Mea Kom Lungse In Siyuk Nu Sin God?

OASR kusensiyuk yok lun met puspis fwin fwalu ke oiyen moul. Ya kom lungse pa in kusensiyuk ke oiyen moul? Met puspis elos akkalemye kusensiyuk lalos nu sin met kol lun alu tusruktu elos tia eis topuk sumwos su ku in akinsemwomwoyelos. Kutu met elos nunku na kusensiyuk inge a tia siyuk nu sin kutu met. Kutu met elos siyuk ke kasru. Ya kom ku in eis na paye topuk su tuku sin God ke kusensiyuk puspis su upa nu sum? Kutu kusensiyuk su oasr yurin met puspis su elos lungse in siyuk nu sin God pa.

Su Kom Na Paye, God?

Nunuk lun met ke god fwal nu ke fasin lalos, fwal nu ke me luti lun alu lun papa a nine kielos, a fwal nu ke sulela lalos sifwanu. Kutu met elos orekmakin sie e ke god lalos pangpang Deity; kutu met elos pangnol na God. Ya ma inge oasr sripe? Ya oasr God paye siefwunnu su ku in akkalemyel sifwanu nu sesr?

Efu Ku Oasr Me Keok Puspis?

Fwin sie met su tia kurunganang moul lal su moulkin moul kosro kunausla ku lun manol ku el ekla met sikasrup, saap el e torkaskas a fwak la moul lal arulanu koluk. Aok, saap el etu efu el keok.

Tusruktu, met puspis elos arulanu keok fwinne wangin ma koluk elos oru. Kutu selos arulanu mas. Kutu met elos arulanu kaifweung ke kain in ma upa puspis, in suk nien muta lalos a me mongo fwal nu ke sou lalos. Million puspis elos sun keok ke sripen orekma silolel lun kutu met, meun, orekma silolel su sikyuk nu sin oanu sie met, ongoiye su tuku ke pulanpal koluk, ku nununku sesumwos su tuku sin met lulap.

Kut kalem ka efu met puspis elos siyuk: ‘Efu ku kain in luma inge arulanu fwasrelik in an nu kemwa? Efu ku God el lela kain in me akkeok inge nu kemwa?’

[Picture Credit Line on page 2]

Cover: Chad Ehlers/Index Stock Photography

[Picture Credit Line on page 3]

Mountain: Chad Ehlers/Index Stock Photography