Kut Sie Selos Su Lalalfongi

Sulkakin Peng Mwo ke Imae lun Rice Fwin An Taiwan

PAL nu kemwa fwin an Taiwan engunkin pal in af upa, ma inge kasrel in oru kosrani mwo luo ke rice ke kais sie yiu. Tusruktu, kais kutu pal af tia tuku ke pal enenu, a fute nu kemwa su kapek tari masla. Ke pal se ma inge sikyuk, ya met imae el fuleak? Mo. El etu la kaifweung eneneyuk, el sulpa oru fute sasu in kapek, a el sifwil taknelik ma inge ke imae. Na fwin ma nu kemwa mwo na, met imae el oru kosrani mwo. Orekma in taknelik fute a in kosrani in ngun kutupal oupanu sie.

Kaifweung ke Kosrani in Ngun

Ke lusen yiu puspis Met Lo lun Jeova fwin an Taiwan elos oru orekma upa in taknelik a kosrani in ngun ke futen ma paye ke Baibel in kutu an a luman tia mwo kapek la. Sie me pupulyuk ke an se inge Miao-li County. Arulanu srik pwar su akkalemyeyuk ke kaifweung su kais kutupal Met Lo lun Jeova elos oru in an inge. Ke ma inge in 1973 sie seanyen special pioneer pakiyuki in sulkakin Togusrai pal nu kemwa fwin an we. Ke mutamwauk, kutu met elos akkalemye pwar lalos ke peng mwo. Tusruktu, tia pat toko pwar inge wanginla. Ke ma inge special pioneer su muta inge pakiyuki in oru orekma in an saye.

In 1991 special pioneer luo saye sifwil pakiyuki in oru orekma we. Tusruktu, ma sikyuk toko akkalemye la sonna sun pal fwal ke ma lun ngun in kapek. Tokin yiu ekasr elos sifwil pakiye special pioneer su muta we in som nu ke an saye su nunkeyuk mu a oasr kapek fwin an we. Ke ma inge ke lusen sie pal wangin ma taknelik fwin an se inge.

Kaifweung Su Sifwilpa Oru Kosrani Kutangla

In September 1998 kaifweung paenang oasr an puspis su yok kapek we ke territory lulap lun an Taiwan su sonna lutiyuk. Fuka elos oru ou inge? Elos pakiyuki temporary special pioneer 40 in oru orekma ke an puspis su sonna lutiyuk su oasr met puspis muta.

Siti luo inmaslon territory puspis su suleyukla ke campaign inge su futoto nu ke an Miao-li County. Sister akosr inge met lolap elos enenu in oru orekma we ke lusen malem tolu oru territory se inge. Tokin elos tuku nu ke an inge, pal nu futoto elos simusla report mwo puspis ke met puspis su lungse in lutlut su elos konaok. Ke pal se elos aksafyela orekma lun pioneer lalos ke lusen malem tolu ke an inge, elos oru Baibel study pukanten. Elos ouyepa oakiye sie un buk study ke kasru lun met elder su muta ke congregation su futoto nu ke an se inge.

Tolu sin sister inge elos akkalemye pwar in tafwela in kurunganang “fute” inge su arulanu kapkapek. Tok ma luo selos ekla special pioneer na paye, a el su aktolu el tafwela in oru orekma we oanu sie regular pioneer. Sie elder ke sie congregation su futoto nu ke an inge el tuku in kasrelos. Pus liki met 60 wi ke public talk se meet orek ke an se inge. Ke pal se inge, congregation su futoto nu we sang kasru nu ke u se inge su kapkapek in orala meeting lalos pal nu kemwa ke Sunday in toeni nu ke buk study lalos. A tia pat sie congregation fwa oakiyuki fwin an se inge.

Kaifweung Wise Me Insemwomwo in Kutu An in An Taiwan

Kutu an elos ouyepa akkalemye ou inge. In an I-lan county lun northeastern lun taka se inge, sie Buk Study lun Congregation Sasu oakiyuki ke sie an su temporary special pioneer orekma we.

Ke pal se elos oru orekma lun forfor sie loom nu ke sie loom ke eku se, sie temporary special pioneer el osun nu sin mokul fwusr se a el sang nu sel sie handbill ku pepu su akkalemye meeting nu kemwa lun congregation. Mokul fwusr inge el silaklak in siyuk: “Ya Nga ku in wi ke meeting ekunlutu? Fwin aok, mea Nga enenu in nukom?” Pioneer se inge el konaok la el enenu in Baibel study nu sin met alkosr su lungse in lutlut ke kais sie wik. Met ekasr sin Baibel study inge elos orala tari plan in ekla met orekma ke peng mwo, wikin nien sun in eis baptais ke pal fwasru.

Siepa mutan ke an se inge el wi ke alu pal nu kemwa ke lusen yiu puspis tusruktu el tia ku in konaok kutena met su ku in lotel ke Baibel. Ke pal se el long akmwuk in lutlut Baibel, el silaklak in eis pal mwo inge in lutlut. El eis kas in kaifwe in akola ke me lutlut lal ke pal sa. Ke pal se temporary special pioneer el tuku in oru lutlut nu sel, el liye la mutan se inge el oru “homework” lal ke el moli sie notebook su el orekmakin in simusla kusensiyuk nu kemwa ke me lutlut lal. El simusla pa topuk nu kemwa ke kais sie kusensiyuk inge. El ouyepa simusla ke notebook nutul fus nu kemwa ke Ma Simusla su simusyukla ke me lutlut lal. Ke pal se sister se inge el tuku in oru Baibel study se meet nu sel, mutan se inge el akola tari nu ke me lutlut aktolu!

Kapkapek ku in liyeyuk ke mura lun Dongshih fwin an central Taiwan. Temporary special pioneer elos kitelik 2,000 kutu buk srisrik ke orekma lalos we ke lusen malem tolu. Ke malem se aktolu, elos oru Baibel study 16. Sie kusrusrusr sikyuk ke central Taiwan in September 21, 1999 kunausla na paye ma puspis ke an se inge, tusruktu met su lungse lutlut elos tafwela in oru kapek lalos in ngun, elos enenu in fwafwasyesr ke lusen aur se in wi ke meeting in Kingdom Hall su futoto emeet nu yurolos. Aok, kaifweung eneneyuk in kosrani fwako mwo, fwinne ke ma lun ikwe, ku ke ma lun ngun.

[Map on page 30]

(For fully formatted text, see publication)

CHINA

Taiwan Strait

TAIWAN

[Credit Line]

Mountain High Maps® Copyright © 1997 Digital Wisdom, Inc.