Efu In Sang Nunuk Munas?

“SCIENTIST el orala sie lutlut su mutamwauk in akkalemye la nunuk munas el ku in akkeye pulakin lun sie met​—a ku pa in akkeye, ku lun—​mano,” pa inge report The Toronto Star lun an Canada. Fwinne ou inge, Professor Carl Thoresen lun Stanford University, U.S.A., su kol ke lutlut lun Stanford Forgiveness Project, el liye la “oasr met ekasr na su kalem ke nunuk munas a fuka orekma lun ma inge.”

Nunuk munas na paye pa sie orekma yok lun met Kristian. The Toronto Star el reporti la kalmen ma inge pa “kom akilen la kom tafongla, paenang kom sisla kutena me asor in kom, a kom mutamwauk in akkalemye pakoten a lungse nu sin met su kom oru ma koluk nu sa.” Ma inge tia ku in kalmekin akesrui nu ke ma koluk, orek excuse, mulkunla, ku pilesru ma sesumwos; ku kom filiye moul lom ke sie an su fwusesr in akkolukyeyuk. Report inge akkalemye la key na paye lun nunuk munas pa in “sisla mulat a pulakin sesumwos.”

Met lutlut elos fwak la lutlut yok eneneyuk nu ke ma lane lun mano su tuku ke nunuk munas. Tusruktu, elos tianu reporti ma lane ke nunuk su tuku ke orekma lun nunuk munas, wekunang in “srikeni me fosrnga, me keok, a asor yok lun met.”

Sie sripe mwo su tuku ke nunuk munas akkalemyeyuk in Efesus 4:32, su fwak: “A komwos in kulang nu sin sie sin sie, ke mwo insiomwos, nunuk munas nu sin sie sin sie, oanu God el ouyepa nunuk munas nu sumwos in Kraist.” Fwin ke orekma in sang nunuk munas, oanu kutupa saye, kut nu kemwa sapkinyuk in met etawi God.​—Efesus 5:1.

Srunga in nunuk munas nu sin kutu met fwinne oasr sripe in akkalemye pakoten ku in akkolukye futoto lasr nu sin God. Jeova el lungse kut in nunuk munas sie sin sie. Ke ma inge kut ku in pre nu sel in siyuk nunuk munas nu sesr.​—Mattu 6:14; Mark 11:25; 1 Jon 4:11.