lalos nu sin Jeova ke pal se Jesus el matamwauk in lolngok lal in 1918. Ya wanginla pal mwomwo lalos in srikeyuk? Mo. Pal in oru me srike tafwanu matamwauk in 1918/19 ke pal se met kulansap oaru a lalmetmet oanu sie u elos kutangla me srike lalos. Kais sie met Kristian akmusrala elos srakna oasr ke me srike ne ke na seal lalos akkeyeyukla. (Fwakyuk 7:1-3) In nunku ma inge, met akmusrala lun Kraist elos kaifweung na in oru oaru lalos in “oru business.” Elos kaifweung in oaru oana met lalmetmet, su akola fwal oil tu lam lal fwa tia kunla. Elos etu la fwin kais sie selos sun safla lun moul lalos ke oaru, Jesus el fwa esalos nu in an in muta lal in kosrao.​—Mattu 24:13; Jon 14:2-4; 1 Korint 15:50, 51.

20. (a) Mea sip ngie elos kaifweung in oru misenge? (b) Mea met Kristian akmusrala elos nunku yok?

²⁰ U lalup lun sip ngie elos etawi met akmusrala wiyelos. Elos lalalfongi la etauk lalos nu ke akmwuk lun God enenu kunokon yok. (Ezekiel 3:17-21) Oinge, ke kasru lun Kas lun Jeova a ngun mutal lal, elos akola oil lalos in yok ke elos lutlut a asrouki ke meeting lun met Kristian. A elos lela kalem lalos in tolak, ke elos wi ke orekma in fwakelik a in luti a ‘oru business’ nu sin met akmusrala wiyelos. Tusruktu met Kristian akmusrala elos nunku yok ke talens su filiyuki ye paulos. Oasr kunokon lalos ke inkanek su elos karunganang ke ma lun Leum fwin fwalu. Fwinne elos supus, elos tia ku in sang kunokon lalos nu sin u lalup. In nunku ke ma inge, met kulansap oaru a lalmetmet elos tafwela na in kol a liaung business lun Togusra, engunkin me kasru lun u lalup. U lalup elos akilen kunokon lun met akmusrala wiyelos a elos insemwomwo in orekma ye kolyuk lalos.

21. Kas in kaifwe fuka fwal nu sin met Kristian nu kemwa meet liki 1919 oayepa in pal lasr misenge?

²¹ Tusruktu, fwinne me pupulyuk luo inge akkalemye ke ma sikyuk in yea 1919 ku in pal sa, me pupulyuk inge fwal pa nu sin met Kristian paye nu kemwa ke len safla inge. Ke inkanek oinge, kas in kaifwe su Jisus el akkalemye ke saflaiyen me pupulyuk lal nu sin virgin siengoul fwal nu sin met Kristian akmusrala meet liki 1919, a in me kasru fwal pa nu sin kais sie met Kristian. Fwinsrak tu kut nu kemwa, in oayepa, loang akmwoye nu ke kas lun Jesus: “Ke ma inge sano, tu komwos tia etu len se ku aur se.”​—Matthew 25:13.

[Footnotes]

Kom ku in Akketeye?

• Nge Jesus el kusensiyuk nu sin met kulansap lal, a mea el koneak?

• Efu ku kutu sin met Kristian akmusrala elos forla nu ke oiye lun “met kulansap koluk”?

• Fuka kut ku in akkalemye nu sesr sifwanu la kut lalmetmet ke ma lun ngun?

• In etawi met akmusrala oaru lun Jesus, inkanek fuka kut ku in ‘oru business’?

[Box on page 24]

Nge Jesus El Tuku?

In Mattu sapter 24 a 25, fwakyuk la Jesus el e “tuku” ke siena luma ku oiya. El tia enenu in som liki an in muta lal tu in “tuku.” A, el “tuku” ke luma su metu ku met kulansap lal elos ku in akilen la el oasr tari nu ke pal in oru nununku lal. Oinge ke yea 1914 el “tuku” tari in mutamwauk kolyuk lal oana Togusra. (Mattu 16:28; 17:1; Orekma 1:11) Ke yea 1918 el “tuku” oana met tutafpo lun mwuleang a mutamwauk in nununku nu sin met su ekin met kulansap lun Jeova. (Malakai 3:1-3; 1 Piter 4:17) Ke pal in Armagedun, el fwa “tuku” in oru nununku lal nu sin met lokwalok lun Jeova.​—Fwakyuk 19:11-16.

Pal in tuku lal su akkalemyeyuk pal pus in Mattu 24:29-44 a 25:31-46 pa in pal in “ongoiye lulap.” (Fwakyuk 7:14) Nu ke kalme saye, su akkalemyeyuk ke tuku lal in Mattu 24:45 nu ke 25:30 pa inge pal lal in tuku oru nununku nu sin met tuma lutlut lal mutamwauk in 1918 fwasru. Tia sumwos in fwak, ke me pupulyuk, la pa inge pal in sang me usru mwolanu lun met kulansap oaru, pal in oru nununku nu sin mutan virgin lalfon, a pal in nununku lun met kulansap koluk, su mwukunla talen lun Leum, fwa orek ke pal in “tuku” lun Jesus ke pal in ongoiye lulap. Fwin oinge oasr met puspis sin met akmusrala fwa konoiyukyuk la elos fuleak kunokon lalos ke pal in ongoiye lulap a oinge e fwa yok eneneyen met in aollalos. Tusruktu, Fwakyuk 7:3 akkalemye la met kulansap akmusrala lun Kraist nu kemwa elos “sealiyuki” tari ke pal in ongoiye lulap.

[Picture on page 22]

“Met kulansap koluk” tia eis me insemwomwo lalos in yea 1919

[Picture on page 23]

Mutan virgin lalmetmet elos akola nu ke pal se mutan pusla el tuku

[Picture on page 25]

Met kulansap oaru elos kafofo in oru “business”

Met kulansap alsrangesr elos tia kafofo

[Pictures on page 26]

Met akmusrala a “u lulap” elos kaifweung in sang kalem lalos in tolak