Me Srikasrak Mwo Ya Oasr Ma Lane Su Kom Eis Ka?

“OU inge komwos sie me srikasrak nu selos nu kemwa su lalalfongi in Masedonia a in Akaia. Met sap Poul el simusla kas inge nu sin met Kristian oaru su muta fwin an Tessalonika. Me srikasrak su elos akkalemye nu sin met lili wielos in lalalfongi sie me purakak in eis kaksak paye. Aok, met Tessalonika elos fwasr tokin me srikasrak lal Poul a lun kutu met su welul. Poul el fwak: “Fuka mwosasu lasr tia tuku nu yuromwos in kas mukena, a ouyepa in ku a in ngun mutal, a in arulanu etu, aok, oanu komwos etu la fuka oiye se su kut fwakkutyuk nu sumwos ka keyumwos; a komwos met etawi lasr.”​—1 Tessalonika 1:5-7.

Aok, Poul el tia luti mukena ke inkanek lun sramsram. A moul lal nu fon oanu sie me sramsram​—sie me srikasrak ke lalalfongi, ke muteng, a ke sie moul su kisekinyukla. Ke sripe se inge, Poul a met su welul nu kemwa elos me purakak fukoko ke moul lun met Tessalonika, moklelos in eis ma paye “in keok lulap.” Tusruktu, tia Poul a met su welul mukena pa me srikasrak mwo nu sin met lalalfongi inge nu kemwa. Me srikasrak lun kutu met su muteng ke me keok ouyepa me purakak nu selos. Poul el sim nu sin met Tessalonika: “Tu komwos, met lili, etawi susr lun God su in Judia, in Kraist Jisus, tu komwos ouyepa keok ke ma sana sin met in fwal sumwos, aok oanu elos sin met Ju.”​—1 Tessalonika 2:14.

Jisus Kraist​—Me Srikasrak Yok Emeet

Fwinne Poul sifwanu el oakiye me srikasrak mwo su fwal in etawiyuk, tusruktu, el tia mulkunla in srusrngiye nu sel Jisus Kraist oanu me srikasrak yok emeet su met Kristian nu kemwa enenu in etawi. (1 Tessalonika 1:6) Kraist pa me srikasrak yok emeet in pal meeta a nu sesr ke pal inge. Met sap Piter el simusla: “Tu pangonyuk kut nu ke ma inge, tu Kraist el ouyepa keok keyumwos, a likiye nu sumwos sie srikasrak, tu komwos in fwasr in fwakel.”​—1 Piter 2:21.

Fwine ou inge, Jisus el aksafyela tari moul lal oanu sie met yiu 2,000 somla. Ke pal inge el “muta in kalem su wangin met ku in apkurunyung nu ka” oanu sie ma orekla in ngun su tia ku in mise. Ke sripe se inge, “wangin met liyel tari ku ku in liyel.” (1 Timote 6:16) Ke ma inge, fuka kut ku in etawel? Sie inkaneku pa in lutlut ke me sramsram akosr lun Baibel ke moul lun Jisus. Gospel nu kemwa ase nu sesr etauk ke oiyel, inkanek in moul lal, a “nunuk lal.” (Filippai 2:5-8) Etauk saye kom ku in eis kom fwin kaifweung in lutlut ke buk inge The Greatest Man Who Ever Lived, su sramsramkin ma sikyuk ke moul lun Jisus ke inkanek yok a kalem.a

Me srikasrak ke moul lun Jisus su kisekinyukla sie me purakak yok nu sel Poul met sap. El fwak nu sin met Kristian fwin an Korint: “A Nga fwa arulanu engun in sang a in esyuwot nu sumwos.” (2 Korint 12:15) Sie oiyen moul pa inge in oanu Kraist! Ke kut nunku ke me srikasrak sumwosmwos lun Kraist, kut enenu pa in mokleyuk in etawel ke inkanek in moul lasr.

Ke sie me pupulyuk, Jisus el luti kut in lalalfongi ke mwolela lun God in ase nu sesr me enenu in ikwe. Tusruktu oasr pa ma saye el fwak a oru. El akkalemye kain in lalalfongi a in tupan Jeova ke len nu kemwa. El fwak: “Oasr luf lun kosro foks, a oasr ang lun mwon yen engyengu, a Mwen nutin met wangin an sifwel in on we.” (Mattu 6:25; 8:20) Ya fosrnga lom ke me enenu lun moul pa yok emeet ke nunuk a orekma lom? Ku moul lom orala me akpayeye la kom suk meet Togusrai? A fuka oiye su kom akkalemye ke orekma lun Jeova? Ya ma inge Me Srikasrak lasr oanu oiyen, Jisus? Baibel el akkalemye la Jisus el tia luti mukena ke moniyuk a el akkalemye moniyuk su oanu fururrur pal nu kemwa. (Jon 2:14-17) Sayen ma inge, oasr sie me srikasrak mwomwo ke lungse Jisus el akkalemye! Aok, el kisekin moul lal nu sin met tuma lutlut lal! (Jon 15:13) Ya kom etawi Jisus ke kom akkalemye lungse nu sin met lili Kristian wiom? Ku kom lela moul sesumwos lun kutu selos in kutongye lungse lom nu selos, piye ka?

Ke kaifweung lasr in etawi me srikasrak lun Kraist, pal nu kemwa kut tia sun ma inge. Tusruktu, kut ku in lalalfongi na paye la Jeova el insemwomwo ke kaifweung lasr in “nukomang Leum Jisus Kraist.”​—Rom 13:14.

“Me Srikasrak nu ke U”

Ya oasr kutu met in congregation ke pal inge su ku in ase nu sesr me srikasrak? Aok, oasr! Brother nu kemwa su oasr kunokon lalos elos enenu in akkalemye me srikasrak nu sesr. Poul el fwak nu sel Taitus, su kulansap ke congregation puspis fwin an Krit a pakiye met sropu puspis, la kais sie met elder enenu in sie “met su wangin metal.” (Taitus 1:5, 6) Met sap Piter el ouyepa nu sin “met elder” in ekla “me srikasrak nu sin u.” (1 Piter 5:1-3) A fuka ministerial servant nu kemwa su kulansap? Elos ouyepa enenu in “kulansapu mwo.”​—1 Timote 3:13.

Paye, tia sumwos in nunku mu met elder nu kemwa ku ministerial servant nu kemwa elos usrnguk ke orekma nu kemwa lun met Kristian. Poul el fwak nu sin met Kristian nu in Rom: “A oasr yurosr me sang sieliki sie sin sie fwal nu ke kulang su ase nu sesr.” (Rom 12:6) Kais sie brother tia oanu sie ku lalos ke kais sie orekma. Tia sumwos in nunku mu met elder nu kemwa elos fwa oru a fwak ma nu kemwa ke inkanek sumwosmwos. “Tu in ma puspis kut nu kemwa tukulkul,” Baibel el fwak in Jemes 3:2. “Kutena met fwin tia tukulkul in kas, el inge met fwal, a el ku pa in kutkutong manol nu fon.” Tusruktu, elos fwinne sesumwos, met elder nu kemwa ku in etawi Timote, “me srikasrak nu selos su lalalfongi, in kas, in oiyen moul, in lungse, in lalalfongi, in nasnas.” (1 Timote 4:12) Ke pal se met elder elos oru ou inge, elos nu kemwa su muta ke u se akola in orekmakin kas in kaifwe su oasr in Hibru 13:7: “Komwos esam elos su met kol lomwos, . . . a komwos etawi lalalfongi lalos, ke komwos liye sripen moul lalos.”

Kutu Me Srikasrak In Len Lasr

Ke lusen yiu puspis somla, met puspis elos akkalemyelos sifwanu oanu me srikasrak mwo. A fuka tausen puspis sin missionary su kisekin moul lalos su “filiye loomu, ku ma lel, ku ma loul, ku papa, ku nine, ku tulik ku fwal” in akpayeye kunokon lalos oanu met Kristian in an saye? (Mattu 19:29) Loang akmwoye pa ke met fwafwasryesr a mutan kielos, mokul a mutan su kulansap oanu volunteer ke ofus puspis lun Watch Tower Society, a pioneer puspis su kulansap ke congregation puspis. Ya me srikasrak inge nu kemwa ku in purakak kutu met? Sie met luti Kristian fwin an Asia el esam sie missionary su tuku ke class akalkosr lun Watchtower Bible School of Gilead. El fwak la brother se inge su arulanu oaru el “engun in muteng ke emsa puspis a ke fol upa. . . . Me purakak yoku pa ke ku lal in akkalemye me sramsram lal ke kas Chinese a kas Malay ke el fwinne met England se.” Mea fwokin me srikasrak mwo inge? Brother se inge el fwak: “Inse misla a lalalfongi lal purakak insiuk in sroang pa nu ke orekma lun missionary fwin Nga matula.” Tia me lut, brother se inge el ekla na paye sie missionary.

Watch Tower Publications Index el akkalemye me sramsram puspis ke moul lun sie met su akkalemyeyuk tari ke magasin inge Watchtower a Awake!. Me sramsram inge nu kemwa aketeye ke moul lun kutu met su filiye orekma mwo a nien sun lalos fwin fwalu, kutangla munas lalos sifwanu, oru ekla lulap na paye ke moul lalos, srukye sie nunuk sumwos ye ma upa, a akkalemye moniyuk, muteng, oaru, fwokpap, a ngun in kisekin moul lalos sifwanu. Sie met rid el simusla ke me sramsram inge nu kemwa: “Ma inge nu kemwa oru Nga in fwokpap liki a sie met Kristian su sang kulo ke pal se Nga ridi ma kutu met elos sun a kutangla, a ma inge kasre yu in tia nunku yok alukela ma fwal ke moul luk sifwanu ku in rapku.

In wekunang nu ke ma inge, lela kom in tia mulkunla me srikasrak mwo puspis ke congregation lom sifwanu: sifwen sou su tia tui in kurunganang me enenu in ikwe a ngun lun sou lalos; sister puspis​—wekunang nine su wangin mokul tuma—​su sun ma upa su tuku ke orekma in kurunganang tulik a in pal sena kafofo ke orekma lun forfor; met matou a met mas su kaifweung in oaru elos fwinne munas tari in mano. Ya me srikasrak inge nu kemwa tia mokle kom?

Paye, fwalu se inge nenela ke me srikasrak koluk. (2 Timote 3:13) Fwinne ou inge, loang akmwoye nu ke kas in kaifwe lal Poul nu sin met Kristian su muta fwin an Judea. Tokin el srukak me srikasrak mwo puspis lun mutan a mokul lalalfongi in pal meeta, met sap Poul el kaifwe nu selos: “Ke ma inge, tu oasr pukunyeng lulap lun met lo su apunkutla, lela kut . . . in moniyuk in kasrusr lun akutun, su filiyuki tari ye mutasr, ngetuk nu sel Jisus, Met Kol a Met Aksumwosye lalalfongi lasr.” (Hibru 12:1, 2) Met Kristian ke len inge elos ouyepa rauniyukla ke sie ‘pukunyeng lulap’ lun me srikasrak mwo​—kemwanu in pal meeta a ke len lasr. Ya oasr ma lane kom ku in eis selos? Aok oasr, kom fwin kaifweung in ekla met “etawi tia ke ma koluk, a ke ma mwo.”​—3 Jon 11.

[Footnote]

[Blurb on page 30]

Tia sie inkanek lalmetmet in nunku la kais sie elder ku ministerial servant elos usrnguk ke orekma nu kemwa lun met Kristian

[Pictures on page 31]

Met elder nu kemwa enenu in ekla “me srikasrak mwo ke u”