Akola Na Paye Oanu Met Luti Ke Kas Lun God
“God . . . su akkeye kut oanu met orekma.”—2 KORINT 3:5, 6.
1, 2. Kain in moniyuk fuka nu ke orekma in luti orekla kutu pal, tusruktu efu ku ma inge tia engunkinyuk pal nu kemwa?
MEA pulakin lom fwin utukut nu sum sie orekma su kom tia etu in oru? Nunku ke ma se inge: Me musa nu kemwa filiyuki tari ye mutom a kofwen orekma nu kemwa akola tari. Tusruktu, kom tia etu in orekmakin. Upa na paye, meyen enenu in aksafyeyukla orekma se inge ke pal na sa. Metu elos lalalfongi kom. Me akasor na paye pa inge!
2 Kain in ma upa inge tia me pupulyuk mukena. Loang nu ke me pupulyuk se inge. Kutu pal, sie sin alu lun Kristendom el srike in oakiye akmwuk nu ke orekma lun forfor srungal nu ke srungal. Pal nu kemwa, kaifweung lalos inge tui tokin kutu pal. Efu? Meyen Kristendom elos tia kasru met lal in fwal nu ke orekma inge. Fwinne met kol lalos tia fwal nu ke kain in orekma in luti inge, fwinne elos lutlut ke lusen yiu puspis ke loom lutlut ku ke seminaries. Efu kut ku in fwak ou inge?
3. In 2 Korint 3:5, 6, kain in kas fuka orekmakinyuk pal tulo, a mea kalmen ma inge?
3 Kas lun God aketeye la ma inge akkeye sie met Kristian su luti paye ke peng mwo. Met sap Poul el akkeyeyuk in simusla: “Tia tu kut sifwanu ku, in nunku kutena ma oanu in ma sesr sifwanu, a ku lasr sin God me, su ouyepa akkeye kut oanu met orekma.” (2 Korint 3:5, 6) Loang akmwoye nu ke kas inge su orekmakinyuk pal tolu ke fus inge—“ku.” Mea kalmen ma inge? Vine’s Expository Dictionary of Biblical Words el fwak: “Fwin kas inge orekmakinyuk nu ke ma puspis, ma inge ku in kalmekin ‘fwal’ . . . ; fwin orekmakinyuk nu sin met, ma inge ku in kalmekin ‘el ku in oru,’ ‘fwal.’ ” Ke ma inge, elos nu kemwa su “ku” elos ku in oru a fwal in oru sie orekma su etukyung nu selos. Aok, met kulansap paye ke peng mwo elos fwal nu ke orekma inge. Elos ku in oru, sun, ku fwal in luti.
4. (a) Fuka me srikasrak lal Poul akkalemye la in fwal nu ke orekma lun forfor lun met Kristian tia ma nu sin met lalmetmet ekasr na? (b) Mea inkanek tulo inge su Jeova el orekmakin in akkeye kut oanu sie met orekma?
4 Me akkeye nu selos inge tuku ya me? El tia tuku ke lalmetmet lalos sifwanu? Ku ke lalmetmet lun kutu met? Ku lutlut ke loom lutlut fulat a pengpeng? Kalem la ma inge nu kenwa oasr yurol Poul. (Orekma 22:3; Filipai 3:4, 5) Fwinne ou inge, el akilen ke inse pusisel la ku lal oanu sie met orekma tuku, tia ke loom lutlut fuka, a el tuku sin Jeova God. Ya ku se inge fwal nu sin met ekasr na su suleyukla? Poul el sim nu ke congregation lun met Korint ke oiyen “ku lasr.” Ma inge akkalemye la Jeova el oru met kulansap oaru lal “nu kemwa” in ku, fwal in oru orekma su el pakiye nu selos. Fuka Jeova el akkeye met Kristian paye ke len inge? Lela kut in sramsramkin inkanek tolu su el orekmakin: (1) Kas Lal, (2) ngun mutal lal, a (3) u lal fwin fwalu.
Kas Lun God Akkeye Kut
5, 6. Mea Ma Simusla Mutal el ku in oru nu sin met Kristian paye?
5 Ma se meet, fuka Kas lun God kasru kut in ku oanu met kulansap? Poul el simusla: “Baibel nu kemwa etuku ke ngun lun God a oasr sripe in luti, in kai, in aksumwosye, a in aketeye ma sumwosmwos nu sin met, tu met lun God in sumwosna, a akola fwal nu ke orekma mwo nu kemwa.” (2 Timote 3:16, 17) Ke ma inge, Ma Simusla mutal kasru kut in “sumwosna a akola fwal” nu ke “orekma mwo” in luti kutu met ke Kas lun God. A fuka met puspis su wi ke alu lun Kristendom? Oasr Baibel nutulos. Fuka buk se inge el ku in kasru kutu met in fwal oanu sie met kulansap mwo tusruktu el tia ku in oru ou inge nu sin kutu met? Topuk nu ke kusensiyuk inge ku in konoiyukyuk ke oiye su kut akkalemye ke Baibel.
6 Sie me asor, meyen met puspis su wi ke alu elos tia eis kas lun Baibel “oanu kas lun God.” (1 Tessalonika 2:13) Kristendom el oakiye sie kain in record koluk ke ma se inge. Tokin elos lutlut ke lusen yiu puspis ke lutlut lun theology, ya met kol lun alu elos akola fwal tari in oanu sie met luti ke Kas lun God? Mo, tia ou inge. Aok, kutu sin tulik lutlut su ke mutamweyen lutlut lalos ke seminary elos lalalfongi Baibel, tusruktu ke pal se elos srola ke lutlut elos ekla met skeptics ku met alollo! Tok, elos tia luti ke Kas lun God—meyen pus selos mutamwauk in wanginla lalalfongi la—elos orekmakin me luti lalos ke inkanek saye, elos sroang in akpa nu ke akukuin lun politic, akkeye mokuikui lun social gospel, ku akfulatye lalmetmet lun met ke pal in luti lalos. (2 Timote 4:3) Aok, tia ou inge, nu sin met Kristian paye meyen elos fwasr tokin me srikasrak lun Kraist.
7, 8. Fuka oiye su Jisus el akkalemye ke Kas lun God siena liki oiye lun met kol lun alu in len lal?
7 Jisus el tia lela met kol lun alu in pal lal in kufasla nunuk lal fwal nu ke lungse lalos. El fwinne luti u srisrik, oanu met tuma lutlut lal, ku u lulap lun met, Jisus el orekmakin pal nu kemwa Ma Simusla mutal. (Mattu 13:10-17; 15:1-11) Ma inge oralla in siena liki met kol lun alu in len lal. Elos tia lela met srisrik in loang nu ke ma loal lun God. Aok, arulanu pengpeng ke len ingo nu sin met luti in lalalfongi la kutu ma simusla in Baibel arulanu upa in sramsramkin nu sin kutena met a ma inge ku in orek mukena nu sin tulik lutlut na su futoto nu selos—a fwinne ke pal ingo, elos ku in oru ou inge ke pusra na srisrik a enenu in oasr susu ke insefwelos. Pal nu kemwa, met kol lun alu inge yok lalalfongi lalos nu ke orekma lun alialu ke pal se elos sramsram ke kutu ipen ma simusla in Baibel oanu ke pal se elos fwakak ke e mutal!
8 Kraist el tia ou inge. El lalalfongi la tia mwo in met ekasr na su sulosola, a met nu kemwa enenu in etu ke kas “nu kemwa su tuku liki oalin Jeova.” Jisus el tia lungse in sang key ke etauk nu sin kutena un met lalmetmet su sulosola. El fwak nu sin met tuma lutlut lal: “Ma Nga fwak nu sumwos in losr, komwos in kaskas in kalem; a ma komwos long in sremwos, komwos in fwakak in mangon loomu.” (Mattu 4:4; 10:27) Jisus el lungse na paye in sang etauk lun God nu sin met nu kemwa.
9. Met Kristian paye elos orekmakin Baibel ke inkanek fuka?
9 Kas lun God pa enenu in sropon me luti lasr. Ke sie me pupulyuk, ke pal se kut oru sramsram ke Kingdom Hall lun Met Lo lun Jeova, tia fwal kut in rid mukena kutu fus su tuku ke Baibel. Kut enenu in aketeye, sang me pupulyuk, a orekmakin kutu fus sisken fus inge su kut rid. Nien sun lasr pa in akkalemye la kas lun Baibel su simusyukla el moul a kut lungse in filiye ma inge nu insien met su long sramsram lasr. (Niemaia 8:8, 12) Baibel enenu in orekmakinyuk fwin pal in sang kai ku pal in aksumwosye sie ma tafongla. Fwinne met lun God elos sramsramkin kain in kas puspis a tuku ke kain in an puspis, tusruktu elos nu kemwa akfulatye Buk su mwo emeet—pa Baibel.
10. Mea me sramsram in Baibel su etuku ke ngun lun God ku in oru nu sesr?
10 Fwin orekmakinyuk ke inkanek fulat inge, na Kas lun Baibel arulanu fukoko. (Hibru 4:12) Ma inge ku in purakak metu in ekulla oiyen moul lalos, in fwasr liki orekma puspis su Ma Simusla tia lela oanu kosro inmaslon met lolap, kosro inmaslon met payuk, alu nu ke me srulela, srui, a pusrapasr. Ma inge kasru met puspis in ekulla oiyen met matu lalos a in nukomang met sasu. (Efesus 4:20-24) Aok, kut fwin akfulatye ma inge yok liki kutena lalmetmet ku me luti lun met a orekmakin ma inge ke oaru paye, Baibel el ku in kasru kut in moulkin moul sumwos, a akola pal nu kemwa in oanu met luti ke Kas lun God.
Ngun Mutal lun Jeova Akkeye Kut
11. Efu ngun mutal lun Jeova arulanu fwal in pangonyuk “me kasru”?
11 Ma se akluo, lela kut in sramsramkin orekma lun ngun mutal lun Jeova, ku ku lal, in kasru kut in akola fwal nu ke orekma in kulansap. Lela kut in tia mulkunla la ngun mutal lun Jeova pa ku su yok liki ku nu kemwa su ku in konoiyukyuk. Jeova el oru Mwen nutul in akkalemye kain in ku inge in kasru met Kristian paye nu kemwa. Arulanu fwal, Jisus el an sramsram ke ngun mutal oanu me “akmwoyauk.” (Jon 16:7) El kaifwe nu sin met tuma lutlut lal in siyuk sin Jeova ke ngun mutal, in kasrelos in lalalfongi la Jeova el ku in sang nu selos ma inge ke inkanek yok.—Luk 11:10-13; Jemes 1:17.
12, 13. (a) Efu arulanu yok sripe nu sesr in pre ke ngun mutal in kasru kut ke orekma lun forfor lasr? (b) Fuka met Farisi elos akkalemye la ngun mutal el tia orekma in elos?
12 Kut enenu in pre a siyuk ke ngun mutal ke len nu kemwa, yokna in kasru kut ke orekma lun forfor lasr. Fuka ku inge ku in kasre kut? Ma inge ku in kasre nunuk a insiesr, in kapkapek in ngun, a in ekulla met matu nu ke met sasu. (Kolosse 3:9, 10) Ma inge ku in kasre kut akyokyelik, oiye mwomwo su Kraist el akkalemye. Pus sin met inmaslosr ku in akkalemye koanon Galetia 5:22, 23 ke insielos kemwa. Fus inge nu kemwa akkalemye fwako lun ngun mutal lun God. Ma se meet pa lungse. Kain in oiye se inge arulanu yok sripe ke orekma lun forfor lasr. Efu?
13 Lungse pa me purakak yok. Lungse nu sin Jeova a nu sin met tulan lasr mokle met Kristian paye in sulkakin peng mwo. (Mark 12:28-31) Fwin wangin lungse, kut tia ku in fwal in ekla met luti ke Kas lun God. Loang akmwoye nu ke ma su tia oanu sie inmaslon Jisus a met Farisi. Mattu 9:36 el fwak ou inge kel Jisus: “A ke el liye un met puspis, el pakomutalos, tu elos ongoiye, a fwasrelik, oanu sip su wangin met sropo.” Mea pulakin lun met Farisi nu sin met srisrik? Elos fwak: “A un met puspis inge su tia etu ma sap elos met selngaweyuk.” (Jon 7:49) Wangin lungse lun met Farisi inge nu sin metu, a yok pilesru lalos. Arulanu kalem, ngun mutal lun Jeova tia orekma in elos.
14. Fuka me srikasrak lun Jisus ke inkanek in akkalemye lungse ke orekma lun forfor lal mokle kut?
14 Jisus el pulakin oanu ma kutu met elos pula ke sripen pakomuta lal. El etu ngal lalos. El etu la elos akkolukyeyuk, ongoiye, a fwasrelik oanu sip su wangin met sropo la. Jon 2:25 el akkalemye nu sesr la Jisus “el sifwanu etu ma in met.” Meyen el sie Met Orekma Usrnguk lun Jeova ke pal in orala ma nu kemwa, Jisus el etu na paye oiyen met. (Soakas 8:30, 31) Etu lal inge akyokye lungse lal. Lela kain in lungse inge in me purakak yok ke orekma lun forfor lasr! Kut fwin pulakin la kut srakna ku in kapkapek ke oiye inge, lela kut in siyuk sin Jeova ke ngun mutal lal a lela kut in oru orekma fwal nu ke ma kut siyuk ke pre. Jeova el e fwa topuk ke me siyuk lasr. El e fwa supwemu ku lal in kasru kut in etawi Kraist, su arulanu fwal in luti ke peng mwo.
15. Fuka kas in Isaia 61:1-3 fwal nu sin Jisus a in pal sa na akkalemye ke met sim a met Farisi?
15 Me akkeye lun Jisus tuku ya me? “Ngun lun Jeova on fwuk,” el fwak. (Luk 4:17-21) Aok, Jeova sifwanu pa akkeyel Jisus ke inkanek lun ngun mutal. Jisus el tia enenu me akkeye saye. Ya met kol lun alu in pal lal akkeyeyuk ke ngun mutal? Mo. Elos tia akola in akpayeye ma simusla in Isaia 61:1-3, su Jisus el rid ke pusra lulap a orekmakin ke moul lal sifwanu. Nunuk munas rid fus inge, a loang akmwoye meyen met sim a met Farisi su mwosounkas elos tia fwal nu ka. Wangin peng mwo lalos su elos ku in sulkakin nu sin met sikasrup. A fuka elos ku in luti ke sukosok nu sin met srou a in ikasla mutun met kun? Kut fwin sramsram ke ma lun ngun, elos nu kemwa met kun a met sruo ke fasin a me luti lun met.
16. Kain in pulaik fuka met lun Jeova elos pulakin misinge ke me akkeye lalos oanu met kulansap?
16 Paye, kut tia lutlut ke loom lutlut lun Kristendom in eis lutlut fulat. Wangin pepu in akkeye nu sesr oanu sie met luti su tuku ke sie theological seminary. Ke ma inge, ya wangin me akkeye nu sesr? Mo, tia ou inge! Me akkeye nu sesr oanu Met Lo tuku sin Jeova me. (Isaia 43:10-12) Kut fwin pre ke ngun mutal lal a orekma fwal nu ke pre lasr, oasr yurosr me akkeye su fulat liki nu kemwa. Paye, kut met sesumwos a tia sun me srikasrak lun Met Luti Lulap lasr Jisus Kraist. Fwinne ou inge, ya kut tia sang kulo meyen Jeova el orekmakin ngun mutal lal tu kut in sumwosna a akola oanu met luti ke Kas Lal?
U Lun Jeova Akkeye Kut
17-19. Fuka meeting limekosr su u lun Jeova oru nu sesr in kasru kut in fwal oanu met kulansap?
17 Inge lela kut in sramsram ke inkanek se aktulo su Jeova God el orekmakin in akkeye kut oanu met luti ke Kas Lal—u lal fwin fwalu, ku u, su ase nu sesr akpa in ekla met orekma. Ke inkanek fuka? Nunku ke program su kut engunkin! Ke wik nu kemwa kut wi ke meeting limekosr lun met Kristian. (Hibru 10:24, 25) Kut tukeni nu sie ke sie u ke Buk Study lun Congregation in engunkin sie lutlut yok ke Baibel ke inkanek lun sie buk su u lun Jeova ase nu sesr. Ke inkanek in porongo a top, kut lutlut a akkeye sie sin sie. Kais sie sesr eis kas in luti a kas in akkeye su tuku sin buk study overseer. Ke Public Meeting a lutlut ke Tauer In San, kut eis me mongo yok in ngun.
18 Theocratic Ministry School lasr orekla in ase nu sesr kas in luti in luti kutu met. Ke kut akola ke kunokon lun tulik lutlut, kut lotela inkanek in orekmakin Kas lun God in luti kain in met luti puspis. (1 Piter 3:15) Ya oasr pal kom eis tari sie kunokon in aketeye sie me lutlut su kom etu tari, tusruktu kom koneak la oasr ma sasu su kom sifwil lotela ke me lutlut inge? Ma inge sikyuk pal nu kemwa nu sin met puspis. Fwinne wangin kunokon lasr in aketeye sie sifwe, kut srakna ku in lutlut in ekla sie met luti mwo. Ke kais sie tulik lutlut, kut ku in akilen oiye mwo lalos, a kut ku in nunku la fuka kut ku in etai oiye mwo puspis inge.
19 Service Meeting el orekla pa in kasru kut in ekla met luti ke Kas lun God. Wik nu kemwa, kut insemwomwo ke me sramsram lun met su kut ku in liye, sramsram inmaslon met long a met luti, a me pupulyuk puspis ke inkanek lun sie luma su orekla fwal nu ke orekma lun forfor lasr. Ke kain in me sramsram fuka kut ku in orekmakin? Oiye fuka kut ku in akkalemye ke kutena ma upa su kut sun ke orekma lun forfor? Ke kain in orekma lun forfor fuka ikakla nu sesr su kut enenu in loang mwo ka? Mea ma inge su ku in kasre kut in ekla met luti fukoko ke pal se kut oru return visit a Baibel study? (1 Korint 9:19-22) Kain in kusensiyuk inge nu kemwa akkalemyeyuk a sramsramkinyuk ke inkanek mwo ke Service Meeting. Kunokon puspis ke meeting tuku ke me lutlut lun Orekma Lun Togusrai Lasr, su siepa kofwen orekma su etuku nu sesr in akoekutla nu ke orekma saok lasr.
20. Fuka kut ku in eis ma lane na paye ke meeting nu kemwa a toeni lulap?
20 Ke inkanek in akola a wi pal nu kemwa ke meeting a in orekmakin ma kut lotela tari ke orekma lasr oanu sie met luti, kasre kut in eis akpa yok. Tusruktu, oasr pa akpa saye su kut ku in eis. Oasr pe meeting lulap puspis lasr—toeni lulap puspis a convention—su orekla in kasru kut oanu met luti ke Kas lun God. A la fuka fwinsrak lasr in pal inge in porongo a in orekmakin kas in kai nu kemwa ke moul lasr!—Luk 8:18.
21. Kain in me akpayeye fuka akkalemye la akpa lasr arulanu fukoko, a kas in kaksak orek nu sin su?
21 Ya me akpa nu kemwa su Jeova el ase nu sesr fukoko? Lela kut in tuni ke me akpayeye puspis. Kais sie yiu, foko foko tausen sin met elos eis kasru in lutlut ke me luti lun Baibel a moulkin moul fwal nu ke ma el siyuk selos. Kut arulanu kapkapek, tusruktu wangin kutena met inmaslosr ku in eis mwolanu ke ma se inge. Kut enenu in orekmakin nunuk sumwos ke ma se inge, oanu Jisus el oru. El fwak: “Wangin sie met ku in fwasru nu yurok, Papa su supeyume el fwin tia amakunul.” Oanu met sap in pal meeta, apkurun kut nu kemwa tia met lutlut a met silalkung. (Jon 6:44; Orekma 4:13) Kapkapek lasr tuku sin Jeova, su purakak met oaru puspis in tuku nu ke ma paye. Poul el aketeye ke inkanek sumwos: “Nga eokiye, Apollus el aksroksrokye, a God el akkapye.”—1 Korint 3:6.
22. Efu kut tia enenu in asor alukela ma fwal ke kut tia sang orekma yok lasr nu ke orekma lun met Kristian?
22 Aok, Jeova God el loang mwo nu ke orekma lasr oanu met luti ke Kas lal. Saap tia pal nu kemwa kut pulakin la kut fwal oanu sie met luti. Tusruktu, kut enenu in esam la, Jeova pa kasru met in tuku nu yurol a nu sin Mwen nutul. Jeova pa oru kut in fwal oanu met kulansap nu sin met sasu nu kemwa ke inkanek lun Kas lal, ngun mutal lal, a u lal fwin fwalu. Lela kut in loang akmwoye nu ke me akpa su Jeova el ase nu sesr ke orekma ma mwomwo nu kemwa tu kut fwa akola fwal oanu sie met luti ke Kas lun God!
Kom Topuk Fuka?
• Fuka Baibel el kasre kut in akola ke orekma in luti?
• Mea orekma lun ngun mutal in akkeye kut oanu sie met kulansap?
• Ke inkanek pupsis fuka u lun Jeova fwin fwalu kasre kut in fwal oanu sie met luti ke peng mwo?
• Efu ku kut ku in akkalemye pulaik ke pal se kut wi ke orekma lun forfor?
[Picture on page 16]
Oanu met luti ke Kas lun God, Jisus el akkalemye lungse nu sin met