Filiye Lalalfongi Lom Na Fon Nu Sin Jeova Ke Pal In Ongoiye

“God el nien molela nu sesr, a ku lasr, su arulanu apkurun nu sesr in pal in keok in kasre kut.”​—SAM 46:1.

1, 2. (a) Kain in me srikasrak fuka akkalemye la tia fwal mukena in fwak la kut lalalfongi God? (b) Efu ku oasr orekma saye su kut enenu in oru sayen fwakak mukena la kut lalalfongi Jeova?

ARULANU fwusesr in fwak la kut lalalfongi God. Tusruktu, arulanu upa in akkalemye ma inge ke orekma lasr. Ke sie me pupulyuk, kas se inge “Kut Filiye Lalalfongi Lasr Nu Sin God” ku in liyeyuk ke mani lun U.S. su orekla ke pepu a coin.a In yiu 1956, U.S. Congress el orala sie ma sap su oakiye kas se inge oanu motto lun an United States. Sie me asor, meyen met puspis​—tia ke an inge mukena, a fwin fwalu nu fon—​elos filiye lalalfongi nu ke mani a me kasrup yok liki God.​—Luk 12:16-21.

² Oanu met Kristian paye, sayen kas in akkalemye lalalfongi lasr nu sin Jeova, oasr pa ma saye su kut enenu in oru. Oanu “lalalfongi fwin saye liki orekma, mise,” oupanu kutena kas in lalalfongi nu sin God ma inge wangin sripe fwin kut tia akkeye ma inge ke orekma lasr. (Jemes 2:26) Ke me lutlut somla, kut lotela la, lalalfongi lasr nu sin Jeova akkalemyeyuk ke pal se kut forla nu sel ke pre, ke pal se kut suk kasru lal ke inkanek lun Kas lal, a ke pal se kut lela u lal in kol kut. Lela kut in lutlut ingenu fuka kut ku in orekmakin step tolu inge ke pal in ma upa.

Ke Pal Se Orekma Lasr Tula ku Mani Lasr Srik

3. Kain in ma upa fuka ke mani met kulansap lun Jeova elos sun ke “pal in ongoiye” se inge, a fuka kut ku in etu la God el insemwomwo in kasre kut?

³ Oanu met Kristian, ke “pal in ma upa” inge, kut nu kemwa sun kain in ma upa puspis ke mani oanu ma sikyuk nu sin kutu met. (2 Timote 3:1) Ke ma inge, saap ke sie pal su kut tia nunku orekma lasr ku in tula. Ku saap ma kut enenu in oru pa, kut enenu in orekma ke lusen aur puspis ke sie molo na srisrik. Ye luma a ma sikyuk inge, saap kut ku in liye la arulanu upa in ‘sang me enenu lun sou lasr.’ (1 Timote 5:8) Ya God Ku Liki Ku el akola in kasru kut ke kain in pal in ma upa inge? Aok, el ku na paye! Paye, Jeova el tia kutongye ma upa nu kemwa lun fwal se inge tu in tia sun kut. Tusruktu, kut fwin lalalfongel, kas in Sam 46:1 e fwa akpayeye na paye sesr: “God el nien molela nu sesr, a ku lasr, su arulanu apkurun nu sesr in pal in keok in kasre kut.” Ke ma inge, fuka kut ku in akkalemye la kut lalalfongi na paye Jeova ke pal in ma upa ke mani?

4. Ke pal se kut sun ma upa ke mani, mea kut ku in siyuk ke pre, a fuka Jeova el sang topuk ke kain in pre inge?

⁴ Sie inkanek in akkalemye lalalfongi lasr nu sin Jeova pa ke kut forla nu sel ke pre. Tusruktu, mea kut ku in siyuk ke pre? Aok, ke pal se kut sun ma upa ke mani, saap kut enenu kasru ke lalmetmet yok liki meet. Aok, fwin ou inge, na kom ku in siyuk ma inge ke pre! Kas lun Jeova el akkeye kut: “A kutena sumwos fwin enenu lalmetmet, lela lan siyuk sin God ka, el su ase nu sin met nu kemwa yokna, a el tia mulat; a a fwa sang nu sel.” (Jemes 1:5) Aok, siyuk sin Jeova ke lalmetmet​—pa inge ku lun sie met in orekmakin etauk, akilen, a liyaten—​tu in oru sulela mwo a sumwos. Papa tumasr in kosrao su lungse kut el akkalemye nu sesr la el akola in long kain in pre inge. El akola in aksumwosye inkanek lun met nu kemwa su lalalfongel ke insiel kemwa.​—Sam 65:2; Soakas 3:5, 6.

5, 6. (a) Efu kut ku in ngetuk nu ke Kas lun God ke kasru in kutangla liki ma upa ke mani? (b) Mea kut enenu in oru in aksrikye fosrnga lasr ke pal se kut tula orekma lasr?

⁵ In loang nu ke Kas lun God oanu me kasru pa siepa inkanek in akkalemye la kut lalalfongi Jeova. Kas lalmetmet lal su ku in konoiyukyuk in Baibel su akismakinye kut el “arulanu paye.” (Sam 93:5) Fwinne el aksafyeyukla tari ke lusen yiu 1,900 somla, tusruktu buk inge su etuku ke ngun lun God oasr kain in kai su kut ku in lalalfongi a ku in kasru kut na paye ke pal in ma upa ke mani. Loang akmwoye ke kutu me srikasrak ke lalmetmet lun Baibel.

⁶ Togusra Solomon su lalmetmet el liye ma sikyuk in pal meeta: “Motul lun sie met orekma mwona, el fwin mongo srik ku yok; a sesesla lun met kasrup ma el tia ku in motulla ka.” (Ekklisiastis 5:12) Enenu mani in orala ma musalla, in aknasnas, in liaung, a in kurunganang ma oasr tari yurosr. Ke ma inge, srike in aksumwosye ma upa su tuku ke pal se tula orekma lasr, saap kut ku in eis pal mwo in sifwil tuni oiyen moul lasr, kaifweung in tuni piye ma kut lungse a ma kut enenu na paye. In aksrikye fosrnga, saap sie inkanek lalmetmet in ekulla kutu akmwuk lun moul lom. Ke sie me pupulyuk, ya kut ku in oru moul lasr in fwusesr, saap kut ku in muta ke sie loom su srik liki loom sesr ke pal inge ku oru in wanginla liki kut ma puspis su kut tia enenu na paye?​—Mattu 6:22.

7, 8. (a) Fuka Jisus el akkalemye la met sesumwos el lungse na paye in fornga yok ke ma puspis? (Srike in liye footnote.) (b) Kain in kas in kai lalmetmet fuka Jisus el sang ke inkanek in fwasr liki me fosnga alukela ma fwal?

⁷ Ke Me Sramsram Lal Fwin Eol, Jisus el sang kai: “Nik komwos nununkala ke moul lomwos, mea komwos fwa mongo, ku mea komwos fwa nim, a tia ke munomwos, mea komwos fwa nukomang.”b (Mattu 6:25) Jisus el etu la met sesumwos nu kemwa elos fosnga pal nu kemwa ke me enenu lalos in moul. Ke ma inge, fuka kut ku in “tui in nununkala” ma puspis inge? “Komwos . . . suk meet togusrai lal,” Jisus el fwak. Ke kutena ma upa su kut sun, kut enenu in tafwela in suk meet alu nu sin Jeova ke moul lasr. Kut fwin oru ou inge, ma nu kemwa su kut enenu ke len nu kemwa “fwa etukut” pa nu sesr sin Papa tumasr in kosrao. Ke inkanek nu kemwa, el e fwa ase nu sesr me enenu lasr.​—Mattu 6:33.

⁸ Jisus el sang kas in kai inge: “Ke ma inge nik komwos nunukala ke lutu, tu lutu nunkala ke ma la.” (Mattu 6:34) Tia sie inkanek lalmetmet in akkalemye fosnga alukela ma fwal ke ma lutu saap el fwa wise nu sesr. Sie scholar lun Baibel el fwak: “Pal nu kemwa ma sikyuk na paye ke pal fwasru tia ku in srikeye nu ke ma koluk su kut nunku.” Porongo ke kas in kai lun Baibel nu sesr in filiye nunuk lasr nu ke ma yok emeet a in moul mukena fwal nu ke sie len pa ku in kasre kut in fwasr liki me fosrnga su tia eneneyuk.​—1 Piter 5:6, 7.

9. Ke pal se kut sun ma upa ke mani, kain in kasru fuka kut ku in koneak ke me rid lun “met kulansap oaru a lalmetmet”?

⁹ Ke pal se kut sun ma upa ke mani, kut ku in filiye pa lalalfongi lasr nu sin Jeova ke kut loang nu ke me kasru su tuku ke me rid lun “met kulansap oaru a lalmetmet.” (Mattu 24:45) Kais kutu pal, magasin inge Awake! el akkalemye me lutlut puspis su ku in kasru fuka in aksumwosye ma upa ke mani. Me lutlut inge “Out of a Job​—What Are the Solutions?” ke August 8, 1991, issue el akkalemye me kasru alkosr mwomwo su ku in kasru met puspis ke me enenu lalos ke mani a ke ma elos pula ke pal se elos sun ma upa su tuku ke wangin orekma.c Paye, kain in me kasru inge nu kemwa enenu in orekmakin fwal nu ke nunuk sumwos fuka lupan saok lun mani. Ma inge sramsramkinyuk ke me lutlut inge “Something More Vital Than Money,” su ku in liyeyuk ke issue senpanu inge.​—Ekklisiastis 7:12.

Ke Pal Se Kom Fosrnga ke Sripen Mas

10. Fuka me srikasrak lal Togusra Devid akkalemye la sie inkanek sumwos in lalalfongi Jeova ke pal in mas?

¹⁰ Ya fwal in filiye lalalfongi nu sin Jeova kut fwin sun mas upa? Aok, fwal na paye! Jeova el arulanu pakomuta met mas inmaslon met lal. Sayen ma inge, el arulanu insemwomwo in sang kasru. Ke sie me pupulyuk, lela kut in tuni ma sikyuk nu sel Togusra Devid. Saap el arulanu mas pa ke pal se ma el simusla ke oiye su God el akkalemye nu sin met sumwos nu kemwa su mas. El fwak: “Jeova el fwa karungnulang ke el munas a on fwin me on kiel; kom oru me on kiel nu kemwa in pal in mas lal.” (Sam 41:1, 3, 7, 8) Lalalfongi lal Devid nu sin God arulanu fukoko, a ke saflaiye togusra el kela ke mas lal. Ke ma inge, fuka kut ku in akkalemye lalalfongi nu sin God ke pal se kut sun ma upa ke sripen mas?

11. Ke pal se kut sun mas, mea kut ku in siyuk sin Papa tumasr in kosrao?

¹¹ Ke pal se kut sun mas, sie inkanek in akkalemye lalalfongi lasr nu sin Jeova pa ke kut siyuk sel in kasru kut in muteng. Kut ku in siyuk sel in kasru kut in orekmakin “lalmetmet paye” tu kut in ku in koneak kain in lupan ku lun mano su fwal nu sesr. (Soakas 3:21) Saap, kut ku in ouyepa siyuk sel in kasru kut in orekmakin mongfwusesr tu kut in ku in muteng nu ke mas lasr. Yok liki nu kemwa, kut lungse in siyuk sin Jeova in akkeye kut, in ase nu sesr ku tu kut in ku in oaru nu sel a tu kut in tia sisla nunuk sumwos lasr, fwinne oasr kutena ma sikyuk. (Filippai 4:13) Kaifweung in oaru nu sin God el yok liki kaifweung lasr in kurunganang moul lasr ke pal inge. Kut fwin srukye na oaru, Met Sang Lulap el fwa ase nu sesr moul ma patpat su sumwosmwos a mano fukoko.​—Hibru 11:6.

12. Kain in ma sap fuka su tuku ke Ma Simusla ku in kasre kut in oru sulela mwo ke pal in ono?

¹² Lalalfongi lasr nu sin Jeova mokle kut pa in suk kasru lun Kas lal ku Baibel. Ma sap a akmwuk nu kemwa su ku in konoiyukyuk in Baibel ku in kasru kut in oru sulela lalmetmet ke pal se kut suk ono. Ke sie me pupulyuk, meyen kut etu la Baibel el selngawi “orekma lun inutnut,” paenang kut fwasr liki kutena inkanek in ono su oasr ip lun inutnut ka. (Galetia 5:19-21; Duteronomi 18:10-12) Pa inge kutu nu ke me srikasrak ke lalmetmet lun Baibel su kut ku in lalalfongi: “Met nukin lalalfongi kas nu kemwa, a sie met lalmetmet arulanu liaung fwafwasyesr lal.” (Soakas 14:15) Ke ma inge, ke pal se kut nunku ke ono, sie inkanek lalmetmet in suk me lutlut mwo liki na in “lalalfongi kas nu kemwa. “Lalmetmet” ku in kasre kut in tuni mwo sulela nu kemwa su kut oru a in oru sulela mwo.​—Taitus 2:12.

13, 14. (a) Kain in me lutlut fuka in kurunganang mano akkalemyeyuk nu ke Watchtower a Awake! magasin? (b) Kain in kas in kai fuka ke akmwuk in kurunganang manosr ke sripen mas akkalemyeyuk in Awake! lun January 22, 2001?

¹³ Kut ku in filiye pa lalalfongi nu sin Jeova ke kut tuni me rid lun met kulansap oaru a lalmetmet. Tauer In San a Awake! magasin el orala kais kutu pal kain in me lutlut mwo puspis su sramsramkin ma upa ke mano a mas.d Kutupal, me rid inge el akkalemye me sramsram su sromon kutu met fuka elos muteng ke kain in ma upa puspis, mas a me akkeok. Sayen ma inge, kutu me lutlut el sang me kasru su tuku ke Ma Simusla, wekunang kas in kai mwomwo fuka in moul fwinne kom wi ke kain in mas upa.

¹⁴ Ke sie me pupulyuk, ke issue lun January 22, 2001, lun Awake! el akkalemye me lutlut puspis ke inkanek takla ke kolin magasin su akkalemye sifwe se inge “Comfort for the Sick.” Me lutlut inge el akkalemye me kasru puspis su tuku ke Baibel wekunang interview puspis nu sin met pukanten su yok etu a moul ke kain in mas inge ke lusen yiu puspis. Me lutlut inge “Living Successfully With Your Ailment​—How?” el sang kai: Akyokye lutlut lom ke mas lom. (Soakas 24:5) Orala nien sun mwo, wekunang sie nien sun in kasru kutu met, tusruktu kom enenu in akilen la saap kom tia ku in sun nien sun lom oanu kutu met elos oru ke nien sun lalos. (Orekma 20:35; Galetia 6:4) Nikmet sifwanu srella. (Soakas 18:1) Lela muteta lun kutu met nu sum in sie me insemwomwo nu selos. (Soakas 17:22) Yok liki nu kemwa, srukye sie moul futoto nu sin Jeova a ke congregation. (Nehum 1:7; Rom 1:11, 12) Ya kut tia sang kulo ke kolyuk mwomwo lun Jeova su el ase nu sesr ke inkanek lun u lal?

Ke Pal Se Munas In Ikwe El Tafwela

15. Fuka met sap Poul el kutangla ke meun lal lain munas lun ikwe sesumwos, a kas in akkeye fuka oasr yurosr?

¹⁵ “In ikuk ma mwo el tia muta lu,” met sap Poul el simusla. (Rom 7:18) Poul el etu na paye ke experience lal sifwanu la arulanu upa in lain kena koluk a munas lun ikwe sesumwos. Tusruktu, Poul el lalalfongi pa la el ku in kutangla. (1 Korint 9:26, 27) Ke inkanek fuka? Ke inkanek in lalalfongi yok nu sin Jeova mukefwunnu. Ke sripe se inge Poul el ku in fwak: “O Nga met keoklanu! Su a fwa tulayula liki monin mise se inge? Nga kulo nu sin God ke Jisus Kraist Leum lasr!” (Rom 7:24, 25) A fuka kut? Oasr pa meun lasr lain munas lun ikwe. Ke kut kaifweung in lain munas lasr inge, arulanu fwusesr nu sesr in munasla ke lalalfongi, a kut mutamwauk in nunku la kut tia ku in kutangla ke kutena pal. Tusruktu, Jeova el fwa kasre kut, kut fwin oanu Poul, su filiye na paye lalalfongi lal nu Sel a tia ke ku lal sifwanu.

16. Ke pal se munas in ikwe el tafwela, mea kut ku in siyuk ke pre, a mea kut enenu in oru kut fwin sifwil sremla nu ka?

¹⁶ Ke pal se munas in ikwe el tafwela, kut ku in akkalemye la kut filiye lalalfongi lasr nu sin Jeova ke pal se kut siyuk ke pre kasru lun Jeova. Kut enenu in suk, siyuk, Jeova ke kasru lal ke inkanek lun ngun mutal. (Luk 11:9-13) Kut ku in siyuk sel ke sifwanu leumi, su ipen fwako lun ngun mutal lun God. (Galetia 5:22, 23) A mea kut enenu in oru kut fwin sifwil putatla nu ke munas lasr tokin kut kutongyel ke lusen sie pal? Aok, ke inkanek nu kemwa, lela kut in tia fuleak. Lela kut in tia totola in pre ke inse pusisel nu sin God su pakoten, siyuk sel ke nunuk munas a kasru su kom enenu. Jeova el e fwa tia sisla sie inse “musalla” su toasr ke ma koluk la. (Sam 51:17) Kut fwin siyuk sel ke inse paye, a sie inse toasr ke sripen ma koluk lasr, Jeova el e fwa kasre kut in lain me srifwe.​—Filippai 4:6, 7.

17. (a) Efu ku sie me kasru nu sesr kut fwin nunku ke pulakin lun Jeova ke kain in munas su kut kaifweung in lain? (b) Kain in ma simusla fuka kut ku in esam kut fwin kaifweung in lain mongsa? in kurunganang loasr? in lain kena ke me akengun koluk?

¹⁷ Kut ku in akkalemye pa la kut lalalfongi Jeova ke kut tuni Kas lal in suk me kasru. Kut fwin orekmakin Bible concordance ku Watch Tower Publications Index su oasr ke Watchtower a Awake! ke saflaiyen yiu nu kemwa, kut ku in koneak topuk ke kusensiyuk inge ‘Mea pulakin lun Jeova ke munas luk su ingenu Nga meun ka?’ In nunku ke ma Jeova el pula ke ma se ku in akkeye kena lasr in akinsemwomwoyel. Ke ma inge, kut ku in mutamwauk in pula ma el pula, a srunga ma el srunga. (Sam 97:10) Kutu met elos koneak la sie me kasru nu selos in esam kutu fus in Baibel su fwal nu ke kais sie munas su elos lain. Ya kut kaifweung in lain oiyen mongsa? Fwin ou inge, kut enenu in esam ke nunuk lasr fus inge Soakas 14:17 a Efesus 4:31. Ya kut koneak la arulanu upa in kurunganang loasr? Kut ku in filiye ke nunkasr a insiesr fus in Baibel in Soakas 12:18 a Efesus 4:29. Ya kut lungse me akengun koluk? Kut ku in srike in esam kutu fus oanu Efesus 5:3 a Kolosse 3:5.

18. Efu kut tia enenu in lela mwekin in kutongkuti tu kut in tia siyuk sin met elder ke kasru in kutangla liki munas lasr?

¹⁸ In suk kasru sin met elder in congregation su pakiyuki ke ngun mutal pa siepa inkanek in akkalemye lalalfongi lasr nu sin Jeova. (Orekma 20:28) Aok, “me sang nu sin metu” inge tuku sin Jeova me ke inkanek lun Kraist in kurunganang a in liaung un sip nutul. (Efesus 4:7, 8, 11-14) Paye, tia fwusesr in siyuk ke kasru lun kutu met in aksumwosye ma munas. Tusruktu, wangin alollo la mukol matu inge nu kemwa in ngun elos e fwa akfulatye kut ke pulaik lasr in siyuk ke kasru. Sayen ma inge, met elder nu kemwa elos kaifweung in akkalemye oiye lun Jeova su el akkalemye nu ke u lal. Kas in akkeye, kas in kai a me luti mwomwo lalos su tuku ke Kas lun God, pa inge ma kut enenu na paye in akkeye kaifweung lasr in kutangla liki munas lasr.​—Jemes 5:14-16.

19. (a) Ke inkanek fuka Setan el kaifweung in orekmakin ma wangin sripe lun moul ke akmwuk koluk inge? (b) Mea ku in weang nu ke lalalfongi, a mea kut kaifweung na paye in sulela oru?

¹⁹ Lela kom in tia mulkunla la Setan el etu la pal lal futoto. (Fwakyuk 12:12) El lungse in orekmakin ma wangin sripe ke moul lun fwal se inge in akmunasye kut a mokle kut in fwuleak. Lela kut nu kemwa in oasr lalalfongi fukoko ke ma akkalemyeyuk in Rom 8:35-39: “Su fwa srikutla liki lung lun Kraist? Ya keok, ku mwaiok, ku kolyai, ku sral, ku koflufol, ku sensen ku kutlas? . . . Mo, in ma inge nu kemwa yok kutangla lasr ke el su lungse kut. Tu Nga nunku mu paye, tu tia mise, ku moul, ku lipufon, ku ma leum, ku ma oasr inge, ku ma a fwa tuku, ku ku, ku fulat, ku loal, ku kutena ma orekla, fwa ku in srikutla liki lungse lun God, su in Kraist Jisus Leum lasr.” Sie kain in kas mwomwo na paye pa inge ke lalalfongi nu sin Jeova! Kain in lalalfongi inge tia tuku ke pulakin mukena. Weang nu ke lalalfongi inge pa sulela se su kut oru ke len nu kemwa. Ke ma inge, lela kut in kaifweung in filiye lalalfongi nu fon nu sin Jeova ke pal in ma upa.

[Footnotes]

Ya Kom Esam?

• Ke pal se kut sun ma upa ke mani, ke inkanek puspis fuka kut ku in akkalemye lalalfongi lasr nu sin Jeova?

• Fuka kut ku in akkalemye lalalfongi nu sin God ke pal se kut sun ma upa ke sripen mas?

• Ke pal se munas in ikwe el tafwela, fuka kut ku in akkalemye la kut lalalfongi na paye Jeova?

[Picture on page 27]

Ke pal se kut tula orekla lasr, sie inkanek lalmetmet in sifwil tuni akmwuk lun moul lasr

[Picture on page 28]

Me sramsram kel Loida akkalemye fuka lalalfongi nu sin Jeova ku in kasru sie met in muteng.

[Picture on page 30]

Kut tia enenu in mwekin in siyuk ke kasru tu kut in kutangla ke munas lasr sifwanu