Oya Kom Ku in Konaok Inse Misla?

Oasr ma puspis su tia oanu sie inmaslon pal lasr a pal lal Thoreau, su sromonyuk ke me lutlut tari’a. Sie ma yok su tia oanu sie pa, ke len inge oasr kai puspis kut ku in eis ke inse misla. Psychologist a met sim lun buk puspis su sang kasru​—wekunang pa met sim lun newspaper—​elos akkalemye pa ke kasru. Saap kai lalos ku in sang me kasru ke pal na futoto; tusruktu ke me kasru ke lusen pal loes, oasr ma yok su eneneyuk. Pa inge ma met puspis su sramsramkinyuk ke me lutlut somla elos konaok.

ANTÔNIO, Marcos, Gerson, Vania, a Marcelo elos tuku ke kain in oiyen moul puspis a ma upa lalos nu kemwa tia oanu sie. Tusruktu, oasr ma tolu su elos nu kemwa oanu sie ka. Ma se meet, oasr sie pal elos nu kemwa “wangin fwinsrak yurolos a elos sayen God fwin fwalu.” (Efesus 2:12) Ma se akluo, elos nu kemwa lungse inse misla. A ma se aktulo, elos nu kemwa konaok inse misla tokin elos lutlut Baibel yurin Met Lo lun Jeova. Ke pal se elos kapkapek in ma paye, elos akilen la God el insemwomwo kelos. Aok, oanu ma Poul el fwak nu sin met Athenians in len lal, God “el tia loes liki kutena sesr.” (Orekma 17:27) Lalalfongi paye ke ma inge pa sie me kasru yok nu ke inse misla.

Efu Ku Arulanu Srik Misla?

Baibel el aketeye sripe luo la efu ku arulanu srik misla fwin fwalu​—inse misla ku misla inmaslon metu. Ma se meet Jeremaia 10:23 el aketeye: “Inkanek lun met tia on in el sifwanu; tia ma lun met su fwasr in aksumwosye inkanek lal.” Wangin lalmetmet ku etauk lun met in kol moul lal sifwanu fwin wangin kasru, a kasru siefwunnu su oasr sripe na paye tuku sin God me. Met nu kemwa su tia suk kolyuk lun God fwa tia konaok misla ma patpat. Sripe akluo la efu ku wangin misla ku in konoiyukyuk in kas lun met sap Jon: “Fwalu nu fon on in ma koluk.” (1 Jon 5:19) Fwin wangin kasru lun ngun mutal, kaifweung lun met in eis misla fwa akkulokyeyuk sin met su tia ku in liyeyuk​—a arulanu fukoko—​“arulanu koluk,” su Setan.

Ke sripe luo inge​—paenang met puspis elos tia suk kolyuk lun God, a Setan el arulanu kafofo fwin fwalu—​met fwin fwalu nu kemwa elos muta ke sie ma upa. Met sap Poul el akkalemye ou inge: “Ma orekla saok a tukeni ngalnu nu ke pal se inge.” (Rom 8:22) Su ku in lain kas paye inge? Ke mutanfwal kasrup wekunang mutanfwal sikasrup puspis, ma upa in sou, orekma silolel, nununku sesumwos, srunga inmaslon met, upa lun mani, srunga inmaslon sruf a tun, me keok, mas, a ma puspis, paenang in wangin inse misla lun met.

Kom Ku In Konaok Inse Misla Oya

Ke pal se Antônio, Marcos, Gerson, Vania, a Marcelo elos lutlut ke Kas lun God, Baibel, elos lotela ma puspis su ekulla oiyen moul lalos. Ke sie sripe, elos lotela la oasr sie pal akmwuk lun fwalu fwa ekla. Ma inge tia sie kain in fwinsrak su wangin kalme a in nunku mu saflaiyen ma nu kemwa e ku in mwo. Sie kain in fwinsrak paye pa inge la oasr akmwuk lun God nu sin metu a fwinne misinge pa kut ku in eis ma lane su tuku ke akmwuk inge kut fwin oru ma lungse lal. Elos orekmakin ma elos lotela ke Baibel ke moul lalos, a ma nu kemwa kapkapek mwo nu selos. Elos konaok insemwomwo a misla yok liki ma elos nunku.

Antônio el tia sifwil wi orekma in suk me lain a in akfosye lun met orekma. El etu la kutena akmwuk su ku in sikyuk ke inkanek inge ma na ke kitin pal na a tianu yok. Met kol lun met orekma inge el eis etauk ke Togusrai lun God. Pa inge Togusrai su million puspis sin met elos siyuk ke Pre lun Leum (ku, Papa Tumasr) a elos siyuk sin God: “Togusrai lom in Tuku.” (Mattu 6:10, New International Version) Antonio el etauk la Togusrai lun God pa sie guferment in kosrao su e fwa wise misla na paye nu sin met nu kemwa.

Marcos el lotela in orekmakin kai lun Baibel ke moul in payuk. Ke sripe se inge, met kol inge lun politic meet el sifwil engun in eis mutan kiel. El ouyepa ngetla nu ke pal fwasru, su apkurun in tuku, ke pal se Togusrai lun God el aolla akmwuk koluk a rapku inge nu ke sie akmwuk su mwolanu. El kalem na paye ke kas su ku in liyeyuk ke Pre lun Leum su fwak: “Ma lungse lom in orek oanu in kosrao, ou inge fwin fwalu. (Mattu 6:10b, NIV ) Fwin ma lungse lun God e fwa orek fwin fwalu ke pal fwasru, met nu kemwa fwa pulakin sie moul mwomwo su elos sonna liyeyuk ke mutamwauk me.

A fuka Gerson? El tia sifwil met forfor wel a met pusrapasr. Moul lun tulik inge su lungse in forfor wel ke inkaneku meet oasr ekla lal in pal inge meyen el orekmakin ku lal in kasru kutu met in konaok inse misla. Oanu experience inge nu kemwa lungse in akkalemye la, lutlut ke Baibel a orekmakin in ekulla na paye moul lun met ke inkanek yok a mwo.

Inse Misla ke Sie Fwal Koluk

Met lulap ke akmwuk lun God in oru ma lungse lal pa Jisus Kraist, a ke pal se met el lutlut ke Baibel sin Met Lo lun Jeova, elos lotela ma puspis kel. Ke fong se ma el isusla, lipufon elos on in kaksakin God: “Mwolanu nu sin God in fulat liki nu kemwa, a misla fwin fwalu in maslon met su el insemwomwo kalos.” (Luk 2:14) Ke pal se Jisus el kapek, el nunku yok ke inkanek in akkapye moul lun met. El kalem ke pulakin lalos a el akkalemye pakoten yok nu sin met keok a met mas. A in fwal nu ke kas lun lipufon, el sang inse misla nu sin met pusisel. Ke saflaiyen orekma lun forfor lal, el fwak nu sin met tuma lutlut lal: “Nga filiye misla yuromwos, misla luk Nga sot nu sumwos. Tia oanu fwalu sot. Nikmet lela insiomwos in toasr, a nikmet lela in sangeng.”​—Jon 14:27.

Jisus el tia sie met su nunku mukena ke kutu met. A el pupulyukin sifwanu ke met seperd se, a el pupulyukin met tuma lutlut lal nu ke sip ke pal se el fwak: “Nga tuku tu elos fwa moul, a tu moul lulap fwa ma lalos; Nga met sropu mwo, met sropu mwo el filiye moul lal ke sip.” (Jon 10:10, 11) Aok, tia oanu met kol puspis ke len inge su nunku ke moul lalos sifwanu, Jisus el sang moul lal ke sip.

Fuka kut ku in eis ma lane su tuku ke ma Jisus el oru? Met puspis elos etu kas inge: “Tu God el lungsel fwalu ou inge, tu el ase Mwen siefwunnu isusla nutul, tu el su lalalfongel fwa tia tula, a el fwa eis moul ma patpat.” (Jon 3:16) Lalalfongi in Jisus enenu in oasr, ma se meet, etauk kel a Papa tumal, Jeova. Etauk ke God a Jisus Kraist ku in kol nu ke futoto nu sin Jeova God su ku in kasru kut in eis inse misla.

Jisus el fwak: “Sip nutik elos long pusrek, a Nga etalos, a elos fwasr tukuk. A Nga sang moul ma patpat, a elos fwa tianu tula, a wangin sie fwa tulakunnalosla liki in pouk.” (Jon 10:27, 28) Sie kas mwomwo pa inge su akengunye kut! Paye, Jisus el fwak kas inge ke luo tausen yiu somla, tusruktu ma inge arulanu fukoko pa misinge oanu meet. Lela kut in tia mulkunla la Jisus Kraist el srakna moul a kafofo ke orekma lal, el kol ingenu oanu sie Togusra ke Togusrai lun God in kosrao. Oanu ma el oru in pal meeta ke yiu puspis somla ke el tuku fwin fwalu, el srakna nunku yok ke met fwokpap su lungse inse misla. Sayen ma inge, el srakna Met Seperd ke sip nutul. Kut fwin fwasr tokol, el e fwa kasre kut in eis inse misla, wekunang lalalfongi yok in liye misla na paye ke pal fwasru​—su ku in kalmekin la wangin la orekma silolel, meun, a orekma koluk.

Ma lane na paye ku in tuku ke etu a lalalfongi in Jeova, ke inkanek lun Jisus, fwa ku in kasre kut. Ya kom esam Vania, mutan fwusr se su oasr kunokon lulap su filiyuki nu sel a nunku la God el som lukel? Ke pal inge Vania el etu la God el tia mulkunulla. El fwak: “Nga etu God el sie met na paye su oasr oiye mwo puspis lal. Lungse lal moklel lan supwemu Mwen nutul nu fwalu in ase nu sesr moul. Arulanu yok sripe in etu ma inge.”

Marcelo el akpayeye la futoto lal nu sin God arulanu paye. Mokul se inge lungse na in som nu ke party meet el fwak ou inge: “Pal puspis met fwusr elos nukin ma elos enenu in oru, ke saflaiye elos akkolukyelos sifwanu. Kutu selos sremla ke orekmakinyen ono koluk, oanu ma Nga oru meet. Nga fwinsrak mu pukanten selos fwa eis insemwomwo, oanu Nga, ke inkanek in lutlut ke ma paye ke God a Mwen nutul.”

Ke inkanek lun lutlut mwo ke Baibel, Vania a Marcelo elos akyokye sie lalalfongi fukoko nu sin God a lalalfongi ke insemwomwo lun God in kasrelos in aksumwosye ma upa lalos. Kut fwin oru ma elos oru​—lutlut ke Baibel a orekmakin na—​kut ku in konaok inse misla lulap, oanu ma elos konaok. Na kas in akkeye lal met sap Poul arulanu fwal nu sesr: “Nik komwos nununkala in kutena ma, a in ma nu kemwa ke pre a kaifwe wi sang kulo, komwos in fwakak me siyuk lomwos nu sin God a misla lun God, su alukela ma eteyuk nu kemwa, fwa liaung insiomwos a numkomwos in Kraist.”​—Filippai 4:6, 7.

Konaok Mislana Paye ke Len Inge

Jisus Kraist el kol met su musrenral ke ma paye ke inkanek su kol nu ke moul ma patpat in sie paredais fwin fwalu. Ke el kololos nu ke alu nasnas lun God, elos pulakin misla oanu ma akkalemyeyuk in Baibel: “A met srak fwa muta in nien muta misla, a in loom su wangin fosrnga we, a in nien mongle fwulpap.” (Isaia 32:18) Ma inge oanu ip srisrik nu ke misla su elos akola in eis ke pal fwasru. Kut ku in rid: “A met fwokpap elos fwa usru fwalu, a fwa sifwanu akengunyelos in misla puspis. Met sumwosmwos elos fwa usru fwalu, a muta we ma patpat.”​—Sam 37:11, 29.

Ke ma inge, ya kut ku in eis inse misla ke pal inge? Aok. Sayen ma inge, kut ku in lalalfongi na paye la ke pal fwasru, God el fwa akinsemwomwoye met fwokpap nu kemwa ke misla yok su elos sonna srike ke kutena pal. Ke ma inge, efu kom ku tia siyuk sel ke misla lal ke inkanek lun pre? In sot nu sum misla liki meeta. Ke ma inge, ya oasr misla in pulakin lasr misinge? Fwin oasr ma upa lom su eisla misla lom, kom ku in pre oanu ma Togusra Devid el siyuk ke pre: “Asor lun insiuk yokelikna; O wisyula liki me keok luk. Nunku ke ongoiye luk a mwaiok luk; a nunuk munas nu ke ma koluk luk nu kemwa.” (Sam 25:17, 18) Lela in oasr lalalfongi la God el long kain in pre inge. El asroela paol a sang misla nu sin met nu kemwa su suk ma inge ke insielos kemwa. Kut nu kemwa akkeyeyuk ke lungse: “Jeova el apkurun nu selos nu kemwa su pang nu sel, nu selos nu kemwa su pang nu sel in paye. El e fwa akpayeye ma lungse lalos su sangeng sel; el a fwa ouyepa long tung lalos, a molelosla.”​—Sam 145:18, 19.

[Blurb on page 5]

Wangin lalmetmet ku etauk lun met in kololos sifwanu ke wangin kasru, a kasru siefwunnu su oasr sripe na paye tuku sin God

[Blurb on page 6]

Etauk ke God a Jisus Kraist ku in orala futoto nu sin Jeova su ku in kasru kut in eis misla in nunuk

[Picture on page 7]

Akos ma sap lun Baibel sang kasru ke insemwomwo lun moul in sou