Jesus El Fahsr Fin Kof Uh

Jesus el kuh in unwelah mwet mas ac ahkmoulyeack mwet misac. Oasr pac kuh lal in tulokihnye eng uh ac af. Tukun el puhruhe fin ohl uh, Jesus el ngweti nuh Meoa Galilee ac el liye lah oasr pahkah se. Mwet sap lal eltahl oasr ke oak okoacltahl ac orekma upac in kal mweyen arlac fokoko eng uh. Jesus el puhtati ac el fahsr fin kof uh som nuhke oak uh. Ke pacl se mwet sap eltahl liye lah oasr mwet suc fahsr fin kof uh, eltahl sahngweng. Jesus el fahk nuh seltahl, ‘Nga pa inge. Nik komtacl sahngweng.’

Peter el fahk: ‘Leum, fin kom pa ingacn, sap nga in fahsrot fin kof uh nuh yurum.’ Jesus el fahk: “Fahsruh.” Ke ma inge, finne srackna upac pahkah se inge, Peter el srolah liki oak uh ac fahsr fin kof uh nuh yohrohl Jesus. Tuhsruhktuh ke el apkuhran nuh yohrohl Jesus, el liye upac luhn eng uh ac el sahngweng. El muhtwacwacack in tili nuh in kof uh. Peter el wowoyak ac fahk: ‘Leum moliyuclac!’ In kihtin pacl ah na, Jesus el ahsroelah pahol sruokilyac Peter, ac fahk: ‘Efuh kom kuh ahlohloh? Efuh kuh srihklac luhlahlfongi lom?’

Jesus ac Peter eltahl sroacng nuh fin oak uh, ac pahkah upac inge tui. Yac kom nuhnkuh lah meac mwet sap inge eltahl puhla? Eltahl fahk: “Pwacyena kom Wen nuhtin God.”

Oasr pac pacl sahyac ma Jesus el ahkwoyelah puhlanpacl uh. Oasr sie pacl, ke Jesus ac mwet sap lal eltahl kalot som nuh lefahlo, Jesus el mutul ke kapihn oak uh. Pahkah na upac se tuhyak. Noa uh fungulye oak uh, ac oak uh sesseslah ke kof. Mwet sap eltahl oaksalak Jesus, ac fahk: ‘Mwet luti, kom kahsre kuht, kuht ac misac pa inge!’ Jesus el tuhkahkwek ac kai eng uh: “Mislac!” Na eng uh mihsi ac noa uh tui. Jesus el siyuck sin mwet sap lal: ‘Yac srackna wacngihn luhlahlfongi lomtacl?’ Eltahl fahk nuh sin sie sin sie: “Finne eng uh ac noa uh ahksol pac.” Mwet sap inge lotwelah lah eltahl fin luhlahlfongi nuh sel Jesus, eltahl ac tiac sahngeng ke kuhtwena ma.