MWE LUTLUT 12
Orekma in Luti Lasr Ke Tohkohsrahi uh Oakiyucki Fuhkah?
Spain
Belarus
Hong Kong
Peru
Kihtin pacl meet liki Jesus el misac, el fahk ma inge: “Ac Pweng Wo inge ke Tohkohsrahi uh ac fah lutiyuck fin facluh nohfohn in mwe loh nuh sin mwet nuhkewa, na facluh fah sahflah.” (Matthew 24:14) Tuhsruhktuh, orekma in luti se inge ac orek fuhkah fin facluh nohfohn? Pa ke eltahl ukwe mwe srihkasrak ma Jesus el oruh ke pacl se ma el moul fin facluh.—Luke 8:1.
Kuht srihke in som nuh yurin mwet ke lohm seltahl uh. Jesus el ahkpahye mwet tuhma lutlut lal in pacl meet ah eltahl in luti pweng wo inge ke lohm nuh ke lohm. (Matthew 10:11-13; Orekma 5:42; 20:20) In oacpacna, kuht srihke in som nuh yurin mwet ke lohm seltahl uh. Oasr acn ma oakiyucki nuh sin mwet tuhma lutlut in pacl meet ah in oruh orekma in luti uh. (Matthew 10:5, 6) In oacna, ke pacl inge orekma in luti lasr uh oakiyucki wo ac ituckyang acn ma kais sie congregation kuh in orekma we. Ma inge kahsre kuht in sun kain in mwet nuhkewa suc kuht kuh in sun ke kuht kwacfeacng in ahkpwacyeye ma Jesus el sapkihn nuh sesr inge in “luti ke Wosasuc nuh sin mwet uh.”—Orekma 10:42.
Kuht kwacfeacng in sun mwet ke acn nuhkewa. Jesus el oacyacpac oakiyac mwe srihkasrak na wowo se ke el luti nuh sin mwet ke acn ma puhs mwet we, oacna lihkihn pot kuh ke luhf in kof. (Mark 4:1; John 4:5-15) Kuht oacyacpac sramsram nuh sin mwet ke Bible ke acn nuhkewa ma kuht kuh in oruh, pe inkacnek, ke acn in kuhka, acn in muhtwacta ac sritacl kuh ke telefon. Kuht oacyacpac sang ma loh nuh sin mwet tuhlan lasr, mwet wi kuht orekma, tuhlihk lutlut wiyacsr kuh sucu lasr ke pacl ma kuht liye muh wo ac fal. Kwacfeacng nuhkewa inge oruh million sin mwet fin facluh nohfohn eltahl kuh in lohng “pweng wo” se ma molwelah mwet uh.—Psalm 96:2.
Yac oasr mwet kom nuhnkuh kac ac ke sruhmuhn nuh se pweng wo ke Tohkohsrahi luhn God uh wi ma wo nuhkewa ma ma inge kuh in use ke pacl fahsruh uh? Nimet sruokyac pweng inge nuh sum sifacna. Kwacfeacng in sruhmuhn ma inge nuh seltahl ingena!
“Pweng wo” fuhkah enenuh in lutiyuck fin facluh nohfohn?
Mwet Loh luhn Jeova uh etahi fuhkah inkacnek in luti lal Jesus uh?