Inkanek Siefwunnu in Tulokinya Srunga

“Wangin srunga fwin wangin sangeng. . . . Kut srunga me aksangenye kut a ke ma inge fwin oasr srunga, oasr pe sangeng.”​—CYRIL CONNOLLY, LITERARY CRITIC A EDITOR.

MET sociologist puspis elos lalalfongi yok la srunga el tuku ke orekma lun met su wangin nunuk mwo la. “Ip yok ke ma se inge pa “programiyuki” tari ke nunuk ku oasr tari ka,” oakiyuki tari ke oiyen met, sie political scientist el fwak.

Kut kalem ka efu tulik lutlut ke oiye lun met elos konaok kain in oiye se inge. Meyen elos lutlut ke mokul a mutan su isusla ke “ma sito” a “ma koluk,” fwal nu ke record lun Baibel su etuku ke ngun lun God. (Sam 51:5) Fwinne Met Orekutla, el tuni tari oiye lun met ke millenium puspis somla, a “el liye tu yok ma koluk lun met fwin fwalu, a tu nunuk lun insielos sitoena pal e nu kemwa.”​—Genesis 6:5.

Nunuk in srisri, solosol met, a srunga su tuku ka, ma inge nu kemwa fwokin sesumwos a rapku su metu elos usrui. (Duteronomi 32:5) Sie me asor meyen wangin kutena u ku guferment su oasr kutena akmwuk la ku in orala ma sap in ekulla insien met ke ma se inge. Foreign correspondent Johanna McGeary el fwak: “Wangin globocop ku policemen su kurunganang fwalu nu fon, ku kutena ku, su ku in akwanginyela srunga su orekla fwin an Bosnia, Somalia, Liberia, Kashmir, a ke aksororye sra lulap fwin an Caucasus.”

Tusruktu, meet liki kut sun inkanek in aksumwosye ma inge, kut enenu meet in kalem ka la su srupon me purakak nu kemwa lun srunga inge.

Srunga Su Mokleyuk ke Sangeng

Wangin alollo, nu ke kutu sripe su purakak yok in oasr srunga in pal inge pa social a economic. Srisri a srunga lulap pal nu kemwa sikyuk ke an puspis su met muta we elos kasrup tusruktu elos pa supus emeet. Ouyepa, srunga pal nu kemwa sikyuk ke sie an su akmwuk in moul lun met su muta we oasr ke me sensen ke sripen tuku lun met saye.

Kutu met elos nunku ke tuku lun met saye mu in oru in oasr alein in suk orekma, ku elos orekma fwinne srik molin orekma lalos, ku ma inge ku in aksrikye molin ma lalos. Fwinne kain in me sangeng inge fwal ku tia, tusruktu ma inge sikyuk. Sangeng ke akmwuk lun mani a sangeng ke musalla lun akmwuk lun an ku moul in sie an sie me purakak yok nu ke srisri a srunga.

Mea step se meet ke akmwuk in oru in wanginla srunga? Sie ekla ke oiye.

Ekla ke Oiye

“Paye, ekla ku in tuku mukena ke sulela su kais sie met elos oru,” pa inge ma McGeary el fwak. A fuka sulela lun met ku in ekla? Experience puspis akkalemye ke ma se su ku emeet, a me purakak yok emeet, a me kaifwe mwo emeet in lain srunga su ku in onnu tok pa Kas lun God, Baibel. Meyen “kas lun God moul a ku a kosra liki kutlas su oasr luo muta, a fwakisye nu ke srela lun inse a ngun, a lun kupas a marro, a sa in akilen nunuk a papu lun inse.”​—Hibru 4:12.

Aok, kut insese ka la, in akwanginyela nunuk in srisri a srunga enenu pal a e tia ku in sikyuk fwin wangin kutena orekma su kom oru ka. Tusruktu ma inge ku in sikyuk. Jisus Kraist, su purakak inse ke inkanek yok a purakak ella lun met in orekma, el ku in mokle met in ekla. Million puspis sin met elos kutangla in fwasr tokin kai mwomwo lun Jisus Kraist: “Lungse met lokwalok lomwos, a pre kalos su kolyai komwos.”​—Mattu 5:44.

El oru ma el luti, paenang Jisus el sulela Mattu in wi un met kamwuk lal, sie sin met takma meet, su me srungeyuk ye mutun met Ju. (Mattu 9:9; 11:19) Sayen ma inge, Jisus el oakiye sie inkanek lun alu nasnas su tausen puspis sin met su wi ka elos met Pegan su me srungeyuk meet. (Galetia 3:28) Kain in met nu kemwa in pal meeta elos ekla met tuma lutlut lun Jisus Kraist. (Orekma 10:34, 35) Met inge nu kemwa eteyuk ke lungse lalos su arulanu yok. (Jon 13:35) Ke pal se met puspis su arulanu srunga elos tungal met tuma lutlut lun Jisus inge Stefen, a ke kas safla lal pa: “Jeova, tia filiye ma koluk se inge tu in metalos.” Stefen el lungse ma mwo mukena nu sin met su srungel.​—Orekma 6:8-14; 7:54-60.

Met Kristian ke len inge elos ouyepa akos kas in kai lal Jisus nu selos in oru mwo, tia nu sin met lili Kristian wielos mukena, a ouyepa nu sin met nu kemwa su srungelos. (Galetia 6:10) Elos kaifweung na paye in sisla srunga wi kutasrik ke moul lalos. Meyen elos akilen ku se su ku in moklelos in srunga sie sin sie, paenang elos oru orekma sumwos a lungse in sang ayaola srunga. Aok, oanu sie met lalmetmet in pal meeta el fwak, “srunga me purakak akukuin; a lungse afwunye sito nu kemwa.”​—Soakas 10:12.

Met sap Jon el fwak: “Kutena met su srunga met lel, el sie met akmas, a komwos etu tu moul ma patpat tia on in kutena met akmas.” (1 Jon 3:15) Met Lo lun Jeova elos lalafongi ma inge. Ke sripe se inge, elos nu kemwa su tuku ke kain in sruf nu kemwa, kain in fasin nu kemwa, a kain in alu nu kemwa, a akmwuk lun politic nu kemwa​—esani nu sie—​ke inse siefwunnu, ke sie u su wangin srunga, pa inge un met lili fwin fwalu nu fon.​—Srike liye pok.

Srunga E Ku In Wanginla!

‘Aok,’ saap kom ku in fwak, ‘saap pa inge top nu ke ma upa lun met se met su oru ou inge. Tusruktu, ma inge tia ku in akwanginyela srunga fwin fwalu nu fon.’ Paye, fwinne wangin srunga ke insiom tusruktu srunga lun kutu met ku in sun kom. Ke ma inge, kut enenu in ngetuk nu sin God ke me top na paye nu ke ma upa lun fwalu.

Oasr ke akmwuk lun God ke pal fwasru in akwanginyela srunga nu kemwa fwin fwalu. Ma inge e fwa orek ye koko lun guferment in kosrao su Jisus Kraist el luti kut in siyuk ke pre: “Papa tumasr su in kosrao, em in akmutalyeyuk. Togusrai lom in tuku. Ma lungse lom in orek, oanu in kosrao, ou inge fwin fwalu.” (Mattu 6:9, 10) Ke pal se top nu ke me siyuk inge akpayeyuk, luma nu kemwa su purakak srunga e fwa wanginla.

Oasr pa news mwomwo saye! Oasr me akpayeye su akkalemye la kut moul misinge in “len safla.” Ke ma inge, kut ku in lalalfongi la pal na futoto kut ku in liye srunga e fwa wanginla fwin fwalu. (2 Timote 3:1-5; Mattu 24:3-14) Ke fwalu sasu lun God su el mwolela ka fwa oasr, sie ngun paye lun un met lili ku in liyeyuk meyen met nu kemwa elos fwa sifwil folokla nu ke moul sumwosmwos.​—Luk 23:43; 2 Piter 3:13.

Kom suliyuk pa in wi ipen un met lili inge!