Joshua ac Mwet Gibeon

Ma sikyak ke acn Jericho pwengpwengelihk nuhke muhtuhnfacl sahyac fin acn Canaan. Tohkohsrah laltahl uh tuhkweni inseselac ac som lain mwet Israel. Tuhsruhktuh, mwet Gibeon uh siena ma elos nuhnkuh. Eltahl som nuh yohrohl Joshua, nukum mah in nuknuk ac fahk: ‘Kuht tuhkuh ke yen loessalah me. Kuht lohng kacl Jeova ac ke ma wo nuhkewa ma el oruh nuh sumtacl fin acn Egypt ac Moab. Wuhlelah nuh sesr muh komtacl ac tiac lain kuht ac kuht ac fah eklac mwet kuhlwacnsap lomtacl.

Joshua el luhlahlfongeltahl ac inseselac in tiac mweun lainuhltahl. Lwen tolu tohkoh, el konwacack lah eltahl tiac tuhkuh na pwacye ke yen loessalah me. Eltahl ma fin acn Canaan. Joshua el siyuck sin mwet Gibeon inge: ‘Efuh kuh komtacl kikiacp nuh sesr?’ Eltahl topuk ac fahk: ‘Mweyen kuht sahngweng! Kuht etuh lah Jeova God lomtacl el mweun keimtacl. Nuhnak muhnahs nikmet unikuhti.’ Joshua el sruokyac na wuhlelah lal uh ac el lwelah eltahl in moul na.

Tiac paht, tohkohsrah lihmekohsr luhn mwet Canaan wi mwet solse laltahl uh som in ahkkulukye mwet Gibeon. Joshua ac un mwet mweun lal uh fahsr fong na fohn se in som molweltahllah. Mweun ma orek inge toang na muhtwacwacack ke lututacng se tok ah. Mwet Canaan inge muhtwacwacack in kahingwelihk. Ke yen nuhkewa ma eltahl kahsruhsr nuh we uh, Jeova el suhpweyac af yohk kosra oacna pohl in ice nuh facltahl. Na Joshua el siyuck sin Jeova elan oraclah faht uh in tui. Efuh kuh el siyuck Jeova elan oruh ma inge ke faht uh soenna wi tui uh? Pa inge luhpan luhlahlfongi lal Joshua nuh sin Jeova. In oacna ke ma el siyuck uh, faht uh tiac tili ke lwen fohn se, ne ke na mwet Israel eltahl kuhtanglah tohkohsrah ac mwet solse luhn acn Canaan.